1 Коринфӧ 9:19 - Коми Библия 2023

¹⁹ Ме некодлы абу кесйӧг, но лои кесйӧгӧн быдӧнлы, медым унджык йӧзӧс вайӧдны Кристос дінӧ.

1 Коринфӧ 9:19 Referans Kwoze

Галатӧ 5:13

Вокъяс, тіянӧс корӧма мездлунас. Сӧмын мездлунсӧ энӧ бергӧдӧй вир-яйлысь кӧсйӧмсӧ могмӧдӧмӧ, но мусапырысь кесъялӧй ӧта-мӧдныдлы.

Матвей 18:15

«Вокыд кӧ мыж вӧчас тэныд паныд, мун да ас кежаныд янӧд сійӧс. Кывзас кӧ тэнӧ, сійӧ тэныд вокӧн кольӧ.

1 Коринфӧ 10:33

Олӧй ме моз. Ме быдторйын зіля шогмыны быдӧнлы. Ме ог тӧждысь ас вӧсна, а тӧждыся мукӧдыс вӧсна, медым найӧ мездмисны.

1 Тимофейлы 4:16

Видзӧд ас бӧрсяыд, кыдзи олан да мыйӧ велӧдан. Вӧч тайӧс дугдывтӧг, ӧд тадзи вӧчигӧн тэ асьтӧ мездан, тшӧтш тэнӧ кывзысьясӧс.

2 Тимофейлы 2:10

Та вӧсна ме муна став сьӧкыд пырыс. Вӧча тайӧс Енлӧн бӧрйӧмаяс вӧсна, медым найӧ тшӧтш босьтісны Исус Кристоссянь мездмӧмсӧ да помасьлытӧм дзирдлунсӧ.

2 Коринфӧ 4:5

Ми огӧ ас йылысь висьтавлӧй, а висьтавлам Исус Кристос йылысь, мый Сійӧ – Господь. Сійӧ мӧдӧдіс миянӧс кесъявны тіянлы.

Римӧ 15:2

Быдӧнлы колӧ мӧвпавны матыссалы бур вӧчӧм йылысь, сійӧс ёнмӧдӧм могысь.

1 Петыр 3:1

Гӧтыръяс, кывзысьӧй асланыд верӧсныдлысь. Сэки Ен кывлысь кывзысьтӧм верӧсъяс тіян олӧм вылӧ видзӧдӧмӧн висьтавтӧг-велӧдтӧг кутасны эскыны.

1 Коринфӧ 9:1

Ме ӧмӧй абу апостол? Ме ӧмӧй кӧртасьӧма мыйӧнкӧ? Ме ӧмӧй эг аддзыв Исус Кристосӧс, миянлысь Господьӧс? Ті – Господь пытшкынӧсь. Тайӧ ӧмӧй абу менам уджлӧн вотӧсыс?

Римӧ 1:14

Ме уджйӧза грекъяслы и варваръяслы, вежӧраяслы и вежӧртӧмъяслы.

Шусьӧгъяс 11:30

Веськыда олысьлӧн вотӧсысь быдмӧ олӧмыслӧн пу, мывкыд морт кыскӧ йӧзӧс ас дінас.

Галатӧ 5:1

Кристос мездіс миянӧс. Сідзкӧ, зумыда сулалӧй сетӧм мездлунас да бара энӧ пырӧй сийӧс улӧ.

1 Коринфӧ 7:16

Гӧтыр, тэ ӧмӧй верман тӧдны, мый мездан ассьыд верӧстӧ? А тэ, верӧс, верман ӧмӧй тӧдны, мый мездан ассьыд гӧтыртӧ?

Римӧ 11:14

Гашкӧ, верма кыпӧдны ас войтыр пытшкын веж петӧмсӧ да отсавны мездмыны кодсюрӧлы.

1 Коринфӧ 10:29

Ме сёрнита ог тіян, а мӧд мортлӧн сьӧлӧм мыждӧм йылысь. Ме нинӧмӧн абу кӧртасьӧма, сідзкӧ, мӧд мортлӧн сьӧлӧмыс оз вермы мыждыны менӧ.

2 Коринфӧ 4:15

Став сьӧкыдсӧ ми нуам тіян вӧсна, медым Енлӧн буралӧмыс содіс да вичмис уналы на. Сэки унаӧн кутасны аттьӧавны да ошкыны Енсӧ.

2 Коринфӧ 12:14

Ӧні коймӧдысь нин мӧдӧдча тіян дінӧ, но ме ог кӧсйы сьӧктӧдны тіянӧс. Меным ӧд тіянсянь нинӧм оз ков, ті асьныд меным коланаӧсь. Оз ныв-пиыс чукӧртны эмбурсӧ бать-мамыслы, а мӧдарӧ, бать-мамыс – ныв-пиыслы.