10 Ми ёна мырсям да нуам лёкӧдӧмсӧ, ӧд лачанымӧс кутам ловъя Ен вылӧ. Сійӧ – быдӧнлы Мездысь, торйӧн нин эскысьяслы.
Сійӧ кӧсйӧ, медым став йӧзыс мездмисны да тӧдісны збыльсӧ.
Сійӧ – миянлысь мыжнымӧс вештысь, и абу сӧмын миянлысь, а став муюгыдыслысь.
Сійӧ сетіс Асьсӧ, медым ньӧбны став йӧзсӧ. Тайӧ петкӧдлӧ, мый мездана кадыс воис нин.
Аскинас Иоан аддзис сы дінӧ локтысь Исусӧс да шуис: «Видзӧдлӧй, тайӧ Енлӧн Баля. Сійӧ вештӧ став йӧзлысь мыжъяссӧ.
Батьыс мӧдӧдіс Писӧ мездыны муюгыдсӧ. Ми ас синмӧн аддзылім тайӧс, и ӧні висьталам та йылысь.
Найӧ шуисны аньлы: «Ӧні ми эскам огӧ сӧмын тэнад висьталӧм вӧсна. Ми эскам сы понда, мый асьным кывлім Сійӧс да тӧдам: Сійӧ збыльысь муюгыдсӧ Мездысь, Кристос».
Веськыда, веськыда висьтала тіянлы: коді кывзӧ Менсьым кывъясӧс да эскӧ Менӧ Мӧдӧдысьлы, сылӧн эм помтӧм олӧм. Сійӧс оз кутны мыждыны, кулӧмсьыс сійӧ вуджис нин олӧмас.
Збыльыс кыпӧдчӧ мусянь, веськыдлуныс видзӧдӧ енэжсянь.
Сідзкӧ, петам Исус дінӧ кар ортсыас да Сы моз нуам лёкӧдӧмсӧ.
Енмыс – менӧ Мездысьыс. Сы вылӧ ме лача кута да ог пов. Господь – менам вынӧй, Сійӧ – менам сьыланкывйӧй. Господь мездіс менӧ».
Ме ола Тэнад тшӧктӧмъяс серти, сӧмын эн эновт менӧ.
Сы пыр ті эсканныд Енмыслы, коді ловзьӧдіс Сійӧс да сетіс Сылы дзирдлунсӧ, медым ті эскинныд да лача кутінныд Енмыс вылӧ.
Кристос вӧсна лёкӧдӧмсӧ Мӧисей лыддис ыджыдджык озырлунӧн египетса став озырлун дорысь. Ӧд сійӧ тӧдіс, мый сылы лоӧ сетӧма тырдон.
Тайӧ нэмас озыра олысьясӧс велӧд, медым вылӧ эз кыпӧдчыны, лачанысӧ эз кутны бырана озырлун вылӧ, а ловъя Ен вылӧ. Сійӧ лышкыда сетӧ миянлы ставсӧ нимкодясьӧм вылӧ.
медым, падма кӧ, тэ тӧдін, кыдзи кутны асьтӧ Ен керкаын, ловъя Енлӧн вичкоын. Ӧд вичкоыс эм збыльыслӧн сюръяыс да подулыс.
Сійӧ Ен вылӧ лачаӧн оліс. Мед Енмыс мездас ӧні, дона кӧ Сылы. Шуліс ӧд, Ме пӧ Ен Пи».
Господь – бур, Сійӧ дорйӧ сьӧкыд кадӧ, Сійӧ тӧдӧ Сы вылӧ лача кутысьясӧс.
Тэ веськыда мыждін миянӧс да миян батьяслысь вежа Ерусалим карсӧ, Тэ мыждін Аслад збыльыд серти, миян мыжъяс вӧсна став тайӧ сьӧкыдсӧ Тэ мӧдӧдін миянлы.
Бурсиӧма сійӧ мортсӧ, коді лача кутӧ Господь вылӧ, кодлӧн мыджӧдыс – Господь.
Коді тіян пӧвстысь полӧ Господьысь, кывзысьӧ Сылӧн кесйӧглысь? Коді ветлӧ пемыдас, кӧні абу югыдыс, сійӧ мед лача кутӧ Господьлӧн нимыс вылӧ, мед мыджсьӧ аслас Ен вылӧ.
Енмӧй, менам сьӧлӧмӧй дась нин, кута сьывны да ошкыны Тэнӧ.
Тэнсьыд мыжтӧмлунтӧ Сійӧ петкӧдас югыдас, тэнад веськыдлуныд кутас дзирдавны луншӧрся шонді моз.
Симон-Петыр вочавидзис: «Тэ – Кристос, ловъя Енлӧн Пи».
Но Енлӧн буралӧмыс вӧсна ме сэтшӧм, кутшӧм эм. Сылӧн буралӧмыс ме дінӧ эз вӧв весьшӧрӧ, ӧд ме уджалі мукӧд апостол дорысь ёнджыка на. Дерт, ме эг ачым уджав, а ме пытшкын олысь Енлӧн буралӧмыс уджаліс.
Сійӧ видзис миянӧс кулӧмысь да водзӧ на видзас. Ті кӧ отсаланныд миянлы кевмысьӧмнаныд, ми лача кутам, мый Енмыс нӧшта на видзас. Сэки унаӧн кутасны ошкыны Енсӧ миян дінӧ Сылӧн буралӧмысь.
Тайӧ бур да шогмӧ Енмыслы, миян Мездысьлы.