1 Каднебӧг 22:9 - Коми Библия 2023

⁹ Но тэнад чужас пи, сійӧ лоас лӧня олысь морт. Ме доръя сійӧс став кытшалысь вӧрӧгысь. Сылӧн нимыс лоӧ Соломон, сылӧн веськӧдлан кадӧ Ме сета Израильлы лӧнь олӧм да шойччӧг.

1 Каднебӧг 22:9 Referans Kwoze

Ӧксыяслӧн 3 небӧг 4:25

Соломонлӧн ӧксыалӧм дырйи Иуда да Израиль войтыр войвыв Дансянь лунвыв Бер-Шеваӧдз повтӧг олісны. Быдӧн вермис пукавны аслас виноград йӧрын, аслас инжир пу улын.

Ӧксыяслӧн 3 небӧг 5:4

Ӧні Господь, менам Енмӧй, сетіс меным быдласянь лӧньлун: паныд сувтысьяс абуӧсь, миян вылӧ некод оз усьлась.

Ӧксыяслӧн 3 небӧг 4:20

Иуда да Израиль войтырлӧн лыдыс вӧлі саридздор лыа мында. Найӧ сёйисны-юисны да олісны нимкодясьӧмӧн.

Аггей 2:9

Тайӧ крамыслӧн дзирдлуныс лоӧ воддза дорсьыс на мичаджык, – висьталӧ Господь Саваоф. – Тані Ме сета лӧньлун да бур олӧм, – висьталӧ Господь Саваоф».

Исай 66:12

Господь тадзи висьталӧ: – Юӧс моз Ме веськӧда Ерусалимлы бур олӧмсӧ, мӧдӧда сылы войтыръяслысь озырлунсӧ ойдӧм ва моз. Сійӧ вердас тіянӧс пӧттӧдзныд, пондас новлӧдлыны ки вылас, лелькуйтны пидзӧс вылас.

Исай 57:19

Ме кӧсйыся сетны лӧнь олӧм ылыссалы, лӧнь олӧм матыссалы, – висьталӧ Господь, – Ме бурдӧда найӧс.

Исай 45:7

Ме вӧча югыдсӧ и пемыдсӧ, Ме мӧдӧда бурсӧ и лёксӧ. Ме, Господь, вӧча ставсӧ тайӧс.

Исай 26:12

Господьӧй, Тэ сетан миянлы лӧньлун, ӧд Тэсянь ставыс, мый ми вӧчам да шедӧдам.

Псалтыр 72:7

Тшӧгнысла налӧн синныс бердӧма, налӧн мӧвпъясныс жуӧны-бергалӧны.

Иов 34:29

Енмыс кӧ чӧв ланьтас, коді вермас мыжавны Сійӧс? Енмыс кӧ вевттяс чужӧмбансӧ, коді вермас аддзыны Сійӧс? Сійӧ ыджыдалӧ войтыр вылын и торъя морт вылын,

1 Каднебӧг 17:11

Кор помасясны тэнад олан лунъясыд, и тэ вуджан аслад батьяс дінӧ, сэки Ме пукта ӧксыӧ тэсянь чужысьӧс да зумыдмӧда сылысь юралӧмсӧ.

Ёрдысьяс 6:24

Гедеон вӧчис сэні Господьлы висьпуктанін да нимтіс сійӧс ”Яхве-шалом”. Висьпуктаніныс ӧнӧдз сулалӧ Офраын, Авиэзер рӧдлӧн му вылас.

Ӧксыяслӧн 3 небӧг 1:13

Мун Давид ӧксы дінӧ да шу сылы: ”Ӧксыӧй-ыджыдӧй, тэ кыв сетлін меным, аслад кесйӧглы, мый менам Соломон пиӧй лоӧ ӧксыӧн тэ бӧрти да пуксяс тэнад юралан пуклӧсӧ. Мыйла нӧ Адоний лои ӧксынас?”

Ӧксыяслӧн 3 небӧг 2:15

Адоний шуис: «Тэ ӧд тӧдан, мый юралӧмыс вӧлі менам киын, Израиль войтыр весиг сибӧдіс менӧ ӧксыӧс моз. Но ӧксыӧ ме пыдди пуксис менам вокӧй, ӧд тадзи вӧлі шуӧма Господь.

Ӧксыяслӧн 3 небӧг 3:7

Господьӧй, менам Енмӧй, Тэ ӧксыӧ пуктін менӧ, Ассьыд кесйӧгтӧ, Давид батьӧй бӧрти. Но ме том на, веськӧдлынысӧ ог куж.

Ӧксыяслӧн 3 небӧг 4:24

Соломон кипод улын вӧліны Ефрат ю таладор муяс – Типсахсянь Газаӧдз. Соломон ыджыдаліс сэтчӧс ӧксыяс вылын. Быдлаын, кӧні сійӧ ыджыдаліс, войтыръяс олісны лӧня.

1 Каднебӧг 22:18

Давид шуис: «Господь, тіян Енныд, тіянкӧд. Сійӧ быдлаын сетіс тіянлы лӧнь олӧм. Сійӧ сетіс менам кипод улӧ тайӧ муас олысьясӧс, и тайӧ муас юралӧ Господь да Сылӧн войтырыс.

2 Каднебӧг 6:15

Тэ кутін Ассьыд кывтӧ, мый шулін Аслад Давид кесйӧглы, менам батьлы. Ӧні Тэ збыльмӧдін сійӧс, мый шулін Аслад вомӧн.

Ӧксыяслӧн 3 небӧг 8:56

«Ошкӧм Господь Енлы, коді сетіс Аслас Израиль войтырлы лӧнь олӧм, кыдзи и кӧсйысис. Сійӧ збыльмӧдіс став бур кӧсйысьӧмсӧ, мый шуліс Аслас Мӧисей кесйӧг пыр.

Псалтыр 72:1

Асафлӧн псалом. Енмыс сэтшӧм бур Израиль войтыр дінӧ, сӧстӧм сьӧлӧмаяс дінӧ!