1 Каднебӧг 26:32 - Коми Библия 2023

³² Сэні олісны кык сюрс сизимсё кужысь морт, найӧ вӧліны рӧдкутысьяс. Давид индіс найӧс кывкутны Енлы кесъялӧм вӧсна да ӧксылӧн юралӧм вӧсна Рувимсянь да Гадсянь чужысьяс пӧвстын да Манассейлӧн джын чужанкотырыс пӧвстын.

1 Каднебӧг 26:32 Referans Kwoze

2 Каднебӧг 19:11

Амарей аркирей мед кывкутас Господьлы кесъялӧм вӧсна, а Измаиллӧн Зевадай пиыс, Иуда чужанкотырлӧн юралысь, мед кывкутас ӧксылы кесъялӧм вӧсна. Левитъяс мед отсасясны тіянлы. Лоӧй зумыдӧсь, кутчысьӧй уджӧ! Господь мед лоас бурсӧ вӧчыськӧд!»

1 Каднебӧг 24:31

Найӧ тшӧтш пудъясисны, кыдзи пудъясисны Ааронлӧн рӧдысь налӧн вокъясныс. Аарон рӧдысь вокъясныс моз найӧ пудъясисны Давид, Садок да Ахимелек дырйи, тшӧтш попъяслӧн да левитъяслӧн рӧдкутысьяс дырйи. Рӧдкутысьяс йылысь да налӧн ичӧтджык вокъясныс йылысь пудъясисны ӧтмоза.

1 Каднебӧг 23:24

Тайӧ вӧліны Левийсянь чужысьяс, кодъясӧс лыддьӧдлӧма нимъяснаныс асланыс рӧдныс да рӧдкутысьныс серти. Найӧ кесъялісны Господьлӧн крамын кызь арӧссянь.

1 Каднебӧг 15:12

Налы шуис: «Ті, левитъяслӧн рӧдкутысьяс, вежӧдӧй-сӧстӧммӧдӧй асьнытӧ да вокъяснытӧ, сэсся вайӧй Израильлӧн Господь Енлысь кудсӧ сійӧ местаас, мый ме дасьті сылы.

1 Каднебӧг 12:37

Йӧрдан ю сайысь, Рувимсянь да Гадсянь чужысьяс пӧвстысь да Манассейлӧн джын чужанкотырысь вӧліны сё кызь сюрс тышкаморт, аскӧдныс налӧн вӧлі быдпӧлӧс тышкасянторйыс.

1 Каднебӧг 27:1

Тані лыддьӧдлӧма Израиль войтырлысь рӧдкутысьяссӧ, тышкайӧзлысь юралысь-веськӧдлысьяссӧ да ӧксылы кесъялысь чина йӧзӧс, кодъяс кывкутісны тышкакотыръяс вӧсна. Быд тышкакотыр кесъяліс ӧти тӧлысь чӧж. Быд котырын вӧлі кызь нёль сюрс морт.

Нав Исус 1:12

Рувим да Гад чужанкотыръяслы да Манассейлӧн джын чужанкотырлы Исус шуис: