1 Коринфӧ 1:5 - Коми Библия 2023

⁵ Кристос пыр Енмыс озырмӧдіс тіянӧс быдторнас, ті кужанныд бура сёрнитны, тіян эм быдпӧлӧс тӧдӧмлун.

1 Коринфӧ 1:5 Referans Kwoze

2 Коринфӧ 9:11

медым ті вӧлінныд озырӧсь быдторнас да верминныд лышкыда юксьыны быдӧнкӧд. Сэки йӧзыс кутасны аттьӧавны Енсӧ миян отсӧгысь.

2 Коринфӧ 8:7

Ті озырӧсь быдторнас: эскӧмӧн, сёрнитны кужӧмӧн, тӧдӧмлунӧн, зільӧмӧн, миян дінӧ муслунӧн. Сідзкӧ, лоӧй лышкыдӧсь тшӧтш отсӧг сетігӧн.

Колосӧ 2:3

Сы пытшкын мывкыдлуныслӧн да тӧдӧмлуныслӧн став озырлуныс.

Филипӧ 1:9

Ме кевмыся, мед тіян муслунныд ёнджыка на содас да сетас тіянлы быдпӧлӧс тӧдӧмлунсӧ да мывкыдлунсӧ,

Римӧ 15:14

Вокъяс, ме тӧда, тіян бурлуныс да тӧдӧмлуныс тырвыйӧ, ті верманныд туйдӧдны ӧта-мӧднытӧ.

Яков 3:13

Эм-ӧ тіян пӧвстын мывкыда да сюсь вежӧра морт? Эм кӧ, сійӧ мед петкӧдлас ассьыс мывкыдлунсӧ рам сьӧлӧмыс да бур оласногыс пыр.

Колосӧ 3:10

да вежсинныд выль мортӧ. Татшӧм мортыс выльмӧ, медым тӧдны ассьыс Вӧчысьсӧ да лоны Сы кодьӧн жӧ.

Ефесӧ 6:19

Кевмысьӧй тшӧтш ме вӧсна, медым сёрнитігам Енмыс сетіс меным колана кывъяс повтӧг висьтавны Бур Юӧрлысь гусяторсӧ.

Ефесӧ 1:17

Ме кора, мед миян Господь Исус Кристослӧн Ен, дзирдлуныслӧн Бать, сетас тіянлы мывкыдлуныслысь да восьтӧмыслысь Ловсӧ, медым ті верминныд тӧдны Сійӧс.

1 Коринфӧ 12:8

Ӧтилы Лолыс сетӧ мывкыд кывъяс, мӧдлы – тӧдӧмлун, мед юксьыны мукӧдкӧд,

2 Петыр 3:18

Быдмӧй буралӧмас да миян Мездысь Исус Кристос Господьнымӧс тӧдмалӧмас. Сылы ошкӧмыс ӧні да нэмъяс чӧж. Аминь.

Ефесӧ 3:8

Меным, став вежа войтыр пиысь медся тӧдчытӧмыслы, уси шуд висьтавлыны ентӧдтӧмъяслы Кристослӧн помтӧм-дортӧм озырлун йылысь Бур Юӧрсӧ

Ефесӧ 2:7

медым локтан нэмъясӧ олысьяслы петкӧдлыны Исус Кристос пыр миян дінӧ Ассьыс помтӧм-дортӧм буралӧмсӧ да бурлунсӧ.

1 Коринфӧ 13:2

Ме кӧ пророкала да тӧда став гусяторсӧ, менам кӧ эм быдпӧлӧс тӧдӧмлун да зумыд эскӧм, верма весиг керӧсъяс вештавны, а муслуныс кӧ ме пытшкын абу, сідзкӧ, ме нинӧм.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

1 Коринфӧ 14:26

Вокъяс, мый нӧшта шуны тіянлы? Ӧтлаӧ чукӧртчигӧн быдӧн тіян пиысь вермӧ мыйкӧ вӧчны: кодкӧ сьылӧ, кодкӧ велӧдӧ, кодлӧнкӧ эм Енсянь восьтӧм, кодкӧ сёрнитӧ мукӧд кывъяс вылын, кодкӧ гӧгӧрвоӧдӧ сійӧс. Но ставыс мед лоӧ вичко ёнмӧдӧм могысь.

1 Коринфӧ 13:8

Муслуныс некор оз бырлы. Пророкъяс дугдасны висьтавлыны, йӧзыс дугдасны сёрнитны мукӧд кывъяс вылын, и тӧдӧмлуныс бырӧ,

1 Коринфӧ 12:10

Мукӧдыслы Лолыс сетӧ вын вӧчны шензьӧданаторъяс, кодлыкӧ – пророкавны, кодлыкӧ – сямлун тӧдмавны быдпӧлӧс ловсӧ. Мукӧдыслы Лолыс сетӧ сямлун сёрнитны мукӧд кывъяс вылын, а кодлыкӧ – гӧгӧрвоӧдны тайӧ сёрнисӧ.

1 Коринфӧ 8:11

И тэнад тӧдӧмлун вӧсна вошас тайӧ жеб эскысьыс, тэнад вокыд, код вӧсна куліс Кристос.

Римӧ 15:4

Став воддза гижӧдсӧ вӧлі гижӧма миянӧс велӧдӧм да бурӧдӧм могысь, медым Гижӧд пырыс ми вермим ёнмыны да зумыд лача кутны.

Римӧ 11:12

Налӧн крукасьӧмыс кӧ вайис озырлун муюгыдыслы да Енсьыс кежӧмыс кӧ озырмӧдіс ентӧдтӧмъясӧс, сэки мыйта озырлун ваяс став Израильлӧн Ен дінӧ бергӧдчӧмыс?

Ап. уджъяс 2:4

Сэки ставныс найӧ тырисны Вежа Лолӧн да пондісны сёрнитны мукӧд кывъяс вылын, кыдзи Лов сетіс налы висьтавнысӧ.

2 Коринфӧ 6:10

Миянӧс шогӧ вӧйтӧны, а ми пыр нимкодясям. Ми гӧльӧсь, но унаӧс озырмӧдам. Миян нинӧм абу, но ставыс эм.