1 Петыр 2:5 - Коми Библия 2023

⁵ да вайӧй асьнытӧ ловъя из пыдди, медым Ен вӧчас тіянысь Аслас Ловлы оланін. Сэки лоанныд вежа поп котырӧн да кутанныд вайны Ловсянь вись, мый лоӧ шогмана Енмыслы Исус Кристос пыр.

1 Петыр 2:5 Referans Kwoze

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

1 Коринфӧ 3:9

Ми – Енлӧн уджъёртъяс, а ті – Сылӧн кӧдзӧм муыс, Сылӧн тэчасыс.

Восьтӧм 5:10

Тэ пуктін миянӧс ӧксыясӧ да попъясӧ миян Енлы. Ми кутам ыджыдавны му вылас.

1 Коринфӧ 3:16

Ті ӧмӧй онӧ тӧдӧй, мый ті – Енлӧн оланін, мый Енлӧн Лолыс олӧ тіян пытшкын.

Исай 61:6

А тіянӧс пондасны шуны Господьлы кесъялысь попъясӧн, миян Енлӧн кесйӧгъясӧн. Ті понданныд вӧдитчыны войтыръяслӧн озырлунӧн, налӧн нималӧмыс вичмас тшӧтш тіянлы.

Еврейяслы 3:6

Ен керкаын Пиыс – Кристос, Сійӧ кывкутӧмӧн веськӧдлӧ ставнас Ен керканас. Ен керкаыс – тайӧ ми, лоам кӧ повтӧмӧсь да помӧдз кутам зумыда кутчысьны лачаас, мыйӧн ошйысям.

Восьтӧм 20:6

Шудаӧсь да вежаӧсь найӧ, кодъяс ловзясны медводдза ловзьӧдігӧн. Мӧд кулӧмыслӧн выныс на вылын оз нин ло. Енлӧн да Кристослӧн попъясӧн найӧ кутасны ыджыдавны Кристоскӧд сюрс во чӧж.

1 Коринфӧ 6:19

Ті ӧмӧй онӧ тӧдӧй, мый тіян вир-яйныд – Вежа Ловлӧн крамыс, мый Вежа Лолыс олӧ тіян пытшкын. Тайӧ Ловсӧ Енмыс сетіс тіянлы, ӧні ті абу нин асланыдӧсь.

Римӧ 12:1

Вокъяс, Енлӧн ыджыд буралӧмыс вӧсна кора тіянӧс: сетӧй асьнытӧ Енлы ловъя, вежа да шогмана вись пыдди. Тайӧ лоӧ бур мывкыда кесъялӧм Енмыслы.

Восьтӧм 1:6

пуктіс миянӧс ӧксыясӧ да попъясӧ Енмыслы, Аслас Батьлы. Сылы ошкӧмыс, Сылӧн ыджыдалӧмыс нэмъяс чӧж! Аминь.

Филипӧ 4:18

Епафродит сетіс тіянлысь мӧдӧдӧмторнытӧ, ӧні менам ставыс эм, весиг коланасьыс унджык на. Тіян сетӧмторныд – Енлы шогмана чӧскыда ӧвтан вись кодь, тайӧ Сылы сьӧлӧм сертиыс.

2 Коринфӧ 6:16

Вермасны ӧмӧй сулавны идолъяс Енлӧн крамын? Ӧд ті – ловъя Енлӧн крамыс. Енмыс шуӧ: – Овмӧдча на пытшкӧ да понда ветлыны накӧд. Ме лоа налӧн Енмӧн, а найӧ – Менам войтырӧн.

Восьтӧм 3:12

Вермысьӧс Ме сувтӧда зумыд сюръя пыдди Менам Енлӧн крамын, сійӧ пыр лоас сэні. Ме гижа сы вылӧ Менам Енлысь нимсӧ, Ассьым выль нимӧс да Менам Ен карлысь нимсӧ. Тайӧ карыс – выль Ерусалим, коді лэччас енэжсяньыс, Менам Енсянь”.

Римӧ 15:16

кесъявны Исус Кристослы ентӧдтӧмъяс пӧвстын. Менӧ сувтӧдӧма вӧчны вежа удж: висьтавны Енлысь Бур Юӧрсӧ да вайны ентӧдтӧмъясӧс Ен водзӧ шогмана да Вежа Лолӧн вежӧдӧм вись пыдди.

1 Тимофейлы 3:15

медым, падма кӧ, тэ тӧдін, кыдзи кутны асьтӧ Ен керкаын, ловъя Енлӧн вичкоын. Ӧд вичкоыс эм збыльыслӧн сюръяыс да подулыс.

Исай 66:21

Кодсюрӧӧс на пӧвстысь Ме пукта кесъявны попъясӧн да левитъясӧн, – висьталӧ Господь.

Колосӧ 3:17

Кывйӧн-ӧ, уджӧн-ӧ мыйкӧ вӧчанныд, ставсӧ вӧчӧй Господь Исус Кристос нимӧн да аттьӧалӧй Сы пыр Ен Батьӧс.

Филипӧ 2:17

Весиг ковмас кӧ кисьтны ассьым вирӧс да вайны ачымӧс вись пыдди тіян эскӧмныд вӧсна, тіянкӧд ӧтвыв кута нимкодясьны.

Псалтыр 141:2

Ме восьта Сылы ассьым сьӧлӧмӧс, висьтала Сылы ассьым шогӧс.

Псалтыр 50:14

Сет меным бара нимкодясьны мездмӧмысь, вына Ловнад ёнмӧд менӧ.

1 Петыр 4:11

Коді висьталӧ, мед висьталӧ Енсянь. Коді кесъялӧ, мед кесъялӧ Ен вынӧн. Сэки быдторйын лоӧ ошкӧмыс Енлы Исус Кристос пыр. Сылы ошкӧмыс, Сылӧн ыджыдалӧмыс нэмъяс чӧж! Аминь.

Филипӧ 1:11

кутанныд вайны веськыда олӧмыслысь вотӧссӧ Енсӧ ошкӧм да аттьӧалӧм могысь. Тайӧ уджсӧ кутас вӧчны тіян пытшкын Исус Кристос.

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Осий 14:2

– Израиль, бӧр бергӧдчы Господь дінӧ, аслад Ен дінӧ, ӧд тэ усин аслад мыжыд вӧсна.

Петӧм 19:6

Ті лоанныд Менам попъясӧн да вежа войтырӧн. Висьтав тайӧ кывъяссӧ Израиль пиянлы».

Шусьӧгъяс 9:1

Мывкыдлуныс лэптіс аслыс керка, сувтӧдіс сизим сюръя.

Галатӧ 6:10

Эм кӧ на позянлун, вӧчамӧй бурсӧ быдӧнлы, торъя нин эскысь чой-воклы.

1 Петыр 4:17

Мыждан кадыс матын нин, и медводз Енмыс кутас мыждыны Ассьыс войтырсӧ. Сідзкӧ, медводз кӧ кутас мыждыны миянӧс, сэки мый виччысьӧ найӧс, кодъяс оз кывзысьны Енлӧн Евангелльӧлысь?

Индӧд 18:2

Левий чужанкотырлы вокъясыс пӧвстын мусӧ абу сетӧма. Налӧн пайыс – Господь, кыдзи Сійӧ кӧсйысис налы.

Ӧксыяслӧн 3 небӧг 7:11

На вылӧ вӧлі пуктӧма колана ыджда серти кералӧм изъяс да сус пу пӧвъяс.