1 Коринфӧ 2:7 - Коми Библия 2023

⁷ Ми висьталам Енлӧн гуся мывкыдлуныс йылысь, кодӧс быдӧнысь вӧлі дзебӧма. Но олӧм пуксьытӧдзыс на Енмыс вӧлі мӧвпыштӧма, мый Сылӧн мывкыдлуныс ваяс миянлы дзирдлун.

1 Коринфӧ 2:7 Referans Kwoze

2 Петыр 1:3

Ми тӧдмалім Сійӧс, коді корис миянӧс Аслас дзирдлунӧ да тыр-бурӧ. Сылӧн Ен вынсянь сетӧма миянлы став коланасӧ, медым ми олім вежавидзӧмӧн.

Матвей 13:35

медым иніс пророклӧн шуӧмыс: – Ме сёрнита тіянкӧд велӧданвисьтъясӧн, му пуксьӧмсяньыс дзебӧмасӧ юӧрта.

Матвей 11:25

Сэки Исус шуис: «Ошка Тэнӧ, Батьӧй, енэжыс да муыс вылын Ыджыдалысьӧс! Тэ дзебин тайӧс сюсь вежӧраясысь да восьтін кага коддьӧмлы.

Псалтыр 78:2

Тэнад кесйӧгъяслысь шойяссӧ колисны енэжвыв лэбачьяслы, Тэнад эскана войтырлысь шойяссӧ – мувывса зверъяслы.

1 Петыр 5:10

Тіянлы этша нин колис сьӧкыдавны. Та бӧрти буралӧмнас озыр Ен, коді корис тіянӧс Исус Кристос пыр Аслас бырлытӧм дзирдлунӧ, мед ёнмӧдас да зумыдмӧдас тіянӧс да вӧчас тыр-буръясӧн.

Ефесӧ 1:4

Сійӧ бӧрйӧма миянӧс Кристос пытшкын му пуксьытӧдзыс на, медым вӧлім Сы водзын вежаӧсь да сӧстӧмӧсь. Ми ёна мусаӧсь Енмыслы,

Восьтӧм 13:8

Сылы копыртчыласны мувывса став йӧзыс, кодъяслысь нимсӧ му пуксьӧмсяньыс абу гижӧма начкӧм Балялӧн небӧгӧ – Олӧмыслӧн небӧгӧ.

1 Петыр 1:11

Найӧ кӧсйисны тӧдмавны, кутшӧм кад вылӧ да мый вылӧ индіс на пытшкын олысь Кристослӧн Лолыс, кор Сійӧ водзвыв висьтавліс Кристослӧн сьӧкыдалӧмыс да Сійӧс виччысяна дзирдлуныс йылысь.

2 Тимофейлы 1:9

Енмыс мездіс миянӧс да корис вежа олӧмас эз миян уджъясным вӧсна. Сійӧ сетіс миянлы Ассьыс буралӧмсӧ олӧм пуксьытӧдзыс на Исус Кристос пытшкын.

1 Петыр 5:1

Ӧні ме шыася вичкоса юрнуӧдысьяс дінӧ. Ачым ме тшӧтш вичкоса юрнуӧдысь, ме аддзылі Кристослысь сьӧкыдалӧмсӧ, и меным тшӧтш вичмас воссяна дзирдлуныс. Ме ёна кора тіянӧс:

Римӧ 8:29

Сідзкӧ, кодъясӧс Енмыс водзысяньыс тӧдіс, найӧс и лӧсьӧдіс лоны Аслас Пи кодьӧн, медым Пиыс вӧлі медводдза чужысьӧн уна вок пӧвстын.

Римӧ 8:30

Кодъясӧс Сійӧ водзысяньыс лӧсьӧдіс, найӧс и корис, кодъясӧс корис, найӧс и вӧчис веськыдӧн, кодъясӧс вӧчис веськыдӧн, найӧс и мичмӧдіс Аслас дзирдлунӧн.

Римӧ 11:25

Вокъяс, мед ті энӧ мӧвпалӧй ас мывкыдсяньныд, висьтала тіянлы тайӧ гусяторсӧ – Израиль войтырӧс суис чорзьӧдчӧм, но эз ставнысӧ. Чорзьӧдчӧмыс кыссяс сэтчӧдз, кытчӧдз мукӧд войтыръясысь оз мездмы индӧм лыдыс.

1 Коринфӧ 2:1

Вокъяс, кор ме волі тіян дінӧ висьтавны Енсянь юӧр, сэки сёрниті тіянкӧд эг мича да мывкыд кывъясӧн.

Ефесӧ 3:10

медым вичкоыс пыр ӧні петкӧдлыны енэжвывса ыджыдалысь-веськӧдлысьяслы Ассьыс уна ногӧн петкӧдчысь мывкыдлунсӧ.

Еврейяслы 1:2

Тайӧ бӧръя кадас Сійӧ шыасьліс миян дінӧ Пиыс пыр. Енмыс сетіс Сылы ставсӧ, Сы пыр вӧчис ентыкӧласӧ.

Еврейяслы 11:3

Эскӧмӧн ми гӧгӧрвоам, мый ентыкӧлаыс артмӧма Ен кывйӧн. Тадзи аддзытӧмсьыс лои аддзанаыс.