1 Коринфӧ 15:3 - Коми Библия 2023

³ Ме висьтавлі тіянлы медколанаторсӧ, мый ачым босьті сьӧлӧмӧ: Гижӧдыс серти Кристос куліс миян мыжъяс вӧсна.

1 Коринфӧ 15:3 Referans Kwoze

1 Петыр 2:24

Миянлысь мыжъяснымӧс Аслас вир-яйын Сійӧ кыпӧдіс крест вылӧ, медым ми дугдім вӧчны мыжсӧ да олім веськыда. Сылӧн дойясӧн ті бурдінныд.

Галатӧ 1:4

Ен Батьнымлӧн кӧсйӧмыс серти Кристос сетіс Асьсӧ миян мыжъяс вӧсна, медым мездыны миянӧс лёкнас тырӧм муюгыдсьыс.

1 Иоан 2:2

Сійӧ – миянлысь мыжнымӧс вештысь, и абу сӧмын миянлысь, а став муюгыдыслысь.

Галатӧ 1:12

Эг мортсянь ме босьт сійӧс, эз морт менӧ велӧд, но ачыс Исус Кристос восьтіс меным сійӧс.

Восьтӧм 1:5

да Исус Кристоссянь. Сійӧ – эскана Висьталысь, Сійӧ медводдзаӧн ловзис кулӧмысь да ыджыдалӧ мувывса ӧксыяс вылын. Сылы ми ёна мусаӧсь. Аслас вирӧн Сійӧ мыськаліс миянӧс мыжъясысь,

Римӧ 4:25

Енмыс сетіс миян мыжъяс вӧсна Кристосӧс да ловзьӧдіс Сійӧс, медым ми вӧлім веськыдӧсь.

Закар 13:7

– Ырыштчы, шыпуртӧй, Менам видзысь вылӧ, Аслам медматысса вылӧ, – висьталӧ Господь Саваоф. – Кувмӧн дойд видзысьсӧ, и ыжъясыс разаласны. Ичӧт баляяс вылӧ Ме лэпта Ассьым киӧс.

Езекиль 3:17

«Морт пиӧй, Ме пукті тэнӧ Израиль войтырлы видзысьӧ. Кор тэ кылан Менсьым кывйӧс, тэныд ковмас ӧлӧдны Израиль войтырӧс Ме пыдди.

Ефесӧ 5:2

Кристослы ми мусаӧсь, ті тшӧтш лоӧй мусаӧсь ӧта-мӧдныдлы. Кристос сетіс Ассьыс олӧмсӧ миян вӧсна да вайис Асьсӧ Енлы чӧскыда ӧвтан вись пыдди.

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.

1 Коринфӧ 11:23

Ме висьтавлі нин тіянлы, мый Ачыс Господь меным висьталіс. Господь Исус, Сійӧс вузалан войӧ, босьтіс нянь,

Ап. уджъяс 3:18

Енмыс водзвыв висьталіс Аслас пророкъяс пыр Кристослӧн сьӧкыд нуӧмыс йылысь. И тайӧ иніс.

Иоан 1:29

Аскинас Иоан аддзис сы дінӧ локтысь Исусӧс да шуис: «Видзӧдлӧй, тайӧ Енлӧн Баля. Сійӧ вештӧ став йӧзлысь мыжъяссӧ.

1 Петыр 1:11

Найӧ кӧсйисны тӧдмавны, кутшӧм кад вылӧ да мый вылӧ индіс на пытшкын олысь Кристослӧн Лолыс, кор Сійӧ водзвыв висьтавліс Кристослӧн сьӧкыдалӧмыс да Сійӧс виччысяна дзирдлуныс йылысь.

Ефесӧ 1:7

Кристос вештысис миян вӧсна Аслас вирнас да прӧститіс мыжъяснымӧс. Сэтшӧм ыджыд Енмыслӧн буралӧмыс!

Галатӧ 3:13

Кристос ньӧбис миянӧс Индӧдыслӧн ёрӧм улысь, кор Сійӧс вӧлі ёрӧма миян пыдди. Ӧд гижӧма: «Ёрӧма быдӧнӧс, кодӧс ӧшӧдӧма пу вылӧ».

Римӧ 3:25

Енмыс сетіс Кристосӧс мыж вештан вись пыдди, Сылӧн вирыс мездӧ быдӧнӧс эскӧм пыр. Терпитӧмнас Ен петкӧдліс Ассьыс веськыдлунсӧ: прӧститіс йӧзлысь важся мыжъяссӧ. Ӧні Енмыс петкӧдлӧ Ассьыс веськыдлунсӧ сыын, мый Сійӧ Ачыс веськыд да вӧчӧ веськыдӧн Исуслы эскысьясӧс.

Матвей 26:28

Тайӧ Менам вир – Выль Йитӧдлӧн вир, сійӧ киссьӧ уналысь мыжъяссӧ прӧститӧм вӧсна.

1 Петыр 3:18

Кристос ӧтчыдысь нуис сьӧкыдсӧ миян мыжъяс вӧсна, медым вайӧдны миянӧс Ен дінӧ. Сійӧ, веськыда олысь, куліс лёкнога олысьяс вӧсна. Сылысь вир-яйсӧ вӧлі виӧма, но Ловсянь Сійӧ ловзис,

Еврейяслы 5:3

Та вӧсна сылы колӧ вайны вись оз сӧмын йӧзлӧн мыжъяс вӧсна, но и аслас мыжъяс вӧсна.

Еврейяслы 5:1

Быд аркирейӧс бӧрйӧны йӧз пӧвстысь да сувтӧдӧны кесъявны Енлы, медым йӧзыслӧн мыжъяс вӧсна вайны висьяс да сетӧмторъяс.

1 Коринфӧ 11:2

Вокъяс, ошка тіянӧс, ӧд ті нинӧм абу вунӧдӧмныд менам висьтавлӧмысь. Ті ставсӧ вӧчанныд менам велӧдӧм серти.

Олӧм 3:15

Тэ да ань костӧ, тэсянь чужысь да аньсянь чужысь костӧ пукта лӧгалӧм: сійӧ пасьвартас юртӧ, а тэ сылы коклябӧрас чушкан».

Матвей 26:24

Морт Пи мунӧ, кыдзи гижӧма Сы йылысь. Но курыд шог Сійӧс вузалысьлы! Бурджык сылы вӧлі, эз кӧ чужлы».

Лука 24:25

Исус шуис налы: «Гӧгӧрвотӧмӧсь тай ті. Сьӧкыда эсканныд пророк кывъясӧ.

Ап. уджъяс 8:32

Гижӧдсьыс сійӧ лыддис татшӧм кывъяс: – Ыжӧс моз Сійӧс нуӧдісны начкыны, шырысь водзын чӧв олысь баля моз Сійӧ эз восьтлы Ассьыс вомсӧ.

Ап. уджъяс 17:2

Павел, кыдзи и век, муніс сэтчӧ да куим вежон чӧж шойччан лунӧ сёрнитіс йӧзыскӧд. Вежа Гижӧдъяс вылӧ подуласьӧмӧн