1 Каднебӧг 17:24 - Коми Библия 2023

²⁴ Мед лоӧ ошкӧма Тэнсьыд нимтӧ нэмъяс чӧж! Мед шуасны: ”Господь Саваоф – Израильлӧн Ен”. Тэнад Давид кесйӧглӧн рӧдыс мед вӧрзьывтӧг сулалас Тэнад чужӧмбан водзын.

1 Каднебӧг 17:24 Referans Kwoze

Восьтӧм 21:3

Ме кылі енэжсянь гора шы. Сійӧ шуис: – Со, мувывса йӧз пӧвстын Енлӧн оланін! Енмыс кутас овны накӧд, найӧ лоӧны Сылӧн войтырӧн. Ачыс Енмыс лоас накӧд, да лоӧ налӧн Енмӧн,

1 Петыр 4:11

Коді висьталӧ, мед висьталӧ Енсянь. Коді кесъялӧ, мед кесъялӧ Ен вынӧн. Сэки быдторйын лоӧ ошкӧмыс Енлы Исус Кристос пыр. Сылы ошкӧмыс, Сылӧн ыджыдалӧмыс нэмъяс чӧж! Аминь.

Еврейяслы 11:16

Но найӧ кӧсйисны овмӧдчыны бурджык муӧ – енэжӧ. Та вӧсна Енмыс оз яндысь шуны Асьсӧ налӧн Енмӧн, ӧд Сійӧ дасьтіс налы кар.

Еврейяслы 8:10

Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.

Филипӧ 2:11

медым Ен Батьӧс ошкӧм могысь быд морт шуис: «Исус Кристос эм Господь».

Иоан 17:1

Тайӧс висьталӧм бӧрын Исус видзӧдліс енэжас да шуис: «Батьӧй, воис кад восьтны Пиыдлысь дзирдлунсӧ, медым Пиыд вермис восьтны Тэнсьыд дзирдлунтӧ.

Иоан 12:28

Батьӧй, восьт Аслад нимлысь дзирдлунсӧ!» Сэки енэжсянь кыліс гӧлӧс шы: «Ме восьті нин да нӧшта на восьта».

Матвей 6:13

Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.

Матвей 6:9

Кевмысьӧй тадзи: – Енэжвывса миян Бать, мед лоӧ вежаӧн Тэнад нимыд.

Еремей 31:1

Сійӧ кадас, – висьталӧ Господь, – Ме лоа израильса быд чужанкотырлӧн Енмӧн, а найӧ – Менам войтырӧн.

Псалтыр 72:19

Ӧти здукӧн найӧс лоӧ бырӧдӧма, найӧ вошасны, налӧн олӧмныс лёка помасяс.

Псалтыр 21:13

Уна ӧш чукӧртчисны ме гӧгӧр, васанса тшӧгӧдӧм ӧшъяс кытшалісны менӧ.

2 Каднебӧг 6:33

сэки Тэ кыв сійӧс енэжсяньыд, Аслад оланінсянь. Кора Тэнӧ, вӧч йӧз муысь локтысьлӧн кевмӧм серти, медым мувывса войтыръяс тӧдісны Тэнсьыд нимтӧ да Тэнад Израиль войтырыд моз полісны-вежавидзисны Тэысь. Сэки найӧ тӧдмаласны, мый Тэнад нимлы сиӧма тайӧ крамсӧ, мый ме лэпті.

1 Каднебӧг 17:23

Ӧні, Господьӧй, пыр кежлӧ вынсьӧд да збыльмӧд Ассьыд кывъястӧ, мый Тэ шуин ме йылысь да менам рӧд йылысь.

1 Каднебӧг 17:25

Тэ, Енмӧй, восьтін меным, Аслад кесйӧглы, мый зумыдмӧдан менсьым рӧдӧс. Та вӧсна ме повтӧг шыаси Тэ дінӧ аслам кевмысьӧмӧн.

Еремей 38:17

Еремей шуис Седекейлы: «Господь Ен Саваоф, Израильлӧн Ен, тадзи висьталӧ: ”Тэ кӧ сетчан вавилонса ӧксылӧн киподувса юралысьяслы, тэ ловйӧн колян, и тайӧ карсӧ оз сотны биӧн. Тэ да тэнад гортсаыд ловйӧн колянныд.