1 Коринфӧ 13:12 - Коми Библия 2023

¹² Ӧні ми аддзам Енсӧ ылӧсас, чусмӧм рӧмпӧштанысь моз, а бӧрыннас аддзам Сійӧс асланым синмӧн. Ӧні сӧмын этшаник тӧда Енмыс йылысь, а бӧрыннас кута тырвыйӧ тӧдны Енсӧ, кыдзи Сійӧ тӧдӧ менӧ.

1 Коринфӧ 13:12 Referans Kwoze

1 Иоан 3:2

Мусаясӧй, ӧні ми Енлӧн ныв-пи, а кодӧн лоам, эз на воссьы. Тӧдам сӧмын, кор воссяс, лоам Сы кодьӧсь, ӧд сэки аддзам Сійӧс сэтшӧмӧн, кутшӧм Сійӧ эм.

2 Коринфӧ 3:18

Ми ставным чужӧмнымӧс вевттьытӧг видзӧдам Господьлӧн дзирдлун вылӧ да рӧмпӧштанысь моз аддзам Сылысь дзирдлунсӧ. Сы вылӧ видзӧдӧмӧн ми лунысь-лун вежсям да кутам дзирдавны Сы моз жӧ. Татшӧмнас вӧчӧ миянӧс Господьлӧн Лолыс.

Филипӧ 3:12

Ме ог шу, мый вои нин тыр-бурас, но зіля воны тыр-бурас, ӧд татчӧ менӧ корис Исус Кристос.

Восьтӧм 22:4

Найӧ аддзасны Енлысь чужӧмбансӧ, и Сылӧн нимыс лоӧ налӧн плешканыс.

Яков 1:23

Коді кылӧ Енлысь кывсӧ, но сы серти оз ов, сійӧ рӧмпӧштанӧ чужӧмсӧ видзӧдысь кодь.

2 Коринфӧ 5:7

Ӧд ми олам эскӧмӧн, огӧ аддзананас.

Матвей 5:8

Шудаӧсь сӧстӧм сьӧлӧмаяс, ӧд найӧ Енмӧс аддзасны.

1 Коринфӧ 8:3

Но мортыслы кӧ Енмыс муса, Енмыс тӧдӧ сійӧс.

Римӧ 8:18

Ме тадзи мӧвпала: ӧнія сьӧкыд нуӧмсӧ кӧ ӧткодявны сійӧ дзирдлуныскӧд, мый воссяс миянлы, тайӧ сьӧкыд нуӧмыс нинӧм оз сулав.

Лыд 12:8

Ме сёрнита сыкӧд ог нӧдкывъяс пыр, а воча чужӧмӧн да восьсӧн, и сійӧ аддзӧ Менсьым пертасӧс. Кыдзи ті лысьтанныд шуасьны Менам Мӧисей кесйӧг вылӧ?»

Олӧм 32:30

Яков шуис: «Аслам синмӧн Енмӧс аддзылі и ловйӧн коли». Та вӧсна нимтіс тайӧ местасӧ Пенуэлӧн.

Матвей 18:10

«Кывзӧй, тайӧ ичӧтъясысь весиг ӧтикӧс энӧ ӧтдортӧй. Висьтала тіянлы: енэжын налӧн анделъясныс век енэжвыв Батьлӧн чужӧмбан водзынӧсь.

Иоан 10:15

Кыдзи Батьӧй тӧдӧ Менӧ, сідзи Ме тӧда Батьӧс. Ассьым олӧмӧс Ме сета ыжъясӧй вӧсна.

Петӧм 33:11

Господь сёрнитіс Мӧисейкӧд воча чужӧмӧн, кыдзи морт сёрнитӧ аслас ёрткӧд. Сэсся Мӧисей бӧр локтіс йӧз дорӧ, а Навлӧн Исус пиыс, Мӧисейлы отсасьысь том морт, эз вешйыв паныдасян чом дорысь.

Езекиль 17:2

«Морт пиӧй, нӧдкыв нӧд Израиль войтырлы, висьтав велӧданвисьт.

Иов 19:26

Кор ме вылысь кучикӧс лоӧ кульыштӧма, ме аддза Енмӧс.

Иов 36:26

Енмыс сэтшӧм ыджыд, ми огӧ вермӧй тӧдмавны Сійӧс, огӧ вермӧй артавны Сылысь вояссӧ.

1 Коринфӧ 13:11

Ичӧтдырйи ме сёрниті, вежӧрті да мӧвпалі кага моз. А верстямми да, коли ассьым кага оласногӧс.