1 Коринфӧ 15:47 - Коми Библия 2023

⁴⁷ Медводдза мортыс вӧлі мувывса, сійӧс вӧлі муысь вӧчӧма. Мӧд мортыс – Господь, коді локтіс енэжсянь.

1 Коринфӧ 15:47 Referans Kwoze

Иоан 3:31

Вылісянь Локтысьыс ставсьыс вылын. Мувывса мортсӧ вӧчӧма муысь, сійӧ сёрнитӧ мувывсаыс йылысь. А енэжсянь Локтысьыс ставсьыс вылын.

Олӧм 2:7

Господь Ен вӧчис муысь мортӧс, пӧльыштіс сылы ныр-вомас олӧмыслысь ловсӧ, и морт лоис ловъя олысьӧн.

Олӧм 3:19

Пӧсь петтӧдзыд пондан уджавны няньыд вӧсна. Сэсся бӧр бергӧдчан муӧ, кытысь босьтӧма тэнӧ. Муысь вӧчӧма тэнӧ, муӧ бӧр и бергӧдчан».

2 Коринфӧ 5:1

Ми тӧдам: тайӧ мувывса чомйыс, миян вир-яйным, кӧ киссяс, Енмыс сетас миянлы енэжас оланін – киӧн вӧчтӧмӧс, бырлытӧмӧс.

1 Коринфӧ 15:45

Гижӧдыс висьталӧ: «Медводдза мортыс, Адам, лоис ловъя олысьӧн», а мӧд Адамыс лоис олӧм сетысь Лолӧн.

Лука 2:11

Талун Давид карын тіянлы чужис Мездысь – Господь Кристос.

Исай 9:6

Ӧд миянлы чужис кага, миянлы сетӧма пи. Ыджыдалӧмсӧ пуктӧма Сылы пельпом вылас. Сылы сетӧма ним: Шензьӧдана Туйдӧдысь, Вына Ен, Пыр олысь Бать, Лӧньлунсӧ вайысь Ӧксы.

1 Тимофейлы 3:16

Кывшутӧг, миян эскӧмлӧн гусяторйыс ыджыд: Енмыс восьтіс Асьсӧ вир-яйын, Лолыс петкӧдліс Сылысь веськыдлунсӧ, Сійӧс аддзылісны анделъяс, Сы йылысь юӧртісны ентӧдтӧмъяслы, Сылы эскисны муюгыдас, Сійӧ кыпӧдчис дзирдлунас.

Ап. уджъяс 10:36

Сійӧ мӧдӧдіс Израиль войтырлы Ассьыс кывсӧ, лӧньлун йылысь Бур Юӧрсӧ, кодӧс вайис Исус Кристос. Сійӧ ставныслы Господь.

Иоан 6:33

Енлӧн няньыс лэччӧ енэжсянь да сетӧ йӧзыслы олӧм».

Матвей 1:23

– Ныв сьӧктас, сэсся пи чужтас. Эммануил ним Сылы пуктасны. Нимыс висьталӧ: миянкӧд Ен.

Еремей 23:6

Сылӧн веськӧдлан лунъясӧ Иуда войтыр мездмас, Израиль войтыр кутас повтӧг овны. Сылӧн нимыс лоӧ ”Господь – миян веськыдлуныс”.

1 Коринфӧ 15:46

Медводдза олысьыс вӧлі мувывса, эз енэжвывса, сэсся енэжвывсаыс локтіс.