1 Каднебӧг 21:27 - Коми Библия 2023

²⁷ Господьлӧн тшӧктӧм серти андел бӧр сюйис шыпуртсӧ пуртӧсас.

1 Каднебӧг 21:27 Referans Kwoze

Еврейяслы 1:14

Анделъяс – кесъялысь ловъяс. Енмыс мӧдӧдӧ анделъясӧс кесъявны налы, кодъяслы вичмӧ мездмӧмыс.

Иоан 18:11

Исус шуис Петырлы: «Бӧр сюй шыпурттӧ пуртӧсас. Тайӧ чашаыс Меным Батьсянь. Ме ӧмӧй ог ю сійӧс?»

Матвей 26:52

Исус шуис сылы: «Бӧр сюй шыпурттӧ. Шыпурт босьтысь шыпурт помысь кулас.

Езекиль 21:30

Бӧр сюй шыпурттӧ пуртӧсас! Ме кута мыждыны тэнӧ сэні, кӧні тэ чужин, кытысь тэ петін.

Еремей 47:6

– Господьлӧн шыпуртыс, кор нин тэ ӧвсян? Бӧр бергӧдчы пуртӧсад, лӧнь да шойччы.

Псалтыр 103:20

Тэ мӧдӧдан пемыдсӧ, пуксьӧ вой, и зверъяс петӧны кынӧмпӧт корсьны.

1 Каднебӧг 21:20

Орнан аслас нёльнан пиыскӧд вӧлі вартӧ-изӧ шобдісӧ гумла вылын. Орнан бергӧдчис да аддзис анделӧс. Орнанлӧн пияныс дзебсисны.

1 Каднебӧг 21:12

Лоас-ӧ куим во чӧж тшыгъялӧм? Кутан-ӧ тэ куим тӧлысь чӧж пышъявны вӧрӧгъясысь, кодъяс шыпуртӧн пондасны вӧтлысьны тэ бӧрся? Либӧ кутас-ӧ куим лун чӧж тэнад муын ыджыдавны пӧрӧс висьӧм – Господьлӧн шыпуртыс дойдас Израиль войтырӧс, кор Господьлӧн анделыс кутас бырӧдны найӧс Израиль му пасьтала?” Мӧвпышт да шу меным, мый висьтавны менӧ Мӧдӧдысьлы».

Ӧксыяслӧн 2 небӧг 24:16

Кор [Енлӧн] андел нюжӧдіс кисӧ Ерусалим вылӧ, медым бырӧдны сійӧс, Господь вежис кывсӧ. Сійӧ шуис войтырӧс бырӧдысь анделлы: «Тырмас. Вешты китӧ». Господьлӧн анделыс сэки сулаліс евусса Орнанлӧн гумла дорын.

1 Каднебӧг 21:26

Сэсся гумла вылас вӧчис Господьлы висьпуктанін да сы вылын вайис сотан да бурасян висьяс. Давид шыасис Господь дінӧ, и Господь вочавидзис сылы да висьпуктанін вылӧ ыстіс енэжсянь би.

1 Каднебӧг 21:28

Кор Давид аддзис, мый евусса Орнанлӧн гумла вылын Господь кыліс сійӧс, водзӧ сэні кутіс вайны Господьлы вись.