1 Коринфӧ 5:11 - Коми Библия 2023

¹¹ Но ме сёрнита сэтшӧм морт йылысь, коді шуӧ асьсӧ эскысьӧн, но ачыс кырсалӧ, горшасьӧ, суклясьӧ, гусясьӧ, кодалӧ да идоллы юрбитӧ – татшӧмыскӧд энӧ кутӧй некутшӧм йитӧд. Весиг энӧ сёйӧй сыкӧд ӧтлаын!

1 Коринфӧ 5:11 Referans Kwoze

Римӧ 16:17

Вокъяс, кора тіянӧс, видзчысьӧй да ылыстчӧй наысь, кодъяс пыртӧны вичкоад вензьӧмъяс да кежӧдӧны эскӧмсьыс, мыйӧ тіянӧс велӧдӧма.

2 Фессалоникаӧ 3:14

Коді оз вӧч тайӧ гижӧдас висьталӧм серти, сійӧс кутӧй тӧд выланыд. Татшӧм мортыскӧд энӧ кутӧй некутшӧм йитӧд. Тадзи ті янӧданныд сійӧс.

2 Фессалоникаӧ 3:6

Вокъяс, миян Господь Исус Кристос нимӧн тшӧктам тіянлы: ылыстчӧй эскысь вокысь, коді весь олӧ да оз ов миян велӧдӧм серти.

Матвей 18:17

Оз кӧ сійӧ кывзы найӧс, висьтав вичко водзын. Весиг кӧ найӧс оз кывзы, лыддьы сійӧс ентӧдтӧмӧн, вот перйысьяс лыдӧ пукты.

2 Иоан 1:10

Тіян дінӧ локтысь кӧ вайӧ мӧд велӧдӧм, энӧ сибӧдӧй сійӧс керка помад, весиг энӧ чолӧмасьӧй сыкӧд.

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».

1 Тимофейлы 3:3

оз ю, оз тышкась, аслыс оз курав, рам сьӧлӧма, оз пинясь, сьӧм вылӧ оз горшась,

Матвей 23:25

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті тасьті-дозмуклысь ортсысӧ весаланныд, а пытшкӧсыс гусясьӧмӧн да ылӧдчӧмӧн тырӧма.

Восьтӧм 2:20

Но Менам эм мыйсюрӧ тэныд паныд: тэ лэдзан Езавель аньлы, асьсӧ пророкӧн шуысьлы, велӧдны да кежӧдны ылӧгас Менсьым кесйӧгъясӧс. Тайӧ аньыс велӧдӧ найӧс кырсавны да сёйны идоллы вайӧм сёян.

Ефесӧ 5:5

Тӧдӧй, мый Кристослӧн да Енлӧн Юраланіныс оз вичмы ни ӧти кырсалысьлы, пеж оласногалы да горшасьысьлы, коді копрасьӧ озырлунлы Енмыслы пыдди.

Лука 21:34

Видзчысьӧй, медым сьӧлӧмныд эз кӧртась кодалӧм-гажӧдчӧмас да олӧм тӧждас, ӧд ставыс тайӧ чорзьӧдӧ тіянлысь сьӧлӧмнытӧ. Мед сійӧ луныс оз су тіянӧс виччысьтӧг.

1 Коринфӧ 6:10

гусясьысьлы, горшасьысьлы, кодалысьлы, суклясьысьлы да мырддялысьлы – татшӧм йӧзыслы оз вичмы Енлӧн Юраланіныс.

Езекиль 22:12

Босьтӧны козинъяс, медым вир кисьтны. Сетӧны уджйӧзӧн, медым бӧрсӧ содтӧдӧн босьтны. Матыссаӧс дзескӧдӧмӧн озырмӧдчӧны. Ерусалим, тэ вунӧдін Менӧ, – висьталӧ Господь Ыджыдыс. –

Колосӧ 3:5

Та вӧсна бырӧдӧй ас пытшсьыныд мувывсасӧ: кырсалӧм, пеж оласног, лёкколӧм, лёк вылӧ ыштӧм да горшасьӧм. Горшасьӧмыс лоӧ сійӧ жӧ мый идоллы юрбитӧм.

1 Коринфӧ 8:11

И тэнад тӧдӧмлун вӧсна вошас тайӧ жеб эскысьыс, тэнад вокыд, код вӧсна куліс Кристос.

1 Коринфӧ 6:6

Мӧдарӧ, ті ӧта-мӧднытӧ мыжданныд да шыасянныд та могысь эскытӧмъяс дінӧ!

Римӧ 13:13

Лунъюгыдын моз пондам овны бур ногӧн. Огӧ сетчӧй гажӧдчӧмӧ да кодалӧмӧ, гозъякост олӧм пежалӧмӧ да лэдзчысьӧм оласногӧ, вензьӧмӧ да вежалӧмӧ.

Псалтыр 101:5

Менам сьӧлӧмӧй дойысла дзикӧдз топаліс, сійӧ турун моз косьмис. Ме вунӧдла весиг сёйнысӧ,

Псалтыр 10:3

Кор жугӧдӧма подувсӧ, мый вермас вӧчны веськыда олысь?

Восьтӧм 2:14

Но Менам эм мыйсюрӧ тэныд паныд: тіян пӧвстын эмӧсь найӧ, кодъяс кутчысьӧны Валаамлӧн велӧдӧмӧ. Сійӧ велӧдіс Валакӧс кежӧдны Израиль войтырӧс ылӧгас, медым найӧ сёйисны идоллы вайӧм сёян да кырсалісны.

1 Тимофейлы 6:5

да помтӧм вензьӧм на костын, кодъяслӧн пемдӧма вежӧрныс. Найӧ кежӧмаӧсь збыльсьыс, вежавидзана оласногыс пыр найӧ кӧсйӧны озырмыны сьӧмӧн. Татшӧмъяссьыс ылыстчы.

Ефесӧ 5:18

Энӧ коддзӧдчӧй винаӧн, ӧд тасянь овлӧ олӧмас лэдзчысьӧмыс. Мӧдарӧ, сетӧй Ловлы тыртны асьнытӧ.

Галатӧ 2:12

Яковсянь мӧдӧдӧмаяс вотӧдз Петыр ӧтлаын сёйис мукӧд войтыръясысь эскысьяскӧд. Но Яковлӧн йӧз локтӧм бӧрын сійӧ пондіс сайласьны да ӧтдортчыны, ӧд поліс вундыштчӧм дор сулалысьясысь.

1 Коринфӧ 11:21

ӧд быдӧн тіян пиысь тэрмасьӧ сёйны ассьыс сёянсӧ. Тадзи кодкӧ тшыгйӧн кольӧ, а кодкӧ коддзӧма нин.

1 Коринфӧ 10:14

Сідзкӧ, мусаяс, энӧ юрбитӧй идолъяслы.

1 Коринфӧ 7:15

Эскытӧм верӧс либӧ эскытӧм гӧтыр кӧ кӧсйӧ юксьыны, мед юксьӧ. Сэки эскысь верӧсӧс либӧ эскысь гӧтырӧс нинӧм оз кут, ӧд Енмыс тшӧктіс овны миянлы лӧня.

1 Коринфӧ 7:12

Мукӧдыслы висьтала ме, оз Господь: кутшӧмкӧ эскысьлӧн кӧ гӧтырыс оз эскы, но кӧсйӧ овны верӧсыскӧд, тайӧ эскысьыс мед оз юксьы гӧтырыскӧд.

Ап. уджъяс 9:17

Ананий муніс, пырис Иуда керкаӧ да Савл вылӧ кисӧ пуктӧмӧн шуис: «Савл вокӧй! Менӧ мӧдӧдіс тэ дінӧ Господь Исус, коді петкӧдчис тэныд туй вылын. Сійӧ мӧдӧдіс менӧ, медым тэ бара кутін аддзыны да тырин Вежа Лолӧн».

Лука 18:11

Фарисей сувтӧмӧн кевмысис вомгорулас: ”Енмӧй, аттьӧала Тэнӧ, мый ме абу мукӧдыс кодь: ог горшась, ог пӧръясь, гозъякост олӧм ог пежав. Ме абу тайӧ вот перйысьыс кодь.

Ап. уджъяс 1:15

Сійӧ лунъясӧ чукӧртчис сё кызь гӧгӧр велӧдчысь. На шӧрӧ сувтӧмӧн Петыр шуис:

1 Коринфӧ 6:9

Ті ӧмӧй онӧ тӧдӧй, мый лёксӧ вӧчысьяслы оз вичмы Енлӧн Юраланіныс. Энӧ ылӧдлӧй асьнытӧ! Кырсалысьлы, идоллы юрбитысьлы, гозъякост олӧм пежалысьлы, пеж оласногалы, ӧта-мӧдныскӧд узьлысь айуловлы,