1 Каднебӧг 21:26 - Коми Библия 2023

²⁶ Сэсся гумла вылас вӧчис Господьлы висьпуктанін да сы вылын вайис сотан да бурасян висьяс. Давид шыасис Господь дінӧ, и Господь вочавидзис сылы да висьпуктанін вылӧ ыстіс енэжсянь би.

1 Каднебӧг 21:26 Referans Kwoze

Левит 9:24

Господьсянь петіс би да сотіс висьпуктанін вылысь сотан висьсӧ да госсӧ. Тайӧс аддзӧм бӧрын войтырыс нимкодьысла горӧдіс да кымынь уськӧдчис муӧ.

Ёрдысьяс 6:21

Господьлӧн андел нюжӧдіс бедьсӧ, мый вӧлі киас, да бедь йывнас инмӧдчис яйӧ да шомтӧм няньӧ. Сэки изйысь ыпнитіс би да ньылыштіс яйсӧ няньыскӧд. Та бӧрын Господьлӧн андел муніс Гедеон дінысь.

Шусьӧгъяс 15:8

Лёк вӧчысьлӧн вайӧм висьыс Господьлы зывӧк, веськыда олысьлӧн кевмысьӧмыс Сылы шогмана.

Ӧксыяслӧн 3 небӧг 18:38

Сэки вылысянь сяркнитіс Господьлӧн биыс да ньылыштіс сотан висьсӧ, пессӧ, изъяссӧ, висьпуктанін дорысь мусӧ да кодйӧм гуранысь васӧ.

Еремей 33:3

Шыась Ме дінӧ, и Ме вочавидза тэныд, юӧрта тэныд ыджыдторъяс йылысь, мый тэ он на тӧд да он гӧгӧрво.

Исай 65:24

Найӧ оз на удитны шыасьны Ме дінӧ, а Ме налы вочавидза нин. Найӧ пондасны на висьтавны, а Ме найӧс кыла нин.

Псалтыр 91:15

Весиг пӧрысь кадӧ веськыда олысьяс вайӧны вотӧс, лоӧны чӧскыдӧсь да вежӧсь,

2 Каднебӧг 7:1

Кор Соломон помаліс кевмысьӧмсӧ, енэжсяньыс лэччис би да ньылыштіс сотан да мукӧд висьяс, и Господьлӧн дзирдлуныс тыртіс крамсӧ.

2 Каднебӧг 3:1

Соломон пондіс лэптыны Господьлы крам Ерусалимын, Мориа керӧс вылын, мый вӧлі индӧма сылӧн Давид батьлы. Давид водзвыв дасьтіс унатор, медым евусса Орнанлӧн гумла вылын сэсся лэптісны крам.

Ӧксыяслӧн 3 небӧг 18:24

Вааллӧн пророкъяслы Илля шуис: «Ті шыасьӧй асланыд ен дінӧ, а ме шыася Господь [аслам Ен] дінӧ. Сійӧ енмыс, коді ыстас бисӧ, эм збыль Ен». Став войтырыс вочавидзис: «Бур. [Мед лоӧ тадз.]»

Ёрдысьяс 13:20

висьпуктанінсянь ыпнитысь би пытшкас Господьлӧн андел кыпӧдчис енэжлань. Тайӧс аддзӧмысь Маной да сылӧн гӧтырыс кымынь уськӧдчисны муӧ.

1 Каднебӧг 21:27

Господьлӧн тшӧктӧм серти андел бӧр сюйис шыпуртсӧ пуртӧсас.

Лыд 16:50

Кор бырӧдӧмыс помасис, Аарон бӧр локтіс Мӧисей дінӧ вежа чом пыранін дорӧ.