1 Каднебӧг 21:1 - Коми Библия 2023

¹ Сӧтана кыпӧдчис Израильлы паныд да ыззьӧдіс Давидӧс артавны Израиль войтырлысь лыдсӧ.

1 Каднебӧг 21:1 Referans Kwoze

Закар 3:1

Сэсся Господь петкӧдліс меным Исус нима аркирейӧс, коді сулаліс Господьлӧн андел водзын. Исуслӧн веськыдладорын сулаліс сӧтана да мыжаліс сійӧс.

Иов 2:1

Енлӧн пиян бара локтісны да сувтісны Господь водзӧ. Накӧд тшӧтш локтіс сӧтана да сувтіс Господь водзӧ.

Восьтӧм 12:10

Сэки ме кылі енэжсянь гора шы: – Ӧні воис мездмӧмыс, выныс, миян Енлӧн юралӧмыс да Сылӧн Мавтыштӧмалӧн ыджыдалӧмыс. Ӧд енэжсьыс шыбитӧма мыжалысьӧс, коді лун и вой мыжаліс вокъяснымӧс миян Ен водзын.

Еврейяслы 10:24

Кутам тӧждысьны ӧта-мӧдным вӧсна, ышӧдны ӧта-мӧдӧс муслун да бур уджъяс вылӧ.

Ап. уджъяс 5:3

Петыр шуис сылы: «Ананий, мыйла тэ лэдзин сӧтанаыслы ыджыдавны сьӧлӧмад? Вузалӧм муыдлысь донсӧ дзебӧмнад тэ пӧръялін Вежа Лолӧс.

Иоан 13:2

Рытнас найӧ чукӧртчисны сёйны. Омӧльыс вӧлі ышӧдӧма нин Иудаӧс, Симон-Искариотлысь писӧ, вузавны Исусӧс.

Лука 22:31

Господь шуис: «Кылан, Симон! Сӧтана корис шердйыны тіянӧс шобдіӧс моз.

Лука 11:53

Исуслӧн сёрнитігӧн Индӧдӧ велӧдысьяс да фарисейяс тыртісны Сійӧс юалӧмъясӧн.

Матвей 4:3

Сэки Сы дінӧ локтіс ыштӧдысь да шуис: «Тэ кӧ Ен Пи, пӧрт тайӧ изъяссӧ няньӧ».

Яков 1:13

Ыштӧдӧм дырйи некод мед оз шу: «Енмыс менӧ ыштӧдӧ». Лёк вылас ӧд Енсӧ некод оз вермы ыштӧдны, и Ачыс Енмыс некодӧс оз ыштӧд.

1 Каднебӧг 20:8

Давид да сылӧн йӧзыс виисны Рефай рӧдысь тайӧ гефсаяссӧ.

1 Каднебӧг 27:24

Саруялӧн Йоав пиыс пондыліс артавны Израиль войтырлысь лыдсӧ, но эз вермы помавны, ӧд Израиль войтырӧс суис Енлӧн скӧрлуныс. Та вӧсна Давид ӧксылӧн небӧгӧ абу вӧлі гижӧма войтырлысь лыдсӧ.

Петӧм 30:12

«Израиль пиянлысь лыдсӧ арталігад мед быдӧн ас пондаыс вештысяс Господьлы. Сэки найӧс оз ло бырӧдӧма арталӧм вӧсна.

1 Каднебӧг 7:40

Ставныс найӧ – Асирсянь чужысьяс. Найӧ вӧліны рӧдкутысьяс, вына тышкасьысьяс, веськӧдлысьяслӧн юралысьяс. Чужанвуж гижӧд серти Асир чужанкотырын вӧлі кызь квайт сюрс тышкаморт.