1 Каднебӧг 29:11 - Коми Библия 2023

¹¹ Господьӧй, Тэнад эм нималӧм, вын, дзирдлун, вермӧм да юралӧм. Ставыс, мый эм енэжас да му вылас – тайӧ Тэнад. Господьӧй, Тэ – Ӧксы, Тэ ставыс вылын Медыджыдыс.

1 Каднебӧг 29:11 Referans Kwoze

Еврейяслы 1:3

Пиыс – Енлӧн яръюгыд дзирдлуныс, Сылӧн пертасыс. Пиыс ставсӧ кутӧ Аслас вына кывнас. Аслас вирнас Сійӧ мыськаліс миянлысь мыжъяснымӧс да пуксис Медыджыдыслӧн веськыдладорӧ енэжас.

1 Тимофейлы 1:17

Помтӧг ыджыдалысь Ӧксылы, пыр олысь, тыдавтӧм, ыджыд мывкыда ӧти Енлы ошкӧм-нимӧдӧмыс нэмъяс чӧж! Аминь.

Иуда 1:25

Ыджыд мывкыда ӧти Ен мездіс миянӧс Исус Кристос Господьным пыр. Сылы ошкӧм-нимӧдӧмыс, Сылӧн выныс-ыджыдалӧмыс олӧм пуксьытӧдзыс, ӧні да нэмъяс чӧж. Аминь.

Исай 12:4

Сійӧ лунӧ ті шуанныд: «Ошкӧй Господьӧс, шыасьӧй Сы дінӧ! Юӧртӧй войтыръяслы Сылӧн уджъясыс йылысь, висьтавлӧй, кутшӧм ыджыд Сылӧн нимыс.

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!

Еремей 27:5

мый Аслам ыджыд вынӧн да нюжӧдӧм киӧн Ме вӧчи мусӧ, йӧзӧс да мувывса пемӧсъясӧс и сета найӧс кодлы кӧсъя.

Псалтыр 46:10

Войтыръяслӧн юралысьяс чукӧртчӧны Ен войтыр дінӧ, тайӧ войтырыс кесъялӧ Ӧвраамлӧн Енлы. Мувывса став веськӧдлысьыс Енмыслӧн, Сійӧ юралӧ-ыджыдалӧ на вылын.

Даниил 4:3

Ме тшӧкті вайӧдны ме дінӧ вавилонса став тӧдысьсӧ, медым найӧ гӧгӧрвоӧдісны менсьым вӧтӧс.

Восьтӧм 19:1

Та бӧрти ме кылі енэжсьыс гора шы, быттьӧ ыджыд йӧз чукӧр ызгис-сёрнитіс. Найӧ шуалісны: – Аллилуйя! Мездмӧмыс миян Господьсянь, дзирдлуныс, нималӧмыс да выныс Сылӧн.

Олӧм 1:1

Медводз Ен вӧчис енэж да му.

Псалтыр 99:1

[Давидлӧн] аттьӧалана псалом. Му вылын олысьяс, гораа нимкодясьӧмӧн ошкӧй Господьӧс!

Псалтыр 145:1

Аллилуйя! Ошкы Господьӧс, менам лолӧй!

Исай 66:1

Господь тадзи висьталӧ: – Енэжыс – Менам юралан пуклӧсӧй, муыс – Менам кок улӧй. Кутшӧм керка ті вӧчанныд Меным? Кӧні лоӧ Меным шойччаніныс?

Псалтыр 29:4

Господьӧй, Тэ петкӧдін менсьым лолӧс пыдӧстӧминысь, ловзьӧдін менӧ, и менӧ эз гуавны.

Псалтыр 21:13

Уна ӧш чукӧртчисны ме гӧгӧр, васанса тшӧгӧдӧм ӧшъяс кытшалісны менӧ.

Исай 42:5

Господь Ен вӧчис енэжсӧ да шевкнитіс сійӧс, вӧчис му да ставсӧ, мый сэні быдмӧ. Мувывса войтырлы Сійӧ сетӧ олӧм, мувывса йӧзлы – ловшы. Сійӧ тадзи висьталӧ:

Псалтыр 97:1

[Давидлӧн] псалом. Сьылӧй Господьлы выль сьыланкыв! Сійӧ вӧчис шензьӧданаторъяс. Сылӧн веськыд киыс да вежа выныс вайисны Сылы вермӧмсӧ.

Иов 37:22

Войвывсянь локтӧ зарни кодь югӧр, Енсӧ кытшалӧ повзьӧдана дзирдалӧм.

Псалтыр 104:1

Ошкӧй Господьӧс, шыасьӧй Сы дінӧ, войтыръяс пӧвстын висьтавлӧй Сылӧн уджъясыс йылысь!

Псалтыр 98:1

Господь ӧксыалӧ! Полӧй-тіралӧй Сыысь, войтыръяс! Сійӧ пукалӧ херувимъяс вылын. Мед сыркакылас муыс!

Псалтыр 97:9

Господь водзын, ӧд Сійӧ локтӧ мыждыны мусӧ. Сійӧ кутас веськыда мыждыны муюгыдсӧ, кутас мыждыны войтыръясӧс Аслас веськыдлуныс серти.

Псалтыр 57:11

Веськыда олысь кутас нимкодясьны, кор аддзас водзӧс перйӧмсӧ, сійӧ мыськалас ассьыс коксӧ лёк вӧчысьяслӧн вирӧн.

Псалтыр 57:5

Налӧн ядыс – змей яд кодь, найӧ тупкӧмаӧсь пельнысӧ, найӧ пельтӧм змей кодьӧсь.

Ӧксыяслӧн 1 небӧг 15:29

Израильлӧн эскана Енмыс оз пӧръясь да оз соссьы Аслас кывъясысь. Сійӧ абу морт, мед вежны шуӧм кывсӧ».

Псалтыр 47:9

Мый йылысь ми кывлім, сійӧс и аддзылім Господь Саваофлӧн, миян Енлӧн, карысь. Енмыс зумыдмӧдас Ассьыс карсӧ нэмъяс кежлӧ.

Неемий 9:5

Сэсся Исус, Кадмиэл, Бани, Хашавни, Шеревий, Ходий, Шеваний да Петахий левитъяс шуисны: «Сувтӧй да ошкӧй Господьӧс, ассьыныд Ентӧ, ӧні да нэмъяс чӧж! Господьӧй, мед лоӧ кыпӧдӧма Тэнсьыд ыджыд нимтӧ! Сійӧ став ошкӧмсьыс медвылын!»

Олӧм 14:22

Но Ӧврам шуис содомса ӧксылы: «Лэпта киӧс Господьлань, енэжсӧ да мусӧ вӧчысь Медвылысса Енлань, да кыв сета,

Олӧм 14:19

Ӧврамӧс бурсиӧмӧн Мелкиседек шуис: «Мед бурсиас тэнӧ Медвылысса Ен, коді вӧчис енэжсӧ да мусӧ.

Даниил 4:32

Мувывса олысьяс Сы водзын – нинӧм кодьӧсь. Енэжвыв тышкакотыръяскӧд да мувывса олысьяскӧд Сійӧ вӧчӧ, кыдзи кӧсйӧ. Некод оз вермы кутны Сылысь кисӧ да шуны: ”Мый Тэ вӧчан?”

Матвей 6:13

Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.

Даниил 4:30

Дзик пыр инісны тайӧ кывъясыс Навукодоносор олӧмын: сійӧс вӧтлісны йӧз дінысь, ӧш моз сійӧ сёйис турун, сылысь вир-яйсӧ кӧтӧдіс лысва. Сылӧн юрсиыс быдмис да лои кутшлӧн борд кодь кузь, а гыжъясыс лоины лэбачлӧн гыжъяс кодьӧсь.

1 Каднебӧг 29:10

Чукӧртчӧм йӧз водзын Давид ошкис Господьӧс: «Господьӧй, миян Израиль батьлӧн Енмӧй, мед лоӧ ошкӧма Тэнӧ нэмъяс чӧж.

2 Каднебӧг 20:6

Иосафат кевмысис: «Господьӧй, миян батьяслӧн Енмӧй! Тэ – енэжъяс вылын олысь Ен, Тэ веськӧдлан став войтыръясӧн. Тэнад киын выныс да ыджыдалӧмыс, некод оз вермы водзсасьны Тэкӧд.

Псалтыр 89:11

Коді тӧдӧ Тэнад скӧралӧмлысь вынсӧ? Коді вермӧ муртавны Тэнад ярлунысь полӧмсӧ?

Даниил 2:20

Сійӧ шуаліс: – Мед лоӧ ошкӧма Енлысь нимсӧ нэмъяс чӧж, ӧд Сылӧн эм мывкыдлуныс да выныс.

Нав Исус 3:11

Со, став му пасьтала ыджыдалысь Господьлӧн Йитӧд кудйыс вуджас Йӧрдан ю вомӧн тіян водзвылын.

Нав Исус 3:13

Став му пасьтала ыджыдалысь Господьлысь Йитӧд куд нуысь попъяс кор тувччасны Йӧрдан юӧ, сэки ваыс дугдас визувтны да сувтас стенӧн».

Псалтыр 57:6

Пельтӧм змей оз кыв нимкыв лыддьысьлысь гӧлӧс шысӧ, кимӧститчысьлысь мича кывъяссӧ.

Псалтыр 103:19

Тэ вӧчин тӧлысь, медым петкӧдлыны кадсӧ. Шонді тӧдӧ ассьыс лэччан кадсӧ.

Псалтыр 145:6

Господь вӧчис енэжсӧ да мусӧ, саридзсӧ да ставсӧ, мый сэні эм. Сылы пыр позьӧ эскыны.