1 Тимофейлы 1:9 - Коми Библия 2023

⁹ Гӧгӧрвоам, мый Индӧдсӧ лӧсьӧдӧма абу веськыда олысьлы, а сійӧс торкысьлы да кывзысьтӧмлы, Ентӧг олысьлы да мыж вӧчысьлы, эскытӧмлы да Енмӧс омӧльтысьлы, бать-мам вылӧ ки лэптысьлы да морт виысьлы,

1 Тимофейлы 1:9 Referans Kwoze

Галатӧ 3:19

Мыйла, сідзкӧ, колӧ Индӧдыс? Сійӧс сетӧма вӧлі бӧрынджык йӧзыслӧн мыж вӧчӧм вӧсна, и вӧлі вына кӧсйысьӧм серти чужысьлӧн локтӧдз. Индӧдсӧ сетӧма анделъяс пыр да шӧракостас сулалысьлӧн киӧн.

1 Петыр 4:18

– Веськыда олысь кӧ ӧдва мездмӧ, мый виччысьӧ Ентӧг олысьӧс да мыжаӧс?

Римӧ 5:20

Индӧдсӧ сетӧма, медым петкӧдлыны, кутшӧм уна мыж вӧчӧмыс. Кӧні мыж вӧчӧмыс уна, сэні ёнджыка на петкӧдчӧ буралӧмыс.

Галатӧ 5:23

рамлун, асьтӧ кутӧм. Таысь Индӧдыс оз мыжды.

Титлы 3:3

Ми ӧд асьным коркӧ вӧлім вежӧртӧмӧсь да кывзысьтӧмӧсь, вошӧмаӧсь олӧмас, сетчӧмаӧсь ыштӧмас да быдпӧлӧс ковтӧм гажӧдчӧмас. Олім лёк пытшкас, вежалім, вӧлім мустӧмӧсь, да мукӧдсӧ тшӧтш мустӧмтім.

Римӧ 6:14

Мыжыс оз вермы ыджыдавны тіян вылын, ӧд ті буралӧм улынӧсь, абу Индӧд улынӧсь.

Римӧ 1:30

Найӧ лёк сёрниаӧсь, удтысьӧны, Енсӧ мустӧмтӧны, мукӧдӧс дӧзмӧдӧны, асьнысӧ вылӧ пуктӧны да ошйысьӧны. Найӧ зільӧсь лёксӧ вӧчны, бать-мамныслысь оз кывзысьны,

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».

Титлы 1:16

Найӧ шуӧны, тӧдам пӧ Енсӧ, но уджыс налӧн мӧдтор йылысь висьталӧ. Найӧ мустӧмӧсь, кывзысьтӧмӧсь и бурсӧ вӧчны оз сяммыны.

1 Петыр 3:20

Тайӧ ловъясыс вӧліны кывзысьтӧмӧсь Енлӧн терпитӧм дырйи, кор Ной вӧчис ковчег. Сэні этшаӧн, сӧмын кӧкъямыс морт, мездмисны ва пыр.

Еврейяслы 11:31

Эскӧм вӧсна Раав нима кырсалысь ань эз кув эскытӧмъяскӧд ӧтвыв, ӧд сійӧ бур сьӧлӧмӧн сибӧдіс израильса кыйӧдчысьясӧс.

2 Фессалоникаӧ 2:8

сэки паныд сувтысь воссяс. Но Господь Исус локтігас виас сійӧс Аслас лолыштӧмнас да бырӧдас сійӧс Аслас дзирдлуннас.

Римӧ 4:13

Ен кӧсйысис сетны Ӧвраамлы да сысянь чужысьяслы муюгыдсӧ. Кӧсйысис сылы эз Индӧд серти олӧм вӧснаыс, но эскӧм вӧснаыс сійӧ лои веськыдӧн да.

Матвей 10:21

Вокыс воксӧ сетас вины, батьыс – писӧ. Ныв-пиыс сувтасны бать-мамыслы паныд да виасны найӧс.

Езекиль 21:25

Тэ, Израильлӧн лёк да шогмытӧм ӧксы, тэнӧ мыждан луныс воис, лёк уджъясыдлы воис пом.

Еремей 23:11

– Пророкъяс да попъяс пежасьӧмаӧсь, весиг Аслам керкаын Ме аддза налысь лёк вӧчӧмсӧ, – висьталӧ Господь. –

Шусьӧгъяс 30:17

Коді сералӧ батьсӧ да мустӧмтӧ мамыслысь тшӧктӧмъяссӧ, сылысь синсӧ ковтысын кокаласны кырныш да кутшпиян.

Шусьӧгъяс 30:11

Курыд шог налы, кодъяс батьнысӧ ёрӧны да мамнысӧ оз бурсины.

Шусьӧгъяс 28:24

Коді гусясьӧ бать-мамыслысь да шуӧ: «Тайӧ абу мыж», сійӧ бырӧдысьлы ёрт.

Шусьӧгъяс 28:17

Вир кисьтысь пондас кувтӧдзыс пышъявны – энӧ кутӧй сійӧс.

Шусьӧгъяс 20:20

Коді бать-мамсӧ лёкӧдӧ, сылӧн биыс сап пемыд дырйи кусас.

2 Каднебӧг 32:21

Сэки Господь мӧдӧдіс анделӧс, и сійӧ бырӧдіс ассурса ӧксылысь став вына тышкайӧзсӧ да налысь юралысь-веськӧдлысьяссӧ. Ассурса ӧксы яналӧмӧн бӧр бергӧдчис аслас муӧ. Кор сійӧ пырис аслас енлӧн крамӧ, сэні сылӧн пияныс виисны сійӧс шыпуртӧн.

Ӧксыяслӧн 4 небӧг 19:37

Кор Сеннахирим юрбитіс аслас Нисрох нима енлӧн крамын, сылӧн Адрамелек да Сарецер пияныс виисны сійӧс шыпуртӧн. Сэсся найӧ пышйисны Арарат муӧ. Сеннахирим пыдди ӧксыӧ пуксис сылӧн Асардан пиыс.

Ӧксыяслӧн 2 небӧг 16:11

Сэсся Авишайлы да тышкайӧзлы Давид шуис: «Менам кӧ пиӧй, аслам вир-яйсянь чужысьӧй, корсьӧ вины менӧ, мый позьӧ виччысьны Веняминлӧн писянь? Кольӧй сійӧс. Мед лёкӧдас. Сылы, буракӧ, Господь тшӧктӧма.

Индӧд 27:16

”Ёрӧм улӧ веськалӧ быдӧн, коді увтыртӧ батьсӧ либӧ мамсӧ”. И став войтырыс мед шуас: ”Мед лоӧ тадзи!”

Левит 20:9

Коді лёкӧдас бать-мамсӧ, сійӧс мед виасны. Бать-мамсӧ лёкӧдысь ачыс лоӧ мыжа аслас кулӧмысь.

Петӧм 21:14

Но тӧдӧмӧн кӧ виис ассьыс матыссасӧ [да пышйис висьпуктанін дорӧ], весиг Менам висьпуктанін дорысь колӧ босьтны сійӧс да вины.

Петӧм 20:13

Эн ви.

1 Петыр 2:7

Сідзкӧ, тіянлы, эскысьяслы, Сійӧ – дона из. А эскытӧмъяслы тайӧ изйыс, кодӧс ӧтдортісны керка лэптысьяс, лоис пельӧс изйӧн, кытчӧ найӧ крукасясны-усясны.

Еврейяслы 12:16

Тіян пӧвстын мед оз ло ни ӧти кырсалысь да Исав моз Енсьыс кежысь. Тасьті шыд вылӧ сійӧ вежис ассьыс медводдза чужысь нимсӧ.

Галатӧ 5:21

вежалӧм, виӧм, кодалӧм-гажӧдчӧм да мукӧд шогмытӧмтор на. Водзынсӧ висьтавлі нин, ӧні нӧшта висьтала: татшӧмторсӧ вӧчысьлы Енлӧн Юраланіныс оз вичмы.

Галатӧ 5:18

Тіянӧн кӧ Лов веськӧдлӧ, сідзкӧ, ті абу Индӧд улынӧсь.

1 Тимофейлы 4:7

Ылӧг да ковтӧм мойдъясысь ылыстчы, велӧдчы овны вежавидзӧмӧн.

1 Тимофейлы 6:20

Тимофей, видз тэныд сетӧмасӧ. Эн кывзы йӧзыслысь ковтӧм сёрни да вензьӧм, мый петӧ ылӧг тӧдӧмлунсянь.

2 Тимофейлы 2:16

Ковтӧм сёрниысь ылыстчы, ӧд татшӧмъясыс лунысь-лун ёнджыка на сетчӧны Ентӧг олӧмас.

2 Тимофейлы 3:2

Йӧзыс пондасны радейтны сӧмын асьнысӧ, ыштыны сьӧм вылӧ, пондасны ошйысьны, асьнысӧ вылӧ пуктыны, Енсӧ омӧльтны, бать-мамсӧ оз кутны кывзыны. Найӧ ӧдйӧ вунӧдӧны бурсӧ, эскытӧмӧсь,

Титлы 1:6

Юрнуӧдысь мед вӧлі бур оласнога, ӧти гӧтыра, ныв-пиыс мед эскисны, быдторйын кывзысисны да лэдзчысьӧмӧн эз овны, на йылысь мед эз кыв лёк сёрни.

Титлы 1:10

Унаӧн асныралӧны, ковтӧмсӧ сёрнитӧны да мукӧдсӧ пӧрйӧдлӧны, и унджыкыс найӧ вундыштчӧмаяс пӧвстысь.

Иуда 1:15

медым мыждыны став йӧзсӧ. Сійӧ мыждӧ Ентӧг олысьясӧс налӧн лёк уджъясысь да янӧдӧ мыж вӧчысьясӧс, кодъяс шуасисны Господь вылӧ лёкӧдан кывъясӧн».