1 Каднебӧг 22:2 - Коми Библия 2023

² Давид тшӧктіс чукӧртны ставнысӧ, кодъяс локтісны йӧз муысь да овмӧдчисны Израиль муӧ. Сійӧ пуктіс найӧс керавны-перйыны изъяс Енлысь крамсӧ лэптӧм вылӧ.

1 Каднебӧг 22:2 Referans Kwoze

2 Каднебӧг 2:17

Соломон тшӧктіс артавны мукӧд войтыръяс пӧвстысь Израиль муӧ овмӧдчӧм йӧзӧс. Водзынджык тадзи тшӧтш вӧчліс сылӧн Давид батьыс. Тайӧ йӧзыслӧн лыдыс вӧлі сё ветымын куим сюрс квайтсё морт.

Ефесӧ 2:12

Сэки ті олінныд Кристостӧг, энӧ вӧлӧй Израиль войтырӧн. Енма-тіа костын йитӧдыс эз вӧв, тіянлы эз вичмыв Сылӧн кӧсйысьӧмыс, ті олінныд тайӧ муюгыдас Енсӧ тӧдтӧг да лачатӧг.

Ездра 3:7

Изйысь да пуысь вӧчасьысьяслы израильсаяс сетісны сьӧм, а сёян-юан да вый сетісны сидонса да тирса йӧзлы, медым найӧ саридзті вайисны Иоппия карӧ Ливанысь сус пуяс. Персияса Кир ӧксы лэдзис вӧчны тайӧс.

1 Каднебӧг 14:1

Тирса Хирам ӧксы мӧдӧдіс аслас йӧзкӧд Давидлы сус пуяс, тшӧтш изйысь вӧчасьысьясӧс да тшупсьысьясӧс, медым лэптыны Давидлы ыджыд керка.

Ӧксыяслӧн 4 небӧг 22:6

тшупсьысьяслы, керка лэптысьяслы да стен кыпӧдысьяслы. Нӧшта тайӧ сьӧм вылас крам дзоньталӧм могысь мед ньӧбасны из да кер.

Ӧксыяслӧн 4 небӧг 12:12

стен кыпӧдысьяслы да из кералысьяслы. Нӧшта тайӧ сьӧм вылас ньӧблісны кер, из да мукӧдторсӧ, мый колӧ вӧлі Господьлысь крамсӧ дзоньталӧм вылӧ.

Ӧксыяслӧн 3 небӧг 6:7

Крамсӧ вӧчисны водзвыв лӧсалӧм-шыльӧдӧм изъясысь. Крам лэптігӧн эз кыв кӧрт нӧш ни чер шы.

Ӧксыяслӧн 2 небӧг 5:11

Тирса Хирам ӧксы мӧдӧдіс аслас йӧзкӧд Давидлы сус пуяс, тшӧтш тшупсьысьясӧс да изйысь вӧчасьысьясӧс. Найӧ лэптісны Давидлы ыджыд керка.

1 Каднебӧг 29:1

Чукӧртчӧм йӧзлы Давид ӧксы шуис: «Енмыс бӧрйис сӧмын ӧтнассӧ менсьым Соломон пиӧс. Сійӧ том на, оз на куж ставсӧ вӧчны. Сійӧс виччысьӧ ыджыд удж, ӧд тайӧ керкасӧ лоӧ вӧчӧма Господь Енлы, а оз мортлы.

2 Каднебӧг 2:16

А ми кутам Ливанын пӧрӧдны вӧр, мыйта тэныд колӧ, а сэсся пуръясӧн кылӧдам саридз кузя Иоппияӧдз. Сэсянь тэ нуан найӧс Ерусалимӧ».