1 Петыр 2:25 - Коми Библия 2023

²⁵ Ті вӧлінныд вошӧм ыжъяс кодьӧсь, но ӧні бергӧдчинныд тіянӧс Видзысь да тіян вӧсна Тӧждысьысь дінӧ.

1 Петыр 2:25 Referans Kwoze

Исай 53:6

Ми ставным вӧлім вошӧм ыжъяс кодьӧсь, быдӧн кежим асланым туй вылӧ, но Господь пуктіс Сы вылӧ ставнымлысь мыжъяснымӧс.

Езекиль 34:6

Менам ыжъясӧй вошӧмаӧсь, шӧйтӧны керӧсъяс да джуджыд ыбъяс вывті. Менам ыжъясӧй став му пасьталаыс разалӧмаӧсь, и найӧс корсьысьыс абу.

Ап. уджъяс 20:28

Тӧждысьӧй ас вӧснаныд да став чукӧрыс вӧсна. Ӧд Вежа Лов пуктіс тіянӧс, мед видзны Господь Енлысь вичкосӧ. На вӧсна Сійӧ мынтысис Аслас вирӧн.

Исай 40:11

Ыж видзысь моз Сійӧ видзӧ Ассьыс чукӧрсӧ, баляясӧс босьтӧ ки вылас да новлӧдлӧ Аслас морӧс бердын, вайсьӧм ыжъясӧс нуӧдӧ тӧждысьӧмӧн.

Матвей 9:36

Йӧз вылӧ видзӧдігӧн Исуслӧн сьӧлӧмыс нормис, ӧд мудзӧмнысла найӧ вӧліны эбӧстӧм-вынтӧмӧсь, видзысьтӧг кольӧм ыжъяс кодьӧсь.

Матвей 18:12

Мый ті шуанныд? Мортлӧн кӧ сё ыжсьыс ӧти вошас, оз-ӧ сійӧ коль ӧкмысдас ӧкмыссӧ керӧсӧ да мун корсьны вошӧмасӧ?

1 Петыр 5:4

Медыджыд Видзысьыс локтас да козьналас тіянлы сісьмытӧм дзирдалан юркытш.

Еврейяслы 13:20

Лӧньлунсӧ сетысь Ен бырлытӧм йитӧдлӧн вирӧн ловзьӧдіс кулӧмысь миян Господь Исус Кристосӧс, ыжъяслысь вына Видзысьсӧ.

Еремей 23:2

Та вӧсна Ме, Господь, Израильлӧн Ен, тадзи висьтала Менсьым войтырӧс видзысьяслы: ті разӧдінныд-вӧтлінныд Менсьым ыжъясӧс, энӧ тӧждысьӧй на вӧсна. Ӧні Ме мыжда тіянӧс лёк вӧчӧмъясныд вӧсна, – висьталӧ Господь.

Еврейяслы 3:1

Вокъяс, ме шыася тіян дінӧ, вежа войтыр да Енлӧн корӧмаяс дінӧ: видзӧдӧй Исус Кристос вылӧ. Сійӧс Енмыс мӧдӧдіс, Сійӧ – Аркирей, кодлы ми эскам.

Езекиль 37:24

Менам Давид кесйӧгӧй лоӧ налӧн ӧксынас да видзысьнас. Найӧ пондасны овны Менам индӧд-тшӧктӧмъяс серти.

Псалтыр 80:1

Сьылысьясӧн веськӧдлысьлы. Ворсӧны гефса ворсанторйӧн. Асафлӧн псалом.

Закар 13:7

– Ырыштчы, шыпуртӧй, Менам видзысь вылӧ, Аслам медматысса вылӧ, – висьталӧ Господь Саваоф. – Кувмӧн дойд видзысьсӧ, и ыжъясыс разаласны. Ичӧт баляяс вылӧ Ме лэпта Ассьым киӧс.

Исай 13:14

Сэки пышйысь газель моз, эновтӧм ыжъяс моз быдӧн бергӧдчас аслас войтыр дінӧ, котӧртас аслас муӧ.

Исай 53:5

Но Сійӧс вӧлі бытшкӧма миян мыжъяс вӧсна, дойдалӧма миян лёк вӧчӧмъяс вӧсна. Сійӧ нуис мыждӧмсӧ, медым миян вӧлі лӧньлун. Сылӧн дойясӧн ми бурдім.

Еврейяслы 5:2

Татшӧм аркирейыс вермӧ гӧгӧрвоны мывкыдтӧмъясӧс да ылалӧмаясӧс, ӧд ачыс сійӧ на кодь жӧ вынтӧм.

1 Петыр 3:20

Тайӧ ловъясыс вӧліны кывзысьтӧмӧсь Енлӧн терпитӧм дырйи, кор Ной вӧчис ковчег. Сэні этшаӧн, сӧмын кӧкъямыс морт, мездмисны ва пыр.