1 Коринфӧ 3:12 - Коми Библия 2023

¹² Тайӧ подув вылас мортыс вермӧ лэптыны тэчассӧ зарниысь, эзысьысь, дона изйысь, пуысь, турунысь либӧ идзасысь,

1 Коринфӧ 3:12 Referans Kwoze

2 Тимофейлы 4:3

Ӧд воас кад, кор веськыд велӧдӧмсӧ оз пондыны кывзыны. Йӧзыс ас лёк кӧсйӧм сертиныс бӧръясны велӧдысьясӧс да пондасны кывзыны найӧс.

2 Тимофейлы 3:7

Найӧ ӧтарӧ велӧдчӧны, но збыльыс налы оз мӧрччы вежӧрас.

2 Тимофейлы 2:20

Ыджыд керкаад абу сӧмын зарни да эзысь дозъяс, эмӧсь и пу да сёй дозъяс. Ӧтияснас вӧдитчӧны торъя лунъясӧ, мӧдъяснас – быд лун.

Восьтӧм 21:18

Карлысь стенсӧ вӧлі вӧчӧма яшмаысь, а асьсӧ карсӧ – сӧстӧм зарниысь, сійӧ югъяліс стеклӧ моз.

Восьтӧм 3:18

Ме туйдӧда тэнӧ. Ньӧб Менсьым биын весалӧм зарни да озырмы. Ньӧб Менсьым еджыд паськӧм, медым вермин вевттьысьны, медым эз тыдав тэнӧ янӧдан пасьтӧм вир-яйыд. Ньӧб Менсьым мавтантор да мавт сыӧн синтӧ, медым аддзин.

1 Петыр 1:7

Зарниыс тӧдмавсьӧ биӧн. Тіян эскӧмныд бырана зарниысь донаджык, сійӧ тӧдмавсьӧ сьӧкыдлунъяс дырйи, медым Исус Кристос локтігӧн вичмис тіянлы ошкӧм, нимӧдӧм да дзирдлун.

Псалтыр 19:10

Господьӧй, мезды ӧксыӧс! Кор шыасям Тэ дінӧ, вочавидз миянлы!

Восьтӧм 2:14

Но Менам эм мыйсюрӧ тэныд паныд: тіян пӧвстын эмӧсь найӧ, кодъяс кутчысьӧны Валаамлӧн велӧдӧмӧ. Сійӧ велӧдіс Валакӧс кежӧдны Израиль войтырӧс ылӧгас, медым найӧ сёйисны идоллы вайӧм сёян да кырсалісны.

Еврейяслы 13:9

Энӧ лэдзӧй кежӧдны асьнытӧ быдпӧлӧс ылӧгвелӧдӧмас. Бурджык, ті кӧ ёнмӧданныд сьӧлӧмнытӧ Енлӧн буралӧмӧн, а онӧ сёян-юан йылысь велӧдӧмӧн. Ӧд татшӧм велӧдӧмыс сы серти олысьяслы нинӧм бурсӧ оз сет.

2 Тимофейлы 3:13

А лёк да пӧръясьысь йӧзлӧн лёк вӧчӧмыс кутас содны. Найӧ унаӧс ылӧдасны, асьныс тшӧтш ылаласны.

1 Тимофейлы 6:3

Коді велӧдӧ мӧдторйӧ да оз кутчысь миян Господь Исус Кристослӧн веськыд кывъясас да велӧдӧмас, мый вайӧдӧ вежавидзана оласногӧ,

Колосӧ 2:8

Видзчысьӧй, мед кодкӧ эз тывйышт тіянӧс мувывса мывкыдлуннас да ылӧг сёрнинас. Найӧ подуласьӧны мортлӧн велӧдӧм вылӧ да муюгыд вынъяс вылӧ, а оз Кристос вылӧ.

2 Коринфӧ 2:17

Мукӧдыс моз ми огӧ висьтавлӧй Енлысь кывсӧ дон вылӧ. Ми висьтавлам сійӧс Ен водзын веськыда, ӧд ми – Кристослӧн кесъялысьяс да Енсянь мӧдӧдӧмаяс.

Римӧ 16:17

Вокъяс, кора тіянӧс, видзчысьӧй да ылыстчӧй наысь, кодъяс пыртӧны вичкоад вензьӧмъяс да кежӧдӧны эскӧмсьыс, мыйӧ тіянӧс велӧдӧма.

Ап. уджъяс 20:30

Весиг тіян пӧвстысь сюрасны йӧз, кодъяс пондасны мӧдарӧ велӧдны да кыскыны ас бӧрсяыс велӧдчысьясӧс.

Еремей 23:28

Пророк, коді аддзыліс вӧт, мед висьталӧ сійӧс вӧтӧс моз, а пророк, кодлы вӧлі Месянь кыв, мед висьталӧ Менсьым кывйӧс веськыда». Позяс-ӧ идзас ӧткодявны шобді туськӧд? – висьталӧ Господь. –

Исай 60:17

Ыргӧн пыдди Ме вая тэныд зарни, кӧрт пыдди – эзысь, пу пыдди – ыргӧн, из пыдди – кӧрт. Тэнад юралысьӧн Ме инда лӧньлун, тэнад ыджыдалысьӧн – веськыдлун.

Шусьӧгъяс 30:6

Содтан кӧ мыйкӧ Сылӧн кывъясыс дінӧ, ылӧдчысь лоан – и Сійӧ янӧдас тэнӧ.

Шусьӧгъяс 16:16

Зарни дорысь бурджык мывкыдлун чӧжны, эзысь чӧжӧм дорысь бурджык вежӧрсявны.

Шусьӧгъяс 8:10

Энӧ эзысь, а менсьым велӧдӧмӧс босьтӧй, энӧ весалӧм зарни, а тӧдӧмлунсӧ сибӧдӧй,

2 Коринфӧ 4:2

Ми огӧ вӧчӧй гусясӧ да янӧданасӧ, огӧ ылӧдчӧй, Енлысь кывсӧ висьтавлам торкавтӧг. Ми восьсӧн висьталам збыльсӧ да быдӧнлы сетам донъявны асьнымӧс Ен водзын.

1 Коринфӧ 3:11

Подувсӧ пуктӧма нин, тайӧ – Исус Кристос. Тайӧ подулыс кындзи мӧд подув некод оз вермы пуктыны.

1 Коринфӧ 3:13

но уджыс быдӧнлӧн ас кадӧ тыдовтчас. Тайӧс петкӧдлас мыждан луныс, ӧд сійӧ биӧн воас. Сэки биыс быдӧнлысь уджсӧ тӧдмалас.

Петӧм 5:12

Израиль войтыр пондіс ветлӧдлыны Египет му пасьтала да чукӧртны идзас.