1 Коринфӧ 9:5 - Коми Библия 2023

⁵ Гашкӧ, миянлы оз позь мукӧд апостолыс моз босьтны аскӧд эскысь гӧтырӧс? Ӧд тадзи вӧчӧны Господьлӧн вокъяс да Кифа.

1 Коринфӧ 9:5 Referans Kwoze

Иоан 1:42

Ӧндрей вайӧдіс воксӧ Исус дінӧ. Исус видзӧдліс сы вылӧ да шуис: «Тэ Симон, Ионалӧн пи. Тэнад нимыд лоас Кифа». Сылӧн вежӧртасыс – из, мӧд ногӧн кӧ – Петыр.

Матвей 8:14

Исус локтіс Петыр ордӧ. Сэні аддзис, мый Петыр гӧтырлӧн мамыс куйлӧ вольпасьын биа висьӧмӧн.

Еврейяслы 13:4

Гозъякост олӧмныд мед лоӧ сӧстӧм, вольпасьныд мед лоӧ пежасьтӧм, ӧд кырсалысьӧс да гозъякост олӧм пежалысьӧс мыждас Ен.

Галатӧ 1:19

Мукӧд апостолсӧ ме эг аддзыв Господьлысь Яков воксӧ кындзи.

1 Коринфӧ 7:39

Индӧд серти гӧтыр кӧртасьӧма верӧсыскӧд, кытчӧдз верӧсыс ловъя. Кулӧ кӧ верӧсыс, гӧтыр вермӧ петны верӧс сайӧ, код сайӧ кӧсйӧ, сӧмын верӧсыс мед Господьлы эскис.

1 Коринфӧ 7:7

Ме эськӧ кӧсйи, медым быдӧн оліс ме моз гӧтыртӧг. Но Енмыс быдӧнлы вичмӧдӧ торъя сетӧмтор: ӧтилы – сэтшӧмӧс, мӧдлы – татшӧмӧс.

Ап. уджъяс 1:14

Найӧ ставныс аньяскӧд, Исуслӧн вокъяскӧд да Сылӧн Мария мамыскӧд ӧти сьӧлӧмӧн дугдывтӧг кевмысисны.

Титлы 1:6

Юрнуӧдысь мед вӧлі бур оласнога, ӧти гӧтыра, ныв-пиыс мед эскисны, быдторйын кывзысисны да лэдзчысьӧмӧн эз овны, на йылысь мед эз кыв лёк сёрни.

1 Тимофейлы 5:2

Олӧма аньясӧс туйдӧд мамтӧ моз, томджыкъясӧс велӧд сӧстӧм сьӧлӧмӧн чойтӧ моз.

1 Тимофейлы 3:2

Вичкоса веськӧдлысьӧн вермӧ лоны сӧмын сӧстӧм оласнога, ӧти гӧтыра, садь да сюсь вежӧра, бур оласнога морт. Ветлысь-мунысьӧс сибӧдӧ, кужӧ велӧдны,

1 Коринфӧ 7:15

Эскытӧм верӧс либӧ эскытӧм гӧтыр кӧ кӧсйӧ юксьыны, мед юксьӧ. Сэки эскысь верӧсӧс либӧ эскысь гӧтырӧс нинӧм оз кут, ӧд Енмыс тшӧктіс овны миянлы лӧня.

1 Коринфӧ 1:12

Ме сёрнита сы йылысь, мый тіян пӧвстысь кодкӧ шуӧ, ме пӧ Павеллӧн, мӧд шуӧ, ме пӧ Аполослӧн, коймӧд шуӧ, ме пӧ Кифалӧн, а нёльӧд шуӧ, ме пӧ Кристослӧн.

Римӧ 16:1

Ме тӧдмӧда тіянӧс Фива чойкӧд. Сійӧ Кенкреяын вичкоса отсасьысь.

Иоан 2:12

Та бӧрти Исус мамыскӧд, вокъясыскӧд да велӧдчысьясыскӧд мунісны Капернаум карӧ. Сэтчӧ найӧ кольччисны лун-мӧд кежлӧ.

Лука 6:15

Матвей, Фома, Алфей Яков, Симон, кодӧс нимтісны Зилотӧн,

Марк 6:3

Сійӧ ӧд тшупсьысь! Абу-ӧ Сійӧ Мариялӧн пиыс, абу-ӧ Яковлӧн, Иосейлӧн, Иудалӧн да Симонлӧн вокыс? Оз-ӧ тані овны Сылӧн чойясыс?» Тадзи Сійӧс ӧтдортісны.

Марк 1:30

Симон гӧтырлӧн мамыс куйліс биа висьӧмӧн. Та йылысь дзик пыр висьталісны Исуслы.

Матвей 13:55

Сійӧ ӧд тшупсьысьлӧн пи! Мамыс – Мария, а вокъясыс – Яков, Иосей, Симон да Иуда.

Сьылан 4:12

Менам чоюкӧй-гӧтырпуӧй йигналӧм сад йӧр кодь, тупкыса юкмӧс кодь, пӧдса ва петанін кодь.

1 Тимофейлы 4:3

Найӧ оз лэдзны гӧтрасьны да сёйны сійӧ, мый Енмыс вӧчис. Но Енмыс вӧчис сёянсӧ, медым эскысьяс, збыльсӧ тӧдысьяс, сёйисны сійӧс Енсӧ аттьӧалӧмӧн.

1 Коринфӧ 7:8

Гӧтыртӧмъяслы да дӧваяслы тадзи висьтала: бурджык тіянлы ме моз ӧткӧн овны,

Лука 8:20

Исуслы висьталісны: «Мамыд да вокъясыд ывлаасӧсь, Тэнӧ кӧсйӧны аддзӧдлыны».