1 Каднебӧг 22:5 - Коми Библия 2023

⁵ Давид шуис: «Менам Соломон пиӧй том на, сылӧн абу на сямлуныс, а крамыс, мый колӧ вӧчны Господьлы, мед лоӧ медся мичаӧн, ошканаӧн да нималанаӧн став му пасьталаыс. Та вӧсна ме ставсӧ дасьта крам вӧчӧм вылӧ». Аслас кувтӧдз Давид унатор дасьтіс крам вӧчӧм вылӧ.

1 Каднебӧг 22:5 Referans Kwoze

1 Каднебӧг 29:1

Чукӧртчӧм йӧзлы Давид ӧксы шуис: «Енмыс бӧрйис сӧмын ӧтнассӧ менсьым Соломон пиӧс. Сійӧ том на, оз на куж ставсӧ вӧчны. Сійӧс виччысьӧ ыджыд удж, ӧд тайӧ керкасӧ лоӧ вӧчӧма Господь Енлы, а оз мортлы.

Ӧксыяслӧн 3 небӧг 3:7

Господьӧй, менам Енмӧй, Тэ ӧксыӧ пуктін менӧ, Ассьыд кесйӧгтӧ, Давид батьӧй бӧрти. Но ме том на, веськӧдлынысӧ ог куж.

Иоан 13:1

Тайӧ вӧлі Ыджыд лун водзвылын. Исус тӧдіс нин, мый Сылы воис кад мунны тайӧ муюгыдсьыс Батьыс дінӧ. Исуслы вӧлі мусаӧсь найӧ, кодъяс эскисны Сылы, Сійӧ помӧдзыс петкӧдліс на дінӧ Ассьыс муслунсӧ.

Иоан 3:30

Кристослы колӧ быдмыны, а меным ичӧтмыны».

Иоан 9:4

Ӧні, лунъюгыднас, Меным колӧ вӧчны Менӧ Мӧдӧдысьлысь уджъяссӧ. Пуксяс вой, сэки некод оз вермы уджавны.

Лука 21:5

Ӧткымынӧн сёрнитісны мича изъясӧн да донаторъясӧн мичмӧдӧм крам йылысь. Исус шуис:

Аггей 2:9

Тайӧ крамыслӧн дзирдлуныс лоӧ воддза дорсьыс на мичаджык, – висьталӧ Господь Саваоф. – Тані Ме сета лӧньлун да бур олӧм, – висьталӧ Господь Саваоф».

Аггей 2:3

– Коді тіян пӧвстысь аддзыліс воддза крамлысь мичлунсӧ? Кутшӧмӧн ті ӧні аддзанныд сійӧс? Абу-ӧ сійӧ тіян син водзын нинӧм кодь?

Езекиль 7:20

Эзысь да зарни мичмӧдчанторъясӧн найӧ ошйысисны, эзысь-зарниысь зывӧк бӧлбанъяс вӧчисны. Та вӧсна налысь донаторнысӧ Ме пежӧ бергӧда,

Исай 64:11

Ставнас сотісны миянлысь вежа да дзирдлуна крамнымӧс, кӧні миян батьясным ошкисны Тэнӧ. Ставнас пазӧдісны миянлысь мича оланіннымӧс.

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Ездра 3:12

Олӧма попъяс, левитъяс да рӧдкутысьяс пиысь унаӧн, кодъяс аддзылісны воддза крамсӧ, выль крамлӧн подув вылӧ видзӧдӧмӧн сыркъялӧмӧн бӧрдісны, а мукӧдыс нимкодьнысла гораа горзісны.

2 Каднебӧг 13:7

Еровам дінӧ чукӧртчисны мывкыдтӧм да шогмытӧм йӧз да кыпӧдчисны Соломонлӧн Ровоам пилы паныд. Ровоам вӧлі том на, сійӧ унатор эз куж да эз вермы водзсасьны налы паныд.

2 Каднебӧг 7:21

Тайӧ ыджыд крам дінті мунысь весьӧпӧрӧмӧн юалас: ”Мый вӧсна нӧ Господь тадзи вӧчис тайӧ муыскӧд да тайӧ крамыскӧд?”

2 Каднебӧг 2:5

Крамыс, мый ме кыпӧда, лоӧ ыджыд, ӧд миян Енным став енсьыс ыджыд.

Ӧксыяслӧн 3 небӧг 9:8

Тайӧ ыджыд крам дінті мунысь весьӧпӧрӧмӧн да шутёвтӧмӧн юалас: ”Мый вӧсна нӧ Господь тадзи вӧчис тайӧ муыскӧд да тайӧ крамыскӧд?”

Шусьӧгъяс 4:3

Менӧ, ӧтка пиӧс, мамӧй видзис, батьӧй менӧ

2 Каднебӧг 2:4

Ӧні ме кыпӧда аслам Господь Енлы крам. Ме вежӧда-торйӧда сійӧс Господьлы, медым тшынӧдны Господь водзын чӧскыд ӧвтанторъяс, медым вайны крамӧ вежа нянь, медым рытын и асылын, шойччан лунӧ и выль тӧлысь чужигӧн да миян Господь Енлы сиӧм гажӧдчан лунъясӧ вайны сотан висьяс, кыдзи пыр кежлӧ тшӧктӧма вӧчны Израильлы.

2 Каднебӧг 2:8

Нӧшта мӧдӧд меным Ливанысь сус пу, кипарис да гӧрд пу. Ме тӧда, тэнад кесйӧгъясыд бура кужӧны пӧрӧдны ливанса вӧр. Менам кесйӧгъясӧй кутасны ӧтвылысь уджавны накӧд,