1 Петыр 1:6 - Коми Библия 2023

⁶ Сідзкӧ, нимкодясьӧй, весиг ковмас кӧ ӧні шогсьыштны быдпӧлӧс сьӧкыд нуӧмысь.

1 Петыр 1:6 Referans Kwoze

Яков 1:2

Вокъяс, долыда нимкодясьӧй, кор тіянлы ковмас нуны быдпӧлӧс сьӧкыдсӧ.

1 Петыр 5:10

Тіянлы этша нин колис сьӧкыдавны. Та бӧрти буралӧмнас озыр Ен, коді корис тіянӧс Исус Кристос пыр Аслас бырлытӧм дзирдлунӧ, мед ёнмӧдас да зумыдмӧдас тіянӧс да вӧчас тыр-буръясӧн.

Римӧ 12:12

Лачанытӧ кутӧй нимкодьпырысь, шогъястӧ нуӧй терпитӧмӧн, дугдывтӧг кевмысьӧй.

Римӧ 5:2

Эскӧм пыр Кристос восьтіс миянлы Енлӧн буралӧмӧ ӧдзӧссӧ. Буралӧмас олігӧн ми лача кутӧмӧн нимкодясям, ӧд лоам Енлӧн дзирдлунас.

Матвей 5:12

Долыда нимкодясьӧй, ӧд ыджыд тырдон виччысьӧ тіянӧс енэжас. Тадзи войдӧр тшӧтш вӧтлісны пророкъясӧс».

Исай 61:3

Сионын шогсьысьяслы пӧим пыдди сетны мича юрвевттьӧд, бӧрдӧм пыдди – нимкодясьӧм, шогсьӧм пыдди – ошкӧм. Сэки найӧс шуасны зумыда сулалысь веськыда олысьясӧн, пуясӧн, кодъясӧс Господь вужйӧдіс, медым найӧ ошкисны Сійӧс.

Иоан 16:33

Тайӧс висьталі тіянлы, медым тіян вӧлі лӧньлун Ме пытшкын. Муюгыдас сьӧкыд лоӧ тіянлы, но энӧ полӧй, ӧд Ме верми муюгыдсӧ».

Иоан 16:22

Ӧні ті тшӧтш шогсянныд, но Ме бара аддзыся тіянкӧд. Сэки тіян сьӧлӧмныд тырас нимкодьлунӧн, и тіянлысь нимкодьлунтӧ некод оз мырддьы.

Псалтыр 34:19

Эн сет мустӧмтысьяслы серавны ме вылын, ӧд ме мыжтӧм. Эн сет налы читкыравны синнысӧ, ӧд менам абу некутшӧм мыж.

Матвей 11:28

Локтӧй Ме дінӧ мудзӧмаяс да сьӧкыда мырсьысьяс, Ме тіянӧс шойччӧда.

Римӧ 5:11

Но тайӧ абу на ставыс. Ми нимкодясям нӧшта Енмӧн, ӧд Исус Кристос Господьным пыр миян эм Енкӧд бурасьӧм.

Ап. уджъяс 14:22

Сэні найӧ ёнмӧдісны сэтчӧс велӧдчысьясӧс да тшӧктісны налы зумыда кутчысьны эскӧмас. Казьтыштісны, мый уна сьӧкыд пыр ковмас мунны, мед пырны Енлӧн Юраланінӧ.

Лука 10:20

Энӧ нимкодясьӧй сыысь, мый пеж ловъяс кывзысьӧны тіянлысь, а нимкодясьӧй сыысь, мый тіянлысь нимъяснытӧ гижӧма енэжас».

1 Петыр 4:7

Регыд ставыслы воас пом. Сідзкӧ, лоӧй мывкыдаӧсь да олӧй садь вежӧрӧн, медым верминныд кевмысьны.

Псалтыр 95:1

Сьылӧй Господьлы выль сьыланкыв, му вылын олысьяс, сьылӧй Господьлы!

Яков 4:9

Шогсьӧй, сыркъялӧй да бӧрдӧй! Тіян серамныд мед пӧрас бӧрдӧмӧ, а гажӧдчӧмныд – шогсьӧмӧ.

2 Коринфӧ 4:17

Миян сьӧкыдалӧмыс кокньыд, сӧмын регыдъя, но таысь вичмас миянлы помтӧм-дортӧм да бырлытӧм дзирдлун.

Яков 1:9

Коньӧр вок мед ошйысьӧ вылӧ пуктӧмнас,

Ӧксыяслӧн 1 небӧг 2:1

Анна ошкӧмӧн кевмысис: – Господь гажӧдіс менсьым сьӧлӧмӧс, Сійӧ вылӧ кыпӧдіс менсьым юрӧс. Ме серала менӧ мустӧмтысьяс вылын, ме нимкодяся, ӧд Господь мездіс менӧ.

Филипӧ 3:3

Збыль вундыштчӧмаясыс – тайӧ ми, ӧд ми кесъялам Енлы Сылӧн Лов нуӧдӧм улын. Ми ошйысям Исус Кристосӧн, огӧ ас выланым лача кутӧй,

2 Коринфӧ 6:10

Миянӧс шогӧ вӧйтӧны, а ми пыр нимкодясям. Ми гӧльӧсь, но унаӧс озырмӧдам. Миян нинӧм абу, но ставыс эм.

1 Фессалоникаӧ 1:6

Уна сьӧкыдлун вылӧ видзӧдтӧг ті сибӧдінныд Бур Юӧрсӧ Вежа Ловсянь нимкодьлунӧн да кутінныд вӧчны миян моз да Господь моз.

Филипӧ 4:4

Дугдывтӧг нимкодясьӧй Господь пытшкын! Нӧшта шуа: нимкодясьӧй!

Галатӧ 5:22

Ловлӧн вотӧсыс – муслун, нимкодьлун, лӧньлун, терпитӧм, мелілун, бурлун, эскӧм,

Римӧ 9:2

Менам сьӧлӧмӧй ёна шогсьӧ да дугдывтӧг бӧрдӧ.

Псалтыр 35:10

Ӧд Тэсянь визувтӧ олӧм, Тэнад югыдад ми аддзам югыдсӧ.

Псалтыр 9:14

Господьӧй, ло бур сьӧлӧма ме дінӧ, видзӧдлы, кутшӧма ме сьӧкыдала менӧ мустӧмтысьяс вӧсна. Тэ лэптан менӧ кулӧмыслӧн дзиръя дорысь.

Филипӧ 2:26

Сійӧ ёна гажтӧмтчӧ тіян вӧсна да шогсьӧ, мый ті тӧданныд сылӧн висьӧм йылысь.

Лука 2:10

Андел шуис налы: «Энӧ полӧй! Ме висьтала тіянлы нимкодьсьыс-нимкодь юӧр, тайӧ ваяс ыджыд долыдлун став войтырлы.

Лука 1:47

нимкодясьӧ лолӧй Ен вӧсна, Мездысьӧй вӧсна,

Матвей 26:37

Аскӧдыс Исус босьтіс Петырӧс да Зеведейлысь кыкнан писӧ. Исусӧс гажтӧм да шогалӧм босьтіс.

Исай 61:10

Ме долыда нимкодяся Господь йылысь, менам лолӧй нимкодясьӧ менам Ен йылысь, ӧд Сійӧ пасьтӧдіс менӧ мездмӧмыслӧн паськӧмӧн, вевттис менӧ веськыдлуныслӧн кышанӧн, верӧспулы моз пуктіс менам юр вылӧ мича юрвевттьӧд, гӧтырпуӧс моз мичмӧдіс менӧ мичмӧданторъясӧн.

1 Петыр 3:17

Енмыс кӧ кӧсйӧ, мед ми нуим сьӧкыдсӧ, бурджык сьӧкыдавны бур вӧчӧмысь лёк вӧчӧм дорысь.