1 Каднебӧг 6:32 - Коми Библия 2023

³² Кытчӧдз Соломон эз вӧч Ерусалимын Господьлысь крамсӧ, найӧ сьылісны-кесъялісны вежа чом водзын. Найӧ кесъялісны сідзи, кыдзи налы вӧлі тшӧктӧма вӧчны.

1 Каднебӧг 6:32 Referans Kwoze

Ездра 6:18

Мӧисей небӧгын тшӧктӧм серти поп котыръясӧс да левит чукӧръясӧс индісны кесъявны Енлы Ерусалимын.

2 Каднебӧг 35:15

Давид ӧксылӧн да сылӧн Асаф, Еман да Едутун пророкъяслӧн тшӧктӧм серти сьылысьяс, Асафсянь чужысьяс, сулалісны асланыс местаын. Быд дзиръя дорын сулалісны дзиръя видзысьяс. Сьылысьяслӧн да дзиръя видзысьяслӧн вокъясыс, левитъяс, дасьтісны налы ыджыдлунся баляӧс, та вӧсна налы эз вӧв колана мунны асланыс кесъяланінысь.

2 Каднебӧг 31:2

Езекей ӧксы индіс попъяслӧн да левитъяслӧн быд котырлы вӧчны ассьыс удж: вайны сотан да бурасян висьяс, сьывны-ошкыны да кесъявны Господьлӧн крамӧ пыранін дорын.

1 Каднебӧг 9:33

Левий рӧдысь сьылысьяс, кодъяс вӧліны рӧдкутысьясӧн, олісны крам вежӧсъясын. Мукӧд уджсӧ найӧ эз вӧчны, ӧд найӧ лун и вой сьылісны-кесъялісны крамын.

1 Каднебӧг 6:10

Иохананлӧн – Азарий. Азарий кесъяліс попӧн крамын, мый Соломон вӧчис Ерусалимын.

1 Каднебӧг 6:31

Давид индіс сьылысь-кесъялысьясӧс, кор Господьлӧн вежаинӧ вӧлі вайӧма Йитӧд кудсӧ.

1 Каднебӧг 6:33

Со, тайӧ сьылысь-кесъялысьясыс да насянь чужысьяс: Кааф рӧдысь вӧлі Еман нима сьылысь. Сылӧн батьыс вӧлі Йоиль, Йоильлӧн батьыс – Самуил,

Езекиль 40:44

Пытшкӧс йӧрын, пыранінъяс сайын, вӧліны сьылысьяслы ӧти вежӧса керкаяс. Ӧти керкаыс вӧлі войвыв пыранін бердын, и сылӧн ӧдзӧсыс видзӧдіс лунвывлань. Мӧд керкаыс вӧлі лунвыв пыранін бердын, и сылӧн ӧдзӧсыс видзӧдіс войвывлань.