1 Коринфӧ 12:18 - Коми Библия 2023

¹⁸ Но Енмыс Ас кӧсйӧм сертиыс быд юкӧн пуктіс вир-яяс коланаинӧ.

1 Коринфӧ 12:18 Referans Kwoze

1 Коринфӧ 12:28

Вичкоын Енмыс медводз сувтӧдіс апостолъясӧс, сэсся пророкъясӧс, сэсся велӧдысьясӧс. Мукӧдыслы Енмыс сетіс вын вӧчны шензьӧданаторъяс, мукӧдыслы – сямлун бурдӧдны, кодлыкӧ – отсасьны йӧзыслы, кодлыкӧ – веськӧдлыны, а кодлыкӧ – сёрнитны мукӧд кывъяс вылын.

1 Коринфӧ 12:11

Ставсӧ тайӧс вӧчӧ ӧти Лов. Ас кӧсйӧм сертиыс Сійӧ быдӧнлы торйӧн юклӧ тайӧ сетӧмторъяссӧ.

Римӧ 12:3

Меным сетӧм буралӧм вӧсна висьтала тіянлы быдӧнлы: энӧ мӧвпалӧй ас йывсьыныд вывті, коланасьыс унджык, но мӧвпалӧй ышнясьтӧг, Енмӧн сетӧм эскӧм сертиныд.

1 Коринфӧ 3:5

Коді нӧ Павелыс? Коді Аполосыс? Найӧ сӧмын кесъялысьяс, кодъяс пыр ті эскинныд Кристослы. На пиысь быдӧн Господьсянь сетӧм удж вӧчис.

Лука 12:32

Эн пов, ичӧт чукӧр! Ӧд тіян Батьныд шуис сетны тіянлы Юралӧм.

1 Коринфӧ 12:24

Ми зілям бура вевттьыны миянӧс янӧдысь юкӧнъяссӧ, а мичаджык юкӧныслы вевттьӧдыс абу колана. Но Енмыс вир-яйсӧ тадзи лӧсьӧдӧма: Сійӧ ёнджыка на донъялӧ сійӧ юкӧнсӧ, кодӧс ми огӧ ёна донъялӧй,

Лука 10:21

Сэки Исус тырис Вежа Ловсянь нимкодьлунӧн да шуис: «Ошка Тэнӧ, Батьӧй, енэжыс да муыс вылын Ыджыдалысьӧс! Тэ дзебин тайӧс сюсь вежӧраясысь да восьтін кага коддьӧмлы. Татшӧм вӧлі Тэнад бур кӧсйӧмыд, Батьӧй».

Псалтыр 135:6

Сійӧ зумыда сувтӧдіс мусӧ ваяс вылӧ, Сылӧн буралӧмыс оз помасьлы.

1 Коринфӧ 15:38

Сэсся Енмыс Ас кӧсйӧм сертиыс сетӧ тайӧ кӧйдысыслы аслыспӧлӧс вывтыр. Быдпӧлӧс кӧйдыслы Сійӧ сетӧ аслыспӧлӧс вывтыр.

Иона 1:14

Сэки найӧ шыасисны Господь дінӧ: «Господьӧй, корам Тэнӧ, эн бырӧд миянӧс тайӧ мортыс вӧсна, эн перйы миянлысь водзӧс мыжтӧмӧс виӧмысь. Господьӧй, Тэ вӧчин, мый кӧсйин».

Исай 46:10

Водзысяньыс Ме юӧрта тіянлы, мый лоӧ, водзвыв висьтала тіянлы сы йылысь, мый эз на вӧв. Ме висьтала тіянлы: Менам мӧвпыштӧмӧй збыльмас, Ассьым кӧсйӧмӧс Ме пӧрта олӧмӧ.

Восьтӧм 4:11

– Господьӧй, Тэ шогман сибӧдны ошкӧм-нимӧдӧмсӧ да вынсӧ, ӧд Тэ вӧчин ставсӧ. Тэнад кӧсйӧм серти вӧчӧма ставсӧ, Тэнад кӧсйӧм серти ставыс олӧ.

Ефесӧ 1:9

Бур кӧсйӧмыс вӧсна Сійӧ восьтіс миянлы Ассьыс гусяторсӧ – водзвыв мӧвпыштӧмсӧ. Тайӧ гусяторсӧ Сійӧ восьтіс миянлы Кристос пыр,

Ефесӧ 1:5

та вӧсна Сійӧ водзвыв шуис босьтны миянӧс Исус Кристос пыр Аслыс ныв-пиӧ. Татшӧм Енмыслӧн бур кӧсйӧмыс.

Псалтыр 110:3

Сылӧн уджъясыс ошканаӧсь да мичаӧсь, Сылӧн веськыдлуныс олӧ нэмъяс чӧж,

Римӧ 12:6

Миянлы сетӧм буралӧм серти миян эм унапӧлӧс сетӧмторъяс: кодлы сетӧма пророкавны, мед пророкалӧ эскӧм сертиыс,

1 Коринфӧ 12:17

Вир-яйлӧн кӧ эм сӧмын син, сэки мыйӧн кутас кывзыны? Вир-яйлӧн кӧ эм сӧмын пель, сэки мыйӧн кутас исавны?

1 Коринфӧ 12:19

Ӧд быд юкӧн кӧ вӧлі сӧмын ӧтипӧлӧс, сэки эськӧ вир-яйыс эз артмы.