1 Каднебӧг 15:15 - Коми Библия 2023

¹⁵ Потшъяс отсӧгӧн левитъяс нуисны пельпом выланыс Енлысь кудсӧ, кыдзи Мӧисей тшӧктіс вӧчны Господьлӧн шуӧм серти.

1 Каднебӧг 15:15 Referans Kwoze

Лыд 4:15

Израиль войтырлӧн туйӧ петтӧдзыс Аарон пияныскӧд мед вевттяласны став вежа дозмук-кӧлуйсӧ. Сӧмын та бӧрын вермасны матыстчыны Кааф пиян, медым нуны вежа дозмук-кӧлуйсӧ. Найӧ кӧ инмӧдчасны вевттьытӧм вежа дозмук-кӧлуй дінӧ, куласны. Вежа чомйын кесъялан дозмук-кӧлуйсӧ колӧ новлӧдлыны Кааф пиянлы.

Лыд 7:9

Кааф пиянлы тарантасъяссӧ да ӧшъяссӧ эз сет, ӧд налы колӧ вӧлі новлӧдлыны вежа дозмук-кӧлуйсӧ асланыс пельпом вылын.

2 Каднебӧг 5:9

Потшъясыс вӧліны сэтшӧм кузьӧсь, мый налысь помсӧ мортыс вермис аддзыны Вежасьыс-вежаин водзвылын ортсы вежӧсас сулалігӧн. Но ылыстчыны кӧ, потшъясыс эз тыдавны. Йитӧд кудйыс ӧнӧдз сэні сулалӧ.

Ӧксыяслӧн 3 небӧг 8:8

Потшъясыс вӧліны сэтшӧм кузьӧсь, мый налысь помсӧ мортыс вермис аддзыны Вежасьыс-вежаин водзвылын ортсы вежӧсас сулалігӧн, мӧд ногӧн кӧ, Вежаинын сулалігӧн. Но ылыстчыны кӧ, потшъясыс эз тыдавны. Найӧ ӧнӧдз сэнӧсь.

Петӧм 40:20

Мӧисей пуктіс кудйӧ Индӧд изпӧвъяс. Кудлӧн кольчаясӧ сюйис потшъяс да куд вылӧ пуктіс вевтсӧ.

Ӧксыяслӧн 2 небӧг 6:13

Господьлысь кудсӧ нуысьяслӧн квайт воськов бӧрын Давид вайис вись пыдди ӧшкӧс да тшӧгӧдӧм куканьӧс.

1 Каднебӧг 13:10

Господь таысь скӧрмис Уззай вылӧ да дзик пыр виис сійӧс. Уззай куліс Ен водзын.

Индӧд 10:8

Сійӧ кадас Господь торйӧдіс Левий чужанкотырӧс, медым найӧ новлӧдлісны Господьлысь Йитӧд кудсӧ, кесъялісны Господь водзын [кевмысисны] да бурсиисны Сылӧн нимӧн. И тайӧ ӧніӧдз тадзи.

Ӧксыяслӧн 2 небӧг 6:12

Давидлы висьталісны, Енлӧн куд вӧсна пӧ Господь бурсиӧма Овед-Эдомӧс, сылысь гортсасӧ да ставсӧ, мый сылӧн эм. Сэки Давид нимкодясьӧмӧн вайис Енлысь кудсӧ Овед-Эдомлӧн керкаысь аслас Давид карӧ.