1 Петыр 4:14 - Коми Библия 2023

¹⁴ Тіянӧс кӧ лёкӧдӧны Кристос ним вӧсна, ті шудаӧсь. Ӧд Енлӧн дзирдлуна Лолыс тіянкӧд. Йӧзыс омӧльтӧны Сійӧс, а ті ошканныд.

1 Петыр 4:14 Referans Kwoze

1 Петыр 3:14

Ті кӧ нуанныд сьӧкыдсӧ веськыда олӧм вӧснаныд, сідзкӧ, ті шудаӧсь. Энӧ полӧй некодысь да энӧ майшасьӧй нинӧмысь.

Лука 6:22

Ті шудаӧсь, Морт Пи вӧсна кӧ йӧзыс тіянӧс мустӧмтӧны, вӧтлӧны, лёкӧдӧны да няйтӧсьтӧны тіянлысь нимнытӧ.

Яков 1:12

Шуда сійӧ, коді вермӧ венны ыштӧдӧмсӧ, ӧд та бӧрти сылы лоӧ сетӧма Олӧмыслысь юркытш. Тайӧ юркытшсӧ Господь кӧсйысис сетны Сійӧс радейтысьяслы.

Матвей 5:11

Ті шудаӧсь, Ме вӧсна кӧ тіянӧс лёкӧдӧны, вӧтлӧны да быд ногыс омӧльтӧны-суклялӧны.

1 Петыр 3:16

Олӧй сідзи, мед сьӧлӧмныд эз мыжды тіянӧс. Сэки найӧ, кодъяс лёкӧдӧны тіянӧс лёк вӧчысьӧс моз Кристоскӧд бур нога олӧмысь, яналасны асланыс кывъясысь.

Псалтыр 146:5

Миян Господьным ыджыд да вына, Сылӧн мывкыдлуныс пыдӧстӧм.

2 Коринфӧ 12:10

Ме нимкодяся вынтӧмлун дырйи, менӧ лёкӧдігӧн, дзескӧдігӧн, вӧтлігӧн да Кристос вӧсна сьӧкыдсӧ нуигӧн. Ӧд кор ме вынтӧм, сэки ён!

Иоан 15:21

Ставсӧ тайӧс найӧ вӧчасны Менам ним вӧсна, ӧд найӧ оз тӧдны Менӧ Мӧдӧдысьӧс.

Яков 5:11

Ми лыддям шудаӧн найӧс, кодъяс зумыда сулалісны помӧдз. Ті, дерт, кывлінныд Иовлӧн зумыдлун йылысь да тӧданныд, мый дасьтіс сылы мелі да бур сьӧлӧма Господь.

Ап. уджъяс 13:45

Кор иудейяс аддзисны уна йӧзӧс, тырисны лӧглунӧн. Найӧ пондісны паныд шуасьны да омӧльтны Павеллысь велӧдӧмсӧ.

Исай 51:7

Кывзӧй Менӧ, веськыда олысьяс, ті, кодъяс видзанныд сьӧлӧманыд Менсьым Индӧдӧс. Энӧ полӧй йӧзлӧн омӧльтӧмысь, налӧн лёкӧдӧмысь энӧ повзьӧй.

Ӧксыяслӧн 4 небӧг 2:15

Ериконысь локтӧм пророк-велӧдчысьяс аддзылісны, мый вӧчис Елисей, да шуисны, Иллялӧн лолыс пӧ Елисей вылын. Найӧ матыстчисны Елисей дінӧ да муӧдзыс копыртчӧмӧн

1 Петыр 2:12

Ентӧдтӧмъяс пӧвстын олӧй бур ногӧн. Сэки найӧ, кодъяс омӧльтӧмӧн шуӧны тіянӧс лёк вӧчысьясӧн, аддзасны бур вӧчӧмнытӧ да ошкасны Енсӧ Сылӧн локтігас.

Еврейяслы 11:26

Кристос вӧсна лёкӧдӧмсӧ Мӧисей лыддис ыджыдджык озырлунӧн египетса став озырлун дорысь. Ӧд сійӧ тӧдіс, мый сылы лоӧ сетӧма тырдон.

Галатӧ 1:24

Найӧ аттьӧалісны да ошкисны Енсӧ меысь.

Иоан 9:34

Сылы вочавидзисны: «Тэ дзоньнас мыж пытшкын чужӧмыд, а лысьтан миянӧс велӧдны!» Сэсся вӧтлісны сійӧс.

Иоан 9:28

Иудейяслӧн веськӧдлысьяс кутісны видны тайӧ мортсӧ да шуисны сылы: «Тэ Сылӧн велӧдчысь, а ми – Мӧисейлӧн.

Иоан 8:48

Иудейяс шуисны Исуслы: «Ми веськыда висьталам, мый Тэ Самарияысь да Тэ пытшкын пеж лов».

Матвей 5:16

Тадзи мед югдӧдас тіян югыдныд, медым йӧзыс аддзасны тіянлысь бур вӧчӧмнытӧ да ошкасны енэжвыв Батьнытӧ».

Псалтыр 49:9

Меным оз ковны тэнад вевт улысь ӧшъяс, оз ковны тэнад йӧрысь кӧзаяс,

Ӧксыяслӧн 3 небӧг 10:8

Шудаӧсь тэнад йӧзыд да тэнад кесйӧгъясыд, кодъяс век тэкӧд орччӧнӧсь да кылӧны тэнсьыд мывкыд сёрнитӧ.

2 Петыр 2:2

Унаӧн на вылӧ видзӧдӧмӧн пондасны овны лэдзчысьӧм оласногӧн. Татшӧмъясыс вӧсна збыль туйыс лоӧ серамтуйын.

Ап. уджъяс 18:6

Иудейяс сувтісны Павеллы паныд, пондісны омӧльтны сійӧс. Сэки Павел паськӧмсӧ пыркнитӧмӧн шуис: «Тіян вирныд ас выланыд кольӧ, а ме сӧстӧм. Ӧні ме муна ентӧдтӧмъяс дінӧ».

Исай 11:2

Сы вылӧ лэччас Господьлӧн Лов, мывкыдлуныслӧн да гӧгӧрвоӧмлуныслӧн лов, туйдӧдӧмыслӧн да выныслӧн лов, тӧдӧмлуныслӧн да Господьысь полӧмыслӧн лов.

Исай 25:8

Кулӧмсӧ лоӧ бырӧдӧма пыр кежлӧ! Господь Ыджыдыс чышкалас синвасӧ быд мортлӧн чужӧмбанысь, став му пасьтала Аслас войтыр вылысь вештас янӧдӧмсӧ. Тадзи висьталӧ Господь.

Ап. уджъяс 5:41

Веськӧдлан котыр дінысь апостолъяс мунісны долыдпырысь, ӧд Господь Исуслӧн ним вӧсна найӧ шогмисны увтыртӧм туйӧ.

Ап. уджъяс 28:22

Ми кӧсъям кывны, мый тэ ачыд мӧвпалан. Ми тӧдам, мый тайӧ велӧдӧмыслы быдлаын паныд сувтӧны».

2 Коринфӧ 4:10

Асланым вир-яйын ми пыр новлӧдлам Господь Исуслысь кулӧмсӧ, медым миян вир-яйын тыдовтчис тшӧтш Сылӧн олӧмыс.

2 Коринфӧ 4:16

Та вӧсна ми огӧ ӧшӧдӧй юрнымӧс. Кӧть миян ортсысаыс, вир-яйным, сісьмӧ, но пытшкӧссаыс лунысь-лун выльмӧ.

1 Петыр 4:16

Но сьӧкыдалӧ кӧ кодкӧ Кристослы эскӧмысь, мед оз яндысь. Мӧдарӧ, мед ошкӧ Енсӧ таысь.