1 Каднебӧг 24:6 - Коми Библия 2023

⁶ Гижалысь Шемай, Нафанаиллӧн пиыс, коді тшӧтш вӧлі левит, гижаліс налысь нимъяссӧ ӧксы да юралысьяс дырйи, Садок поп дырйи да Авиатарлӧн Ахимелек пиыс дырйи, попъяслӧн да левитъяслӧн рӧдкутысьяс дырйи. Пудъясьӧмӧн индылісны сьӧрсьӧн-бӧрсьӧн Элазар рӧдысь ӧти котыр, сэсся Итамар рӧдысь ӧти котыр, и тадзи водзӧ.

1 Каднебӧг 24:6 Referans Kwoze

1 Каднебӧг 18:16

Ахитувлӧн Садок пиыс да Авиатарлӧн Ахимелек пиыс вӧліны попъясӧн, Шавшай вӧлі гижалысьӧн.

Матвей 13:52

Исус шуис налы: «Индӧдӧ велӧдысь, коді тӧдӧ Енэжвыв Юралӧмсӧ, керка кутысь кодь, коді аслас видзанінысь выльсӧ и важсӧ петкӧдӧ».

Матвей 8:19

Индӧдӧ велӧдысьясысь ӧти матыстчис Сы дінӧ да шуис: «Велӧдысьӧй, ме быдлаӧ Тэ бӧрся муна».

Неемий 8:1

Сизимӧд тӧлысьнас, кор Израиль войтыр оліс нин аслас каръясын, ставныс ӧтитӧг чукӧртчисны Ва дзиръялы паныда изэрд вылӧ. Индӧдӧ велӧдысь Ездраӧс корисны вайны Мӧисейлысь Индӧд, мый Господь сетіс Израиль войтырлы.

Ездра 7:6

Ездра локтіс Вавилонысь. Сійӧ вӧлі велӧдчӧм морт, бура тӧдіс Мӧисейлысь Индӧдсӧ, мый вӧлі сетӧма Господь, Израильлӧн Ен. Ӧксы сетіс Ездралы ставсӧ, мый сійӧ корис, ӧд Ездракӧд вӧлі Господь, сылӧн Енмыс.

2 Каднебӧг 34:13

видзӧдісны из новлысьяс да мукӧд уджалысьяс бӧрся. Левитъяс пӧвстысь вӧліны тшӧтш гижалысьяс, чина йӧз да дзиръя видзысьяс.

1 Каднебӧг 23:24

Тайӧ вӧліны Левийсянь чужысьяс, кодъясӧс лыддьӧдлӧма нимъяснаныс асланыс рӧдныс да рӧдкутысьныс серти. Найӧ кесъялісны Господьлӧн крамын кызь арӧссянь.

Ӧксыяслӧн 3 небӧг 4:3

Шишлӧн Элихореп да Ахий пияныс вӧліны гижалысьяс, Ахилудлӧн Иосафат пиыс вӧлі вӧвлӧмторъяс пасъялысь,

Марк 2:26

Авиатар аркирей дырйи сійӧ пырис Ен керкаӧ, сёйис вежа нянь да сетіс тшӧтш аслас йӧзлы. Тайӧ няньсӧ сӧмын попъяслы позис сёйны».

1 Каднебӧг 24:7

Медводдза пудйыс уси Ехояривлы, мӧдыс – Едайлы,

1 Каднебӧг 24:31

Найӧ тшӧтш пудъясисны, кыдзи пудъясисны Ааронлӧн рӧдысь налӧн вокъясныс. Аарон рӧдысь вокъясныс моз найӧ пудъясисны Давид, Садок да Ахимелек дырйи, тшӧтш попъяслӧн да левитъяслӧн рӧдкутысьяс дырйи. Рӧдкутысьяс йылысь да налӧн ичӧтджык вокъясныс йылысь пудъясисны ӧтмоза.