1 Каднебӧг 21:12 - Коми Библия 2023

¹² Лоас-ӧ куим во чӧж тшыгъялӧм? Кутан-ӧ тэ куим тӧлысь чӧж пышъявны вӧрӧгъясысь, кодъяс шыпуртӧн пондасны вӧтлысьны тэ бӧрся? Либӧ кутас-ӧ куим лун чӧж тэнад муын ыджыдавны пӧрӧс висьӧм – Господьлӧн шыпуртыс дойдас Израиль войтырӧс, кор Господьлӧн анделыс кутас бырӧдны найӧс Израиль му пасьтала?” Мӧвпышт да шу меным, мый висьтавны менӧ Мӧдӧдысьлы».

1 Каднебӧг 21:12 Referans Kwoze

Ап. уджъяс 12:23

Сэки Господьлӧн андел чорыда дойдіс Ирӧдӧс, ӧд Енлы пыдди сійӧ аслыс босьтіс ошкӧмсӧ. Сійӧс ловъявывсьыс сёйисны номыръяс.

Лука 4:25

Збыльысь висьтала тіянлы: Илля пророк дырйи куим во да джын зэр тусь эз усьлы енэжсьыс, та вӧсна унаӧн тшыгъялісны му пасьталаыс. Сэки уна дӧва вӧлі Израильын.

Бӧрданкыв 4:9

Шыпурт помысь кулысьяс тшыглы кулысьяс дорысь шудаджыкӧсь, ӧд тшыгъялысь лунысь-лун омӧльтчӧ, нянь абутӧмысла кулӧ.

Еремей 47:6

– Господьлӧн шыпуртыс, кор нин тэ ӧвсян? Бӧр бергӧдчы пуртӧсад, лӧнь да шойччы.

Еремей 42:16

сідзкӧ, шыпурт, мыйысь ті поланныд, да тшыглун, мыйысь тіянӧс полӧм босьтӧ, суасны тіянӧс Египет муын, и сэні ті куланныд.

Еремей 12:12

Овтӧминса керӧсъяс вывті локтісны бырӧдысьяс. Господьлӧн шыпуртыс бырӧдӧ мусӧ помсяньыс помӧдзыс, некод оз мездмы сыысь.

Исай 66:16

Став ловъя олысьсӧ Господь мыждас биӧн, быд мортӧс – Аслас шыпуртӧн, и унаӧс лоӧ бырӧдӧма Господьлӧн ки помысь.

Псалтыр 91:6

Господьӧй, кутшӧм ыджыдӧсь Тэнад уджъясыд, кутшӧм мывкыдаӧсь Тэнад мӧвпъясыд!

Ӧксыяслӧн 4 небӧг 19:35

Сійӧ войнас локтіс Господьлӧн анделыс да ассурса тышкайӧзлӧн чукӧртчанінын виис сё кӧкъямысдас вит сюрс мортӧс. Асывнас ловйӧн кольӧм ассурсаяс садьмисны да аддзисны, мый гӧгӧр туплясьӧны шойяс.

Ӧксыяслӧн 4 небӧг 8:1

Елисей шуис аньлы, кодлысь писӧ сійӧ ловзьӧдіс: «Мун гортсаясыдкӧд Израиль муысь мӧдлаӧ, ӧд Господь ыстас тайӧ муас тшыгъялӧм сизим во кежлӧ».

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ӧксыяслӧн 2 небӧг 21:1

Давидлӧн ӧксыалан кадӧ куим во чӧж вӧлі тшыгъялӧм. Давид сэки шыасис Господь дінӧ. Господь шуис: «Тайӧ лои Саул да сылӧн рӧдвуж понда. Найӧ мыжаӧсь Гаваонын олысьяслысь вирсӧ кисьтӧмысь, ӧд найӧс Саул виис».

Индӧд 28:35

Орзьӧм мыльяс петаласны пидзӧс да кокчӧр выланыд, юр пыдӧссяньныд кок чунь йылӧдзныд ті мылльӧссянныд. Татшӧм висьӧмӧн Господь дойдас тіянӧс, и ті онӧ бурдӧй.

Индӧд 28:27

Египетсаяс вылӧ моз Господь мӧдӧдас тіян вылӧ орзьӧм мыльяс, пыкӧс, лӧмӧссьӧм да лудӧм, и наысь ті онӧ бурдӧй.

Индӧд 28:25

Господь сетас вӧрӧгныдлы вермыны тіянӧс. Налы паныд ті мунанныд ӧти туйӧд, а пышъянныд наысь сизимлаӧд. Став войтыръяс повзясны сыысь, мый лоӧ тіянкӧд.

Индӧд 28:22

Господь мӧдӧдас тіян вылӧ вир-яй косьмӧм, биа висьӧм да кынтан висьӧм. Сійӧ мӧдӧдас кос жар, сотысь тӧвруӧн да висьӧмӧн бырӧдас тіян видз-му вылысь няньнытӧ. Став тайӧ шогыс суас тіянӧс, кытчӧдз онӧ кулӧй-бырӧй.

Индӧд 28:15

«Став тайӧ ёрӧмыс локтас тіян вылӧ, онӧ кӧ кутӧй кывзысьны Господьлысь, асланыд Енлысь, да овны Сылӧн став индӧд-тшӧктӧмыс серти, мый талун висьтала тіянлы.

Левит 26:17

Ме тіянлы паныд сувта. Вӧрӧгныд вермас тіянӧс, мустӧмтысьныд кутас ыджыдавны тіян вылын. Ті котӧрӧн пышъянныд, кӧть вӧтӧдысьыс оз ло.

Левит 26:10

Колян вося сёянныд оз быр, сійӧс весиг ковмас шыблавны.

Петӧм 12:23

Господь мунас Египет муӧд да виалас египетсаясӧс, но кор ӧдзӧс куричьясысь аддзас вир, Сійӧ мунас бокиті – оз лэдз бырӧдысьлы пырны тіян керкаясӧ да вины тіянӧс.

1 Каднебӧг 21:11

Гад локтіс Давид дінӧ да шуис: «Господь тадзи висьталӧ: ”Бӧрйы.