1 Каднебӧг 4:10 - Коми Библия 2023

¹⁰ Явис шыасис Израильлӧн Ен дінӧ: «Енмӧй, Тэ кӧ эськӧ бурсиин менӧ да ыдждӧдін менсьым муӧс, Тэнад киыд кӧ эськӧ кутыштіс менӧ да видзис, медым лёкыс эз су менӧ!» И Енмыс мӧдӧдіс Явислы сійӧ, мый корис.

1 Каднебӧг 4:10 Referans Kwoze

Шусьӧгъяс 10:22

Господьлӧн бурсиӧмыс озырмӧдӧ, аслад уджӧн тэ нинӧм он содты аслыд.

Еремей 33:3

Шыась Ме дінӧ, и Ме вочавидза тэныд, юӧрта тэныд ыджыдторъяс йылысь, мый тэ он на тӧд да он гӧгӧрво.

Исай 41:10

Эн пов, Ме тэкӧд, эн майшась, Ме – тэнад Енмыд. Ме ёнмӧда тэнӧ, отсала тэныд да кутышта тэнӧ Аслам веськыд киӧн.

Ефесӧ 3:20

Ошкӧм Енлы! Аслас вынӧн Сійӧ уджалӧ миян пытшкын да вӧчӧ ёна унджык миян корӧм да мӧвпалӧм дорысь.

2 Тимофейлы 4:18

Тӧда, Сійӧ видзас менӧ став лёксьыс, мездас да вайӧдас Аслас енэжвыв Юраланінӧ. Ошкӧм Сылы нэмъяс чӧж! Аминь.

Иоан 10:28

Ме сета налы помтӧм олӧм, и найӧ некор оз вошны. Некод оз мырддьы найӧс Менам киысь.

Ефесӧ 1:3

Ошкӧм Енлы, миян Господь Исус Кристослӧн Батьлы! Сійӧ бурсиӧма миянӧс Кристос пыр Ловсянь быдпӧлӧс бурсиӧмнас, мый эм енэжас.

Псалтыр 21:4

Тэ вежа, Тэ олан Израиль войтыр пӧвстын, найӧ сьылӧмӧн ошкӧны Тэнӧ.

Исай 41:17

Гӧльяс да коньӧръяс корсьӧны ва, но оз аддзыны, налӧн вом пытшкӧсныс пакталӧма. Но Ме, Господь, кыла найӧс, Ме, Израильлӧн Ен, ог эновт найӧс.

1 Коринфӧ 1:2

ми чолӧмалам тіянӧс, Енлысь коринфса вичкосӧ. Исус Кристос пыр Енмыс вежӧдіс тіянӧс да корис лоны Аслас вежа войтырӧн. Ми чолӧмалам быдӧнӧс, коді быдлаын миян моз шыасьӧ Исус Кристос Господьным дінӧ.

Олӧм 33:20

Яков лэптіс сэтчӧ тшӧтш висьпуктанін да шыасис Израильлӧн Господь Ен дінӧ.

Олӧм 12:2

Ме сета тэсянь чужны унасьыс-уна войтырлы, бурсиа да нимӧда тэнӧ, и тэ лоан мукӧдлы бурсиӧмӧн!

Олӧм 48:16

Андел, коді мездіс менӧ быдпӧлӧс лёкысь, мед бурсиас тайӧ зонъяссӧ. На пыр мед нималас менам нимӧй, тшӧтш Ӧвраам да Исаак батьяслӧн нимъясыс. Насянь мед уна чужысь лоас му вылын.

Псалтыр 72:17

кытчӧдз ме эг пыр Енлӧн вежаинӧ и эг гӧгӧрво, мый виччысьӧ лёк вӧчысьясӧс.

Олӧм 32:28

Мӧдыс шуис: «Ӧнісянь тэнад нимыд оз ло Яков, а Израиль, ӧд тэ вермасин Енкӧд да йӧзкӧд, и вермин».

Псалтыр 65:2

Сьылӧмӧн ошкӧй Сылысь нимсӧ, кыпӧдӧй Сылы ошкӧмсӧ да нимӧдӧмсӧ.

Олӧм 32:26

Сэсся шуис Яковлы: «Лэдз Менӧ, ӧд кыа нин петӧ». Яков шуис: «Ог лэдз, кытчӧдз он бурси менӧ».

Шусьӧгъяс 30:8

вешты ме дінысь ковтӧм сёрни да пӧръясьӧм, гӧльлун да озырлун эн сет меным, тырмымӧн пӧткӧд менӧ няньӧн.

Псалтыр 51:8

Тайӧс аддзӧмысь веськыда олысьясӧс полӧм босьтас, найӧ кутасны серавны тэ вылын. Шуасны:

Иов 12:4

Но серамтуйын аслам ёртъяслы ме лои – ме, коді шыасьлі Енмыс дінӧ, и кодлы Сійӧ вочавидзліс. Менӧ, мыжтӧмӧс да веськыда олысьӧс, серамтуйӧ пуктӧны.

Ӧксыяслӧн 1 небӧг 1:17

Илий вочавидзис: «Мун лӧнь сьӧлӧмӧн. Израильлӧн Ен мед сетас тэныд, мый тэ корин Сылысь».

Олӧм 12:8

Сэтысянь Ӧврам мӧдӧдчис керӧслань, Вефильсянь асыввылӧ. Сэні сувтӧдіс ассьыс чомсӧ сідз, мый Вефиль вӧлі рытыввылын, а Гай – асыввылын. Сэсся вӧчис Господьлы висьпуктанін да шыасис Господь дінӧ.

Римӧ 12:9

Радейтӧй восьса сьӧлӧмӧн, ылыстчӧй лёксьыс да кутчысьӧй бурас.

Ап. уджъяс 3:26

Ен ловзьӧдіс Ассьыс Писӧ, Исусӧс, да мӧдӧдіс Сійӧс медводз тіян дінӧ, медым бергӧдны тіянӧс лёксьыс да бурсины тіянӧс».

Римӧ 16:19

Тіян кывзысяна олӧмныд быдӧнлы бура тӧдса. Таысь меным нимкодь. Кӧсъя, мед эськӧ ті вӧлінныд тэрыбӧсь бурыс вылӧ, но ньӧжмыдӧсь лёкыс вылӧ.

Матвей 6:13

Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.

1 Каднебӧг 16:8

– Ошкӧй Господьӧс, шыасьӧй Сы дінӧ, войтыръяс пӧвстын висьтавлӧй Сылӧн уджъясыс йылысь!

Восьтӧм 3:19

Коді муса Меным, сійӧс ме янӧда-чирышта. Сідзкӧ, сьӧлӧмсяньыд зіль бергӧдчыны мыжъяссьыд!

Ефесӧ 4:30

Энӧ шогӧдӧй Ен Вежа Лолӧс, кодӧн пасйӧма тіянӧс вештысян лун кежлӧ.

Иоан 21:17

Сэсся коймӧдысь юаліс: «Симон, Ионалӧн пи, муса-ӧ Ме тэныд?» Петыр шогӧ усис, мый Исус коймӧдысь юаліс, муса-ӧ Сійӧ, да вочавидзис: «Господьӧй, Тэ ставсӧ тӧдан. Тэ тӧдан, мый Тэ меным муса». Исус шуис сылы: «Йирсьӧд Менсьым ыжъясӧс.

Лука 19:42

шуаліс: «Тӧдін кӧ эськӧ тэ талун, мый вайӧ тэныд лӧнь олӧмсӧ! Ӧні тайӧ тупкыса тэнад синлы.

Матвей 26:75

Сэки Петырлы тӧд вылас уси Исуслӧн шуӧмыс: «Петук чукӧсттӧдз на тэ куимысь соссян Меысь». Петыр петіс да курыда бӧрддзис.

1 Каднебӧг 4:9

Аслас вокъяс дорысь Явис нималіс ёнджыка. Мамыс нимтіс сійӧс Явисӧн, ӧд шуис: «Ме сьӧкыда чужті сійӧс».

1 Каднебӧг 4:11

Келувлӧн, Шух воклӧн, чужис Мехир. Мехир вӧлі Эштонлӧн бать.

Олӧм 28:20

Яков кыв сетіс: «Лоас кӧ мекӧд [Господь] Ен да видзас менӧ туйын, сетас меным нянь да паськӧм,

Олӧм 28:21

и ме кӧ лӧнь сьӧлӧмӧн бӧр локта бать керкаӧ, сэки Господь лоас менам Енмӧн.

Олӧм 32:27

Мӧдыс юаліс: «Мый тэнад нимыд?» «Яков», – вочавидзис Яков.

Ӧксыяслӧн 1 небӧг 1:20

Анна кутіс нӧбасьны. Кад мысти сійӧ чужтіс пиӧс да пуктіс сылы Самуил ним, ӧд шуис, Господьлысь [Ен Саваофлысь] пӧ ме кори сійӧс.

Ӧксыяслӧн 1 небӧг 1:26

Анна шуис: «Ыджыдӧй, ме кыв сета тэ водзын, мый ме дзик сійӧ аньыс, коді коркӧ сулаліс тані тэ водзын да кевмысис Господьлы.

Ӧксыяслӧн 1 небӧг 1:27

Тайӧ кагасӧ ме сэки кори Господьлысь, и Господь сетіс сійӧс меным.

Псалтыр 121:7

Тэнад карса стенъяс вылын мед лоӧ лӧнь олӧм, тэнад изкарын – бур олӧм.