1 Коринфӧ 11:26 - Коми Библия 2023

²⁶ Тадзи быдпӧрйӧ, кор сёянныд тайӧ няньсӧ да юанныд тайӧ чашасьыс, ті висьталанныд Господьлӧн кулӧм йылысь, кытчӧдз оз лок Сійӧ.

1 Коринфӧ 11:26 Referans Kwoze

Восьтӧм 1:7

Со, Сійӧ локтӧ кымӧръяс вылын, Сійӧс аддзас быд син. Сійӧс аддзасны тшӧтш найӧ, кодъяс бытшкисны Сійӧс. Сэки Сы водзын ырзӧмӧн бӧрддзасны мувывса войтыръяс. Тайӧ тадзи! Аминь.

Еврейяслы 9:28

Тадзи Кристос ӧтчыдысь вайис Асьсӧ вись пыдди, медым бырӧдны мыжсӧ став йӧзыслысь. Мӧдысь Сійӧ локтас оз мыж бырӧдӧм могысь, но медым мездыны найӧс, кодъяс виччысьӧны Сійӧс.

Иоан 14:3

Ме дасьта оланін да бӧр локта босьтны тіянӧс Ас дінӧ, медым ті вӧлінныд Мекӧд.

1 Иоан 2:28

Челядь, лоӧй Сы пытшкынӧсь, медым Сылӧн локтігӧн ми вӧлім повтӧмӧсь, мед эз вӧв яндзим миянлы сувтны Сы водзӧ.

Ап. уджъяс 1:11

Найӧ шуисны: «Галилея войтыр, мый ті сулаланныд да видзӧданныд енэжас? Ті асланыд синмӧн аддзылінныд Исуслысь енэжӧ кыпӧдчӧмсӧ, тадзикӧн Сійӧ бӧр локтас».

2 Петыр 3:10

Господьлӧн луныс воас виччысьтӧг, войся гусясьысь моз. Сэки енэжыс ыджыд шыӧн бырас, став ентыкӧлаыс ыпъялана биысь пазалас, а муыс да ставыс, мый сэні эм, сотчас.

Иоан 21:22

Исус шуис Петырлы: «Ме кӧ кӧсъя, медым сійӧ оліс Менам локтӧдз, мый тэ майшасян та вӧсна? Тэ лок Ме бӧрся».

Восьтӧм 22:20

Тайӧ кывъяссӧ Висьталысьыс шуӧ: «Ме регыд локта, тайӧ тадзи!» Аминь. Лок, Господьӧй Исусӧй!

Иуда 1:14

Тайӧ йӧзыс йылысь водзвыв висьтавліс Енок, Адамсянь сизимӧд чужанвужйысь петысь: «Со, локтӧ Господь Аслас лыдтӧм-тшӧттӧм вежа анделъяскӧд,

1 Фессалоникаӧ 4:16

Кор кылас чукӧстӧм шы, кор шыасяс архангел да кылас Енлӧн труба шыыс, Ачыс Господь лэччас енэжсяньыс. Сэки медводз ловзясны кулӧмаяс, кодъяс эскисны Кристослы.

1 Коринфӧ 15:23

Но быдӧн ас кадӧ ловзяс: медводз ловзис Кристос, сэсся Кристослӧн локтігас ловзяс Сылӧн войтырыс.

2 Фессалоникаӧ 1:10

Тайӧ лоӧ сійӧ лунӧ, кор Господь локтас. Сэки Сылӧн став вежа войтырыс кутас ошкыны Господьӧс да став эскысьыс кутас шензьыны Сы вылӧ. Ті тшӧтш лоанныд на лыдын, ӧд ті эскинныд миян висьталӧмӧ.

1 Коринфӧ 4:5

Та вӧсна Господь локтӧдз, кадысь водз, некодӧс энӧ мыждӧй. Сійӧ югдӧдас пемыдас дзебӧмасӧ да восьтас мортлысь мӧвпъяссӧ. Сэки быдӧнлы вичмас Енсянь ошкӧмыс.

Иоан 21:23

Та вӧсна эскысьяс пӧвстын паськаліс сёрни, мый тайӧ велӧдчысьыс оз кув. Исус эз шу Петырлы, мый тайӧ велӧдчысьыс оз кув. Сійӧ шуис сӧмын: «Ме кӧ кӧсъя, медым сійӧ оліс Менам локтӧдз, мый тэ майшасян та вӧсна?»