1 Петыр 1:8 - Коми Библия 2023

⁸ Кристосӧс ті энӧ аддзылӧй, но Сійӧ муса тіянлы. Ті онӧ на аддзӧй Сійӧс, но эсканныд Сылы. Тіян сьӧлӧмныд тырӧма ыджыдсьыс-ыджыд нимкодьлунӧн, та йылысь он вермы весиг висьтавнысӧ.

1 Петыр 1:8 Referans Kwoze

Иоан 20:29

Исус шуис сылы: «Тэ эскан, Менӧ аддзылін да. Шудаӧсь найӧ, кодъяс оз аддзыны, но эскӧны!»

2 Коринфӧ 5:7

Ӧд ми олам эскӧмӧн, огӧ аддзананас.

Римӧ 15:13

Лачасӧ сетысь Ен мед тыртас тіянӧс нимкодьлунӧн да лӧньлунӧн эскӧманыд, медым Вежа Лов вынӧн ті зумыда сулалінныд лача кутӧмас.

Еврейяслы 11:1

Эскӧмыс – виччысянторлӧн збыльмӧм да аддзытӧмсӧ аддзӧм.

Иоан 16:22

Ӧні ті тшӧтш шогсянныд, но Ме бара аддзыся тіянкӧд. Сэки тіян сьӧлӧмныд тырас нимкодьлунӧн, и тіянлысь нимкодьлунтӧ некод оз мырддьы.

2 Коринфӧ 4:18

Ми видзӧдам тыдавтӧмыс вылӧ, огӧ тыдаланаыс вылӧ, ӧд тыдавтӧмыс бырлытӧм, а тыдаланаыс бырана.

1 Петыр 1:6

Сідзкӧ, нимкодясьӧй, весиг ковмас кӧ ӧні шогсьыштны быдпӧлӧс сьӧкыд нуӧмысь.

Еврейяслы 11:27

Эскӧмӧн Мӧисей петіс Египетысь, эз повзьы ӧксылӧн скӧрлунысь. Сійӧ вӧлі зумыд, ӧд видзӧдіс Тыдавтӧмыс вылӧ.

1 Петыр 2:7

Сідзкӧ, тіянлы, эскысьяслы, Сійӧ – дона из. А эскытӧмъяслы тайӧ изйыс, кодӧс ӧтдортісны керка лэптысьяс, лоис пельӧс изйӧн, кытчӧ найӧ крукасясны-усясны.

Филипӧ 4:4

Дугдывтӧг нимкодясьӧй Господь пытшкын! Нӧшта шуа: нимкодясьӧй!

1 Петыр 5:4

Медыджыд Видзысьыс локтас да козьналас тіянлы сісьмытӧм дзирдалан юркытш.

Ефесӧ 6:24

Енлӧн буралӧмыс быдӧнкӧд, коді радейтӧ миян Господь Исус Кристосӧс бырлытӧм муслунӧн. Аминь.

Филипӧ 1:25

Ме зумыда эска таӧ, та вӧсна тӧда, мый ме кольчча на му вылас да лоа ставныдкӧд, ёнмӧда тіянлысь эскӧмнытӧ, медым сы пыр верминныд нимкодясьны.

Римӧ 14:17

Ӧд Енлӧн Юралӧмыс абу сёйӧм да юӧм, тайӧ – Вежа Ловсянь веськыдлун, лӧньлун да нимкодьлун.

Иоан 14:24

Коді оз радейт Менӧ, сійӧ оз ов Менам кывъяс серти. Тайӧ кывъясыс, мый ті кыланныд, абу Месянь, найӧ – Менӧ мӧдӧдысь Батьсянь.

Иоан 8:42

Исус шуис: «Енмыс кӧ тіянлы Бать, Ме эськӧ муса вӧлі тіянлы, ӧд Ме Енсянь локті. Ме эг Ассянь лок, Енмыс мӧдӧдіс Менӧ.

Филипӧ 3:3

Збыль вундыштчӧмаясыс – тайӧ ми, ӧд ми кесъялам Енлы Сылӧн Лов нуӧдӧм улын. Ми ошйысям Исус Кристосӧн, огӧ ас выланым лача кутӧй,

Галатӧ 5:22

Ловлӧн вотӧсыс – муслун, нимкодьлун, лӧньлун, терпитӧм, мелілун, бурлун, эскӧм,

Галатӧ 5:6

Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колана сӧмын муслуна эскӧм.

2 Коринфӧ 9:15

Ошкӧм Енлы шуны вермытӧм сетӧмторсьыс!

2 Коринфӧ 1:22

Сійӧ пасйис миянӧс да мӧдӧдіс миян пытшкӧ Ассьыс Ловсӧ, коді эскӧдӧ миянӧс, мый Енлӧн став кӧсйысьӧмыс збыльмас.

Ап. уджъяс 16:34

Та бӧрын вайӧдіс найӧс гортас да лӧсьӧдіс налы пызан. Аслас гортсакӧд сійӧ долыда нимкодясис, мый эскис Енлы.

Иоан 14:21

Коді видзӧ сьӧлӧмас Менсьым тшӧктӧмъясӧс да олӧ на серти, сійӧ радейтӧ Менӧ. Коді Менӧ радейтӧ, сійӧс Менам Батьӧй радейтӧ. Ме сійӧс тшӧтш радейта да восся сылы».

Иоан 14:15

«Ме кӧ муса тіянлы, олӧй Менам тшӧктӧмъяс серти.

Матвей 10:37

Кодлы бать-мамыс Ме дорысь мусаджык, Меным сійӧ оз шогмы. Кодлы ныв-пиыс Ме дорысь мусаджык, Меным сійӧ оз шогмы.

Сьылан 5:16

Сылӧн вомыс – юмовтор, ставыс сылӧн кыскӧ ас дінас. Татшӧм менам мусукӧй, татшӧм менам ёртӧй, ерусалимса нывъяс!

1 Коринфӧ 16:22

Коді оз радейт Господь Исус Кристосӧс, сійӧс лоӧ ёрӧма. Маран-афа.

Сьылан 5:9

– Мыйӧн тэнад мусукыд бурджык мукӧдсьыс, медмича аньӧй? Мыйӧн тэнад мусукыд торъялӧ мукӧдсьыс, мыйла тэ кыв сетны коран миянӧс? (Ныв:)

Сьылан 1:7

– Он кӧ тӧд, медмича аньӧй, мун ыжъяслӧн кок туйӧд, видз ассьыд кӧзапиянтӧ ыж видзысьяслӧн чом дорын.

Ефесӧ 3:19

да гӧгӧрвоны Сылысь вежӧрӧ тӧртӧм муслунсӧ. Сэки тіян пытшкын лоӧ Енлӧн став тыр-бурыс.