1 Каднебӧг 17:11 - Коми Библия 2023

¹¹ Кор помасясны тэнад олан лунъясыд, и тэ вуджан аслад батьяс дінӧ, сэки Ме пукта ӧксыӧ тэсянь чужысьӧс да зумыдмӧда сылысь юралӧмсӧ.

1 Каднебӧг 17:11 Referans Kwoze

Ап. уджъяс 13:36

Давид аслас кадӧ пӧртіс олӧмас Енлысь кӧсйӧмсӧ. Сэсся сійӧ куліс, да сійӧс гуалісны батьяскӧд орччӧн. Давидным аддзыліс сісьмӧмсӧ,

Ап. уджъяс 2:29

Вокъясӧй! Кӧсъя веськыда висьтавны тіянлы Давид батьным йылысь. Сійӧ куліс, и сійӧс гуалісны. Дзебаніныс ӧнія лунӧдз на эм миян.

1 Каднебӧг 29:28

Сійӧ кувсис ыджыд арлыдаӧн, олӧмнас пӧтӧмаӧн. Сылӧн вӧлі уна озырлун, вӧлі нималӧм. Сы пыдди ӧксынас лои Соломон пиыс.

1 Каднебӧг 29:15

Тэ водзын ми батьясным моз йӧз муысь локтысьяс. Му вылас миян олан лунъясным вуджӧр кодь, миянлы нинӧм вылӧ лачанымӧс кутны.

1 Каднебӧг 28:5

Господь сетіс меным уна пи, но став пиян пӧвстысь Сійӧ бӧрйис Соломонӧс, медым сійӧ пукаліс Господьлӧн юралан пуклӧсын да веськӧдліс Израиль войтырӧн.

Ӧксыяслӧн 3 небӧг 8:20

Господь збыльмӧдіс Ассьыс шуӧм кывсӧ. Ӧні ме пукала Давид батьлӧн юралан пуклӧсын да веськӧдла Израильӧн, кыдзи Господь и шуліс. Ме лэпті Израильлӧн Господь Енлы крам.

Ӧксыяслӧн 3 небӧг 2:10

Давид куліс да вуджис батьясыс дінӧ. Сійӧс дзебисны Давид карӧ.

Ӧксыяслӧн 3 небӧг 1:21

Он кӧ ӧні вӧч тайӧс, ӧксыӧй-ыджыдӧй, тэнад кулӧм бӧрын, кор тэ вуджан батьясыд дінӧ, мыжаласны менӧ да менсьым Соломон пиӧс».

Индӧд 31:16

Господь шуис Мӧисейлы: «Регыд тэ вуджан батьясыд дінӧ. А тайӧ войтырыс эновтас Менӧ сійӧ муас, кытчӧ пырас. Кырсалысь ань моз найӧ сетчасны мукӧд енъяслы да торкасны йитӧдӧс, мый Ме кӧрталі накӧд.

Олӧм 15:15

Тэ вуджан аслад батьяс дінӧ лӧнь сьӧлӧмӧн да шудаӧн. Ыджыд арлыдаӧн дзебасны тэнӧ.

Ӧксыяслӧн 3 небӧг 8:19

Но он тэ лэпты, а тэсянь чужысь пиыд лэптас Меным крам”.

1 Каднебӧг 17:10

кыдзи вӧлі сэки, кор Ме пукті ёрдысьясӧс веськӧдлыны Аслам Израиль войтырӧн. Ме пасьварта став тэнсьыд вӧрӧгтӧ. Ме, Господь, кӧсйыся тэныд, мый зумыдмӧда тэнсьыд рӧдтӧ.

1 Каднебӧг 17:12

Сійӧ лэптас Меным керка, и Ме зумыдмӧда сылысь юралӧмсӧ нэмъяс кежлӧ.

Еремей 33:17

Господь тадзи висьталӧ: Давид рӧдысь ӧксы кутас пыр пукавны Израильлӧн юралан пуклӧсын.

2 Каднебӧг 6:9

Но он тэ лэпты, а тэсянь чужысь пиыд лэптас Меным крам”.

Псалтыр 89:5

Тэнад син водзын сюрс воыс тӧрытъя кольӧм лун кодь, кар видзысьлӧн войся дӧзьӧритан кад кодь.