1 Коринфӧ 8:4 - Коми Библия 2023

⁴ Ӧні висьталышта идоллы вайӧм сёян йылысь. Ми тӧдам, мый идолыс збыльвылас абу, эм сӧмын ӧти Ен.

1 Коринфӧ 8:4 Referans Kwoze

Индӧд 4:39

Тӧдӧй да гӧгӧрвоӧй, мый Господь [тіян Енныд] эм енэжас и му вылас Ен, и [Сыысь кындзи] мӧдыс абу.

Исай 41:24

Но ті – нинӧм, ті нинӧм онӧ вермӧй вӧчнысӧ. Зывӧк сійӧ мортыс, коді бӧрйӧ тіянӧс.

1 Тимофейлы 2:5

Енмыс ӧти. Ен да морт костын сулалысьыс тшӧтш ӧти – Морт, Исус Кристос.

Ефесӧ 4:6

Енмыс ӧти, Сійӧ быдӧнлы Бать. Сійӧ веськӧдлӧ ставнас, уджалӧ ставыс пыр да олӧ ставным пытшкын.

Индӧд 6:4

Кывзы, Израиль! Господь, миян Енным, эм ӧти Господь.

Марк 12:29

Исус вочавидзис: «Кывзы, Израиль! Господь, миян Енным, эм ӧти Господь. Радейт Господьӧс, ассьыд Ентӧ, став сьӧлӧмнад, став олӧмнад, став мывкыднад да став выннад. Тайӧ медыджыд тшӧктӧм.

Исай 44:24

Господь, коді ньӧбис тэнӧ, вӧчис тэнӧ мамыдлӧн кынӧмас, тадзи висьталӧ: – Ме – Господь, Ме вӧчи ставсӧ, ӧтнамӧн шевкниті енэжсӧ, Аслам вына киӧн Ме вольсалі мусӧ.

Исай 44:6

Господь, Израильлӧн Ӧксы да Мездысь, Господь Саваоф тадзи висьталӧ: – Ме – Медводдзаыс и Медбӧръяыс, Меысь кындзи мӧд Енмыс абу.

Иуда 1:25

Ыджыд мывкыда ӧти Ен мездіс миянӧс Исус Кристос Господьным пыр. Сылы ошкӧм-нимӧдӧмыс, Сылӧн выныс-ыджыдалӧмыс олӧм пуксьытӧдзыс, ӧні да нэмъяс чӧж. Аминь.

1 Коринфӧ 8:10

Ӧд жеб эскысь кӧ аддзас, мый тэ тӧдӧмӧн сёян идоллы вайӧм сёян, сэки сійӧ тшӧтш кутас сёйны татшӧм сёянсӧ, весиг сылӧн сьӧлӧмыс кӧ мыждӧ сійӧс.

1 Коринфӧ 8:1

Ӧні кӧсъя сёрнитыштны идоллы вайӧм сёян йылысь. Дерт, ми быдӧн тӧдам та йылысь. Но тӧдӧмлуныс вайӧдӧ ышнясьӧмӧдз, а муслуныс ёнмӧдӧ.

Ап. уджъяс 19:26

Ті асьныд аддзанныд да кыланныд, мый вӧчӧ тайӧ Павелыс. Сійӧ висьтавлӧ, киӧн вӧчӧмторъясыд пӧ абу енъяс, и уна йӧзӧс нин эскӧдіс Ефесын да став Асияын.

Ап. уджъяс 14:15

«Мый ті вӧчанныд? Ми ӧд тіян кодь жӧ мортъяс. Ми вайим Бур Юӧр тіянлы, медым ті бергӧдчинныд ковтӧм енъяссьыныд ловъя Ен дінӧ, коді вӧчис енэжсӧ, мусӧ, саридзсӧ да ставсӧ, мый сэні эм.

Еремей 10:14

Быд морт мывкыдтӧм, сылӧн тӧдӧмлуныс абу, идолъясӧс сывдысь-вӧчысьӧс лоӧ янӧдӧма, ӧд сылӧн бӧлбанъясыс – ылӧг енъяс, на пытшкын олӧмыс абу.

Еремей 10:10

Сӧмын Господь эм збыль Енмыс, Сійӧ – ловъя Ен, помтӧг олысь Ӧксы. Сылӧн скӧралӧмысь муыс сыркакылӧ, Сылӧн ярлун водзын войтыръяс вынтӧмӧсь.

Исай 45:14

Господь тадзи висьталӧ: – Ставыс тайӧ, мый чукӧртісны египетсаяс, мыйӧн вузасьӧм помысь озырмисны эфиопияса олысьяс да саваса гырысь йӧз, вуджас тэныд, Менам войтырӧй, ставыс лоӧ тэнад. Найӧ, чептӧн дорӧмаяс, мунасны тэ бӧрся, уськӧдчасны тэ водзӧ да кутасны кевмысьӧмӧн шуавны: «Сӧмын тэкӧд Енмыс, и мӧд Енмыс абу!»

Исай 45:5

Ме – Господь, и мӧдыс абу, Ме кындзи мӧд Енмыс абу! Тэ он тӧд Менӧ, но Ме сета тэныд вын,

Исай 37:20

Ӧні, Господьӧй, миян Енмӧй, мезды миянӧс Сеннахирим киысь. Мувывса став войтыръяс мед тӧдмаласны, мый Тэ, Господьӧй, ӧти Ен».

Исай 37:16

«Господь Саваоф, Израильлӧн Ен! Тэ пукалан херувимъяс вылын. Тэ – ӧти Ен, Тэ ыджыдалан став му пасьталаыс. Тэ вӧчин енэжсӧ и мусӧ.

Индӧд 32:39

Видзӧдӧй, тайӧ – Ме, Ме – Енмыс, Меысь кындзи мӧд Енмыс абу. Ме виа и олӧм сета, Ме дойдала и бурдӧда. Менам киысь некод оз мезды.

Индӧд 4:35

Тіянлы сетӧма тайӧс аддзывны, медым ті тӧдінныд, мый Господь эм Ен, и Сыысь кындзи мӧдыс абу.

Индӧд 3:24

”Господьӧй Ыджыдӧй! Тэ петкӧдлін меным, Аслад кесйӧглы, Ассьыд ыджыд вынтӧ, вына китӧ [да ён сойтӧ]. Эм-ӧ енэжас либӧ му вылас мӧд енмыс, коді эськӧ Тэ моз вермис вӧчны ыджыд да вына уджъяс?

1 Тимофейлы 1:17

Помтӧг ыджыдалысь Ӧксылы, пыр олысь, тыдавтӧм, ыджыд мывкыда ӧти Енлы ошкӧм-нимӧдӧмыс нэмъяс чӧж! Аминь.

Ап. уджъяс 15:20

Сӧмын колӧ гижны налы, медым видзасны асьнысӧ идоллы вайӧм пеж сёянысь, кырсалӧмысь, джагалӧм пемӧс яй сёйӧмысь да вир юӧмысь, нӧшта, мед оз вӧчны мукӧдыслы сійӧ, мый оз кӧсйыны аслыныс.

1 Коринфӧ 8:11

И тэнад тӧдӧмлун вӧсна вошас тайӧ жеб эскысьыс, тэнад вокыд, код вӧсна куліс Кристос.

Галатӧ 4:8

Кор ті энӧ на тӧдӧй Енсӧ, вӧлінныд мукӧд енъяслӧн кипод улынӧсь. Збыльвылас, найӧ абу енъяс.