1 Коринфӧ 14:26 - Коми Библия 2023

²⁶ Вокъяс, мый нӧшта шуны тіянлы? Ӧтлаӧ чукӧртчигӧн быдӧн тіян пиысь вермӧ мыйкӧ вӧчны: кодкӧ сьылӧ, кодкӧ велӧдӧ, кодлӧнкӧ эм Енсянь восьтӧм, кодкӧ сёрнитӧ мукӧд кывъяс вылын, кодкӧ гӧгӧрвоӧдӧ сійӧс. Но ставыс мед лоӧ вичко ёнмӧдӧм могысь.

1 Коринфӧ 14:26 Referans Kwoze

Ефесӧ 5:19

Сьылӧй ӧтвылысь псаломъяс, ошкана сьыланкывъяс да бурсьылӧмъяс. Сьылӧй Господьлы да ошкӧй Сійӧс став сьӧлӧмсяньныд.

Римӧ 14:19

Зілямӧй овны лӧня ӧта-мӧдӧс ёнмӧдӧмӧн.

1 Фессалоникаӧ 5:11

Сідзкӧ, ӧнія моз водзӧ ышӧдӧй да ёнмӧдӧй ӧта-мӧднытӧ.

Ефесӧ 4:16

Сійӧ йитӧ вир-яйлысь став юкӧнсӧ ӧтиӧ, тадзи артмӧ ӧти вир-яй. А юкӧнъясыс топыда йитчӧмаӧсь ӧта-мӧдныскӧд, и быд юкӧн вӧчӧ ассьыс удж. Тадзи муслуныс отсӧгӧн ставнас вир-яйыс быдмӧ-сӧвмӧ.

Ефесӧ 4:29

Некутшӧм пеж кыв мед оз пет тіян вомысь, а сӧмын бурыс, ӧд тайӧ ёнмӧдӧ йӧзыслысь эскӧмсӧ да вайӧ налы нимкодьлун.

2 Коринфӧ 13:10

Ставсӧ тайӧс водзвыв гижа, медым, кор воа тіянӧ, меным эз ковмы чорыдлунӧн ыджыдавны тіян вылын. Ӧд Господь пуктіс менӧ ыджыдавны тіянӧс ёнмӧдӧм могысь, эз жугӧдӧм могысь.

2 Коринфӧ 12:19

Гашкӧ, чайтанныд, ми дорйысям тіян водзын? Огӧ! Ми сёрнитам Ен водзын кыдзи Кристослы кесъялысьяс. Мусаяс, ми ставсӧ тайӧс висьталам тіянӧс ёнмӧдӧм могысь.

1 Коринфӧ 14:40

Ставсӧ колӧ вӧчны бура да колана ногӧн.

Ефесӧ 4:12

медым дасьтыны вежа войтырӧс кесъявны да сӧвмӧдны Кристослысь вир-яйсӧ.

1 Коринфӧ 14:27

Эмӧсь кӧ тіян пӧвстын мукӧд кывъяс вылын сёрнитысьяс, мед сёрнитӧны ӧта-мӧд бӧрсяыс кык либӧ куим морт, а кодкӧ мед гӧгӧрвоӧдӧ налысь сёрнисӧ.

Римӧ 1:13

Вокъяс, тӧдӧй: ме унаысь лӧсьӧдчывлі волыны тіян дінӧ, но пыр кутшӧмкӧ мытшӧдъяс паныдасьӧны. Мукӧд войтыръяс пӧвстын моз ме кӧсъя аддзыны тшӧтш тіян олӧмын бур вотӧс.

Римӧ 12:7

кодлы сетӧма кесъявны, мед кесъялӧ, кодлы сетӧма велӧдны, мед велӧдӧ,

Римӧ 15:2

Быдӧнлы колӧ мӧвпавны матыссалы бур вӧчӧм йылысь, сійӧс ёнмӧдӧм могысь.

1 Коринфӧ 14:2

Коді сёрнитӧ мукӧд кывъяс вылын, сійӧ сёрнитӧ Енмыскӧд, а оз йӧзкӧд. Сійӧс некод оз гӧгӧрво, ӧд сійӧ висьталӧ гусяторъяссӧ Лов вынӧн.

1 Коринфӧ 14:15

Сідзкӧ, мый меным вӧчны? Кута кевмысьны лолӧн, кута кевмысьны тшӧтш вежӧрӧн. Кута сьывны лолӧн, кута сьывны тшӧтш вежӧрӧн.