1 Каднебӧг 9:17 - Коми Библия 2023

¹⁷ Крам дзиръя видзысьяс пӧвстысь Ерусалимын олісны Шаллум, Аккув, Талмон, Ахиман да налӧн рӧдвужыс. Налӧн веськӧдлысьнас вӧлі Шаллум.

1 Каднебӧг 9:17 Referans Kwoze

Неемий 11:19

Дзиръя видзысьясысь Ерусалимын олісны Аккув, Талмон да налӧн вокъясыс – ставнас сё сизимдас кык морт, кодъяс видзисны карса дзиръяяс.

1 Каднебӧг 23:5

Нёль сюрс мортӧс вӧлі индӧма видзны крам дзиръяяс, нёль сюрс мортӧс – ворсанторъясӧн ошкыны Господьӧс. Та могысь и Давид тшӧктіс вӧчны ворсанторъяссӧ.

Ӧксыяслӧн 4 небӧг 7:10

Проказаӧн висьысьяс бӧр локтісны да висьталісны карса дзиръя видзысьяслы: «Ми вӧлім арамейяслӧн сувтанінын. Сэні весиг ӧти морт абу, оз кыв некутшӧм шы. Сӧмын домалӧм вӧв-осёлныс да эновтӧм чомъясныс сулалӧны сэні».

1 Каднебӧг 9:18

Ӧніӧдз найӧ видзисны крам асывладорысь Ӧксы дзиръя. А водзынджык найӧ видзисны левитъяслысь чомъяссӧ.

2 Каднебӧг 8:14

Давид батьыслӧн тшӧктӧм серти Соломон индіс кесъявны поп котыръясӧс, индіс тшӧтш левитъясӧс быд лун кежлӧ вӧчны ассьыныс уджнысӧ – ошкыны Господьӧс да отсасьны попъяслы. Нӧшта Соломон сувтӧдаліс быд дзиръя дорӧ крам видзысьясӧс. Тадзи вӧчны тшӧктіс сылы Енлӧн морт Давид.

Ездра 2:42

Дзиръя видзысьяслӧн лыдыс вӧлі сё комын ӧкмыс морт. Найӧ вӧліны Шаллум, Атер, Талмон, Аккув, Хатит да Шовай рӧдъясысь.