1 Каднебӧг 17:7 - Коми Библия 2023

⁷ Висьтав Менам Давид кесйӧглы, мый шуӧ Господь Саваоф. Ме босьті тэнӧ ыж йирсянінысь, кӧні тэ видзин ыжъясӧс, да пукті ӧксыӧ Аслам Израиль войтырлы.

1 Каднебӧг 17:7 Referans Kwoze

Ӧксыяслӧн 2 небӧг 6:21

Давид шуис Мелколалы: «Господь водзын ме йӧкті [и кута йӧктыны. Ошкӧм Господьлы]. Сійӧ ӧд менӧ бӧрйис, а эз тэнсьыд батьтӧ да сылысь рӧдсӧ. Пуктіс менӧ юравны Израильӧн, Господьлӧн войтырӧн. Господь водзын ме кӧсъя гажӧдчыны

Матвей 2:6

– Иуда муын Виплием кар, Иудалӧн мукӧд юрнуӧдан каръясысь тэ абу ичӧтджык. Виплием карысь петас Юралысь, Менсьым ыжъясӧс, Израиль войтырӧс, Сійӧ видзны кутас».

Ӧксыяслӧн 2 небӧг 7:8

Висьтав Менам Давид кесйӧглы, мый шуӧ Господь Саваоф. Ме босьті тэнӧ ыж йирсянінысь, кӧні тэ видзин ыжъясӧс, да пукті ӧксыӧ Аслам Израиль войтырлы.

Ӧксыяслӧн 1 небӧг 17:15

а Давид кадысь кадӧ ветлывліс Саул дінысь Виплиемӧ видзны батьыслысь ыжъяссӧ.

1 Каднебӧг 17:6

Израиль войтыркӧд ветлігъясӧ Ме эг тшӧктывлы израильса веськӧдлысьяслы – Менсьым войтырӧс видзысьяслы – лэптыны Меным сус пуысь керка.

1 Каднебӧг 17:8

Ме вӧлі тэкӧд быдлаын, кытчӧ тэ ветлін. Ме бырӧді тэ водзысь вӧрӧгтӧ. Ӧні Ме нимӧда тэнӧ, кыпӧда тэнӧ мувывса нималана йӧзысь вылӧджык на.

2 Каднебӧг 6:6

А ӧні Ме бӧрйи Ерусалим кар, медым сэні вӧлі Менам нимӧй. Ме бӧрйи Давидӧс, медым сійӧ веськӧдліс Менам Израиль войтырӧн”.