1 Коринфӧ 13:5 - Коми Библия 2023

⁵ оз вӧч шогмытӧма, аслыс нинӧм оз курав, оз дӧзмы, оз казьтыв лёксӧ,

1 Коринфӧ 13:5 Referans Kwoze

1 Коринфӧ 10:24

Энӧ тӧждысьӧй сӧмын ас вӧснаныд, тӧждысьӧй вӧчны бурсӧ мӧдлы.

Яков 1:19

Муса вокъяс, быдӧн мед лоӧ тэрыб кывзыны, но ньӧжмыд сёрнитны да скӧрмыны.

Филипӧ 2:21

Ставныс сӧмын ас вӧснаныс тӧждысьӧны, оз Исус Кристослы кесъялӧм вӧсна.

Филипӧ 4:8

Вокъяс, нӧшта кора тіянӧс: мӧвпалӧй сӧмын збыльыс, шогманаыс, веськыдыс, сӧстӧмыс, бурыс, мичаыс, ошканаыс да нимкодьыс йылысь.

Галатӧ 5:13

Вокъяс, тіянӧс корӧма мездлунас. Сӧмын мездлунсӧ энӧ бергӧдӧй вир-яйлысь кӧсйӧмсӧ могмӧдӧмӧ, но мусапырысь кесъялӧй ӧта-мӧдныдлы.

1 Коринфӧ 12:25

медым вир-яй пытшкын эз вӧвны вензьӧмъяс. Сэки быд юкӧн кутас ӧтмоза тӧждысьны ӧта-мӧд вӧснаыс.

2 Коринфӧ 5:19

Исус Кристос пыр Енмыс бурӧдіс Аскӧдыс став йӧзсӧ да оз нин лыддьы найӧс мыжаӧн. Енмыс сетіс миянлы бурасьӧмыс йылысь кывсӧ.

1 Коринфӧ 10:33

Олӧй ме моз. Ме быдторйын зіля шогмыны быдӧнлы. Ме ог тӧждысь ас вӧсна, а тӧждыся мукӧдыс вӧсна, медым найӧ мездмисны.

1 Коринфӧ 11:18

Ӧти-кӧ, ме кывлі, мый вичкоӧ чукӧртчигӧн тіян костын овлӧны вензьӧмъяс. Ме мыйтакӧ эска татчӧ.

Матвей 5:22

Ме шуа тіянлы: коді лӧгалӧ вокыс вылӧ нинӧм абусьыс, сійӧс мыждасны. Коді вокыслы шуас: ”Тэ бӧб”, сійӧс вылыс ёрд мыждас. Коді воксӧ шуас йӧйӧн, сійӧ ад биӧ веськалас.

Лука 7:39

Исусӧс корысь фарисей аддзис тайӧс да мӧвпыштіс: «Вӧлі кӧ тайӧ Мортыс пророк, тӧдіс эськӧ, мыйсяма ань инмӧдчӧ Сы дінӧ. Тайӧ аньыс ӧд мыжа».

Марк 3:5

Исус шогсис налӧн чорзьӧм сьӧлӧмныс вӧсна да чорыда видзӧдліс на вылӧ. Сэсся шуис висьысьлы: «Нюжӧд китӧ». Сійӧ нюжӧдіс, и киыс пырысь-пыр бурдіс, лои мӧдыс кодь.

2 Фессалоникаӧ 3:7

Ті ӧд асьныд тӧданныд, мый тіянлы колӧ овны миян моз. Тіян дінын ми весь эгӧ олӧй,

1 Коринфӧ 7:36

Шуам, мортыслӧн эм гӧтырпу. Сійӧ кӧ лыддьӧ лёкторйӧн, мый оз гӧтрась гӧтырпуыс вылӧ и асьсӧ кутны оз вермы, мед ас кӧсйӧм сертиыс вӧчӧ, мед гӧтрасьӧ – тайӧ абу мыж.

Матвей 9:4

Налысь мӧвпъяссӧ тӧдӧмӧн Исус шуис: «Мыйла сьӧлӧманыд лэдзанныд лёк мӧвпъяссӧ?

Исай 3:5

Йӧзыс кутасны дзескӧдны ӧта-мӧднысӧ, быдӧн – ассьыс матыссасӧ. Том зон кутас омӧльтны пӧрысь мортӧс, некытчӧ туйтӧм кутас лёкӧдны пыдди пуктанаӧс.

Ӧксыяслӧн 2 небӧг 10:3

сэтчӧс юралысьяс шуисны асланыс Ханун ыджыдлы: «Тэ чайтан, Давид збыльысь пыдди пуктӧ тэнсьыд батьтӧ и та вӧсна мӧдӧдіс тэ дінӧ ассьыс йӧзсӧ? Сійӧ мӧдӧдіс найӧс кыйӧдчысьясӧс моз, мед видзӧдлыны карнымӧс, а сэсся бырӧдны сійӧс».

2 Тимофейлы 2:10

Та вӧсна ме муна став сьӧкыд пырыс. Вӧча тайӧс Енлӧн бӧрйӧмаяс вӧсна, медым найӧ тшӧтш босьтісны Исус Кристоссянь мездмӧмсӧ да помасьлытӧм дзирдлунсӧ.

Еремей 11:19

Рам ыж моз, кодӧс нуӧдӧны начкыны, ме эг тӧд, мый найӧ вӧлі мӧвпыштӧмаӧсь вӧчны меным паныд. Найӧ шуисны, пусӧ пӧ вотӧснас кералам, бырӧдам пӧ сійӧс ловъяяс пӧвстысь, медым сылысь нимсӧ дзикӧдз вунӧдасны.

Шусьӧгъяс 14:17

Ӧдйӧ пузьысь уна ковтӧмсӧ вӧчӧ, лёк вӧчны мӧвпалысьӧс мустӧмтӧны.

Иов 21:27

Ме тӧда, мый йылысь ті мӧвпаланныд, тӧда, мый кӧсъянныд нюкыртны менӧ.

Лыд 16:15

Мӧисей ёна скӧрмис да шуис Господьлы: «Налысь вайӧмторъяссӧ эн сибӧд. Ме весиг ӧти осёлӧс эг босьтлы налысь, на пӧвстысь некодлы лёксӧ эг вӧчлы».

Лыд 12:3

Му вылын олысь став йӧзсьыс Мӧисей вӧлі рамсьыс-рам мортӧн.

2 Тимофейлы 4:16

Ёрд водзын медводдза дорйысигӧн некод эз сувт ме дор, ставныс эновтісны менӧ. Мед оз ло лыддьӧма тайӧс налы мыжӧн.

Лыд 32:6

Мӧисей шуис Гад да Рувим пиянлы: «Тіян вокъясныд мунасны тышӧ, а ті татчӧ кольччанныд?