1 Коринфӧ 11:24 - Коми Библия 2023

²⁴ Енмӧс аттьӧалӧмӧн чегъяліс няньсӧ да шуис: «Босьтӧй, сёйӧй, тайӧ Менам яй, чегъялӧма тіян вӧсна. Вӧчӧй тайӧс Менӧ казьтывлӧм могысь».

1 Коринфӧ 11:24 Referans Kwoze

Исай 26:8

Тэнад веськыда мыждан туй вывті мунігӧн ми лача кутам Тэ вылӧ, Господьӧй, ёна кӧсъям шыасьны Тэнад нимӧ, казьтывны Тэ йылысь.

Сьылан 5:1

– Аслам сад йӧрӧ локті ме, чоюкӧй-гӧтырпуӧй, чӧскыд турун да смирна чукӧрті, вина-йӧв ме юи, мазі позйысь ма сёйи. (Мукӧдъяс:) – Сёйӧй, ёртъяс! Коддзымӧнныд юӧй, радейтчысьяс! (Ныв:)

Шусьӧгъяс 9:5

«Локтӧй, сёйӧй менсьым няньӧс да юӧй менсьым винаӧс.

Петӧм 12:14

Тайӧ луныс Господьлы сиӧм гаж. Казьтылӧмӧн пасйӧй сійӧс. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз.

Исай 25:6

Тайӧ керӧс вылас Господь Саваоф дасьтас став войтыръяслы пызан, кӧні лоӧ чӧскыд сёян да медбур вина, пӧтӧса яя вӧлӧга да чӧскыд вина.

Сьылан 1:4

Ерусалимса нывъяс! Менам кучикӧй кедарсаяслӧн чом кодь мугов, но ме Соломонлӧн дӧраыс кодь мича.

Псалтыр 111:4

Весиг пемыдас ӧзйӧ югыдыс веськыда олысьлы, сійӧ бур да мелі сьӧлӧма, веськыда вӧчӧ.

Матвей 26:13

Веськыда висьтала тіянлы: муюгыд пасьтала, кӧні лоӧ юӧртӧма тайӧ Евангелльӧсӧ, сэні казьтыштасны тайӧ аньсӧ да висьталасны, мый сійӧ вӧчис».

Нав Исус 4:7

Сэки ті висьталӧй налы: ”Тайӧ изъясыс казьтывлӧны сы йылысь, мый [став му пасьтала ыджыдалысь] Господьлӧн Йитӧд куд водзын Йӧрдан юын ваыс шӧри потіс. Йӧрдан ю вомӧн кудсӧ вуджӧдігӧн ваыс вешйис”. Тайӧ изъясыс лоӧны Израиль пиянлы пыр кежлӧ казьтыланпасӧн».

Петӧм 28:12

да йит ефодлӧн ластавичьяс вылӧ. Изъясыс лоасны казьтыланпасӧн. Аарон кутас новлӧдлыны Израиль пиянлысь нимъяссӧ пельпом вылас Господь водзын.

1 Коринфӧ 11:23

Ме висьтавлі нин тіянлы, мый Ачыс Господь меным висьталіс. Господь Исус, Сійӧс вузалан войӧ, босьтіс нянь,

1 Коринфӧ 11:25

Сёйӧм бӧрас босьтіс тшӧтш чаша да шуис: «Тайӧ чашаыс – Выль Йитӧд, кӧрталӧма Менам вирӧн. Быдпӧрйӧ, тайӧ чашасьыс юигӧн, казьтывлӧй Менӧ».