1 Коринфӧ 4:6 - Коми Библия 2023

⁶ Вокъяс, тадзи ме гижи ас йылысь да Аполос йылысь, медым миян вылӧ видзӧдӧмӧн ті велӧдчинныд кутчысьны Гижӧдас. Сэки ті онӧ кутӧй ышнясьны, ӧтиӧс вылӧ кыпӧдны, а мӧдӧс увтыртны.

1 Коринфӧ 4:6 Referans Kwoze

2 Коринфӧ 11:4

Ӧд тіян дінӧ кӧ локтас кодкӧ да кутас висьтавлыны мӧд Исус йылысь, код йылысь ми эгӧ висьтавлӧй, либӧ мӧд лов йылысь, кодӧс ті энӧ сибӧдлӧй, либӧ мӧдпӧлӧс бур юӧр, кодӧс энӧ босьтлӧй, сэки ті кокньыда терпитанныд сійӧс.

2 Коринфӧ 12:19

Гашкӧ, чайтанныд, ми дорйысям тіян водзын? Огӧ! Ми сёрнитам Ен водзын кыдзи Кристослы кесъялысьяс. Мусаяс, ми ставсӧ тайӧс висьталам тіянӧс ёнмӧдӧм могысь.

2 Коринфӧ 12:6

Дерт, ме ог ло мывкыдтӧмӧн, кута кӧ ошйысьны, ме ӧд збыльсӧ висьтала. Но ме ог кут ошйысьны, медым кодкӧ эз мӧвпав ме йылысь унджык сыысь, мый аддзӧ ме пытшкысь либӧ кылӧ месянь.

Колосӧ 2:18

Некод мед оз ылӧд тіянӧс аслас рамлунӧн, анделъяслы юрбитӧмӧн да ылӧг аддзылӧмъяснас ошйысьӧмӧн. Морт вежӧрнаныс мӧвпалігӧн найӧ вылӧ пуктӧны асьнысӧ.

1 Фессалоникаӧ 1:5

Ми висьтавлім тіянлы Бур Юӧрсӧ Вежа Лов вынӧн да ыджыд эскӧмлунӧн, эгӧ сӧмын кывйӧн. Ті бура тӧданныд, кыдзи ми кутім асьнымӧс тіянын олігӧн да отсасим тіянлы.

Римӧ 12:3

Меным сетӧм буралӧм вӧсна висьтала тіянлы быдӧнлы: энӧ мӧвпалӧй ас йывсьыныд вывті, коланасьыс унджык, но мӧвпалӧй ышнясьтӧг, Енмӧн сетӧм эскӧм сертиныд.

2 Коринфӧ 10:7

Видзӧдлӧй ас выланыд: коді зумыда эскӧ, мый сійӧ Кристослӧн, мед тӧдӧ, мый ми тшӧтш Кристослӧн.

2 Коринфӧ 4:15

Став сьӧкыдсӧ ми нуам тіян вӧсна, медым Енлӧн буралӧмыс содіс да вичмис уналы на. Сэки унаӧн кутасны аттьӧавны да ошкыны Енсӧ.

1 Коринфӧ 8:1

Ӧні кӧсъя сёрнитыштны идоллы вайӧм сёян йылысь. Дерт, ми быдӧн тӧдам та йылысь. Но тӧдӧмлуныс вайӧдӧ ышнясьӧмӧдз, а муслуныс ёнмӧдӧ.

1 Коринфӧ 5:6

Тіянлы нинӧмӧн ошйысьнысӧ! Ті ӧмӧй онӧ тӧдӧй, мый этшаник няньшом шоммӧдӧ дзоньнас кӧтассӧ.

1 Коринфӧ 3:19

Ӧд Енмыс тайӧ му вылас олысьяслысь мывкыдлунсӧ лыддьӧ йӧйталӧмӧн. Гижӧма: «Енмыс тывйыштӧ мывкыдаясӧс асланыс наянлунӧ».

2 Тимофейлы 2:10

Та вӧсна ме муна став сьӧкыд пырыс. Вӧча тайӧс Енлӧн бӧрйӧмаяс вӧсна, медым найӧ тшӧтш босьтісны Исус Кристоссянь мездмӧмсӧ да помасьлытӧм дзирдлунсӧ.

2 Коринфӧ 10:15

Ми огӧ ошйысьӧй этш тӧдтӧг, огӧ ошйысьӧй мукӧдлӧн уджъясӧн, но лача кутам, кор тіян эскӧмныд ёнмас, сэки миян уджыс ёнджыка на паськалас тіян пӧвстын.

2 Коринфӧ 10:12

Ми огӧ лысьтӧй орччӧдны асьнымӧс либӧ ӧткодявны асьнымӧс вывтіасьысьяскӧд. Найӧ видзӧдӧны сӧмын ас выланыс да донъялӧны асьнысӧ ас сертиныс. Тадзи вӧчигӧн найӧ петкӧдлӧны ассьыныс мывкыдтӧмлунсӧ.

1 Коринфӧ 13:4

Муслуныс дыр терпитӧ, мелі сьӧлӧма, оз вежав, оз ошйысь, оз вылӧ кыпӧдчы,

1 Коринфӧ 9:23

Ставсӧ тайӧс вӧча Евангелльӧ вӧсна, мед меным тшӧтш вичмас сылӧн бурсиӧмыс.

1 Коринфӧ 5:2

Оз ӧмӧй тіянлы ков шогсьыны та вӧсна да вӧтлыны ас дорсьыныд татшӧм мортсӧ? А ті пыр на ышнясянныд.

1 Коринфӧ 3:21

Сідзкӧ, некод мед оз ошйысь мортӧн, ӧд ставыс тіян:

1 Коринфӧ 1:31

Тадзи инас тайӧ гижӧдыс: «Ошйысьысь мед ошйысьӧ Господьӧн».

1 Коринфӧ 1:19

Гижӧма: «Мывкыда йӧзлысь мывкыдлунсӧ бырӧда, сюсь вежӧра йӧзлысь вежӧрлунсӧ ӧтдорта».

1 Коринфӧ 1:12

Ме сёрнита сы йылысь, мый тіян пӧвстысь кодкӧ шуӧ, ме пӧ Павеллӧн, мӧд шуӧ, ме пӧ Аполослӧн, коймӧд шуӧ, ме пӧ Кифалӧн, а нёльӧд шуӧ, ме пӧ Кристослӧн.

Исай 2:22

Дугдӧй лача кутны морт вылӧ, кодлӧн олӧмыс лолыштӧм кодь. Мый вермас вӧчны сійӧ?

Псалтыр 146:3

Сійӧ бурдӧдӧ доймӧм сьӧлӧмаясӧс, кӧрталӧ налысь дойяссӧ.

Псалтыр 8:4

Кор ме видзӧда енэжас – Тэнад киӧн вӧчӧмтор вылӧ, тӧлысь да кодзувъяс вылӧ, кодъясӧс Тэ пуктін енэжас,

Ап. уджъяс 18:24

Ефесӧ сэки локтіс Аполос нима иудей, ачыс чужлӧма Александрияын. Аполос кужис мичаа сёрнитны да зэв бура тӧдіс Гижӧдъяс.

Ап. уджъяс 19:1

Кор Аполос вӧлі Коринфын на, Павел вуджис керӧсвыв муяс пыр да локтіс Ефесӧ. Сэтысь аддзис ӧткымын велӧдчысьӧс

2 Коринфӧ 12:20

Ме пола, мый тіянӧ воа да, аддза тіянӧс сэтшӧмӧн, кутшӧмӧн ог кӧсйы аддзынысӧ. Сідзкӧ, ті тшӧтш аддзанныд менӧ сэтшӧмӧн, кутшӧмӧн онӧ кӧсйӧй аддзынысӧ! Ме пола аддзыны тіян костысь зыксьӧм, вежалӧм, скӧралӧм, асьтӧ радейтӧм, удтысьӧм, суклясьӧм, вылӧ кыпӧдчӧм да кывзысьтӧмлун.