1 Каднебӧг 13:6 - Коми Библия 2023

⁶ Сэсся накӧд муніс Иуда муӧ Баала карӧ, мӧд ногӧн кӧ, Киръят-Яримӧ, мед вайны сэтысь Господь Енлысь кудсӧ. Кудсӧ вӧлі сиӧма херувимъяс вылын пукалысь Господьлы.

1 Каднебӧг 13:6 Referans Kwoze

Нав Исус 15:9

Керӧс йывсянь мудорыс веськӧдчӧ Нефтоах ва петанінлань да Ефрон керӧсвыв каръяслань, сэсянь бергӧдчӧ Баалалань, мӧд ногӧн кӧ, Киръят-Яримлань.

Ӧксыяслӧн 4 небӧг 19:15

Езекей пондіс кевмысьны: «Господьӧй, Израильлӧн Енмӧй! Тэ пукалан херувимъяс вылын. Тэ – ӧти Ен, Тэ ыджыдалан став му пасьталаыс. Тэ вӧчин енэжсӧ и мусӧ.

Петӧм 25:22

Йитӧд кудлӧн вевт вывтсянь, куд вылын сулалысь кык херувим костысь, Ме кута шыасьны тэ дінӧ, кута сетны Израиль пиянлы тшӧктӧмъяс тэ пыр».

Ӧксыяслӧн 1 небӧг 4:4

Херувимъяс вылын пукалысь Господь Саваофлӧн Йитӧд кудла мӧдӧдісны йӧзӧс Силомӧ. Кудсӧ вайысьяскӧд тшӧтш локтісны Офни да Пинес, Илийлӧн пияныс.

Нав Исус 15:60

Иуда чужанкотырлы вичмисны Киръят-Ваал, мӧд ногӧн кӧ, Киръят-Ярим да Равва каръяс – кык кар да нагӧгӧрса сиктъяс.

Исай 37:16

«Господь Саваоф, Израильлӧн Ен! Тэ пукалан херувимъяс вылын. Тэ – ӧти Ен, Тэ ыджыдалан став му пасьталаыс. Тэ вӧчин енэжсӧ и мусӧ.

Псалтыр 99:1

[Давидлӧн] аттьӧалана псалом. Му вылын олысьяс, гораа нимкодясьӧмӧн ошкӧй Господьӧс!

Псалтыр 80:1

Сьылысьясӧн веськӧдлысьлы. Ворсӧны гефса ворсанторйӧн. Асафлӧн псалом.

Ӧксыяслӧн 3 небӧг 8:16

”Ассьым Израиль войтырӧс Египетысь петкӧдӧмсянь Израиль чужанкотыръяслы вичмӧдӧм муясын Ме эг бӧрйывлы некутшӧм кар, медым сэні лэптісны Меным керка. [А ӧні Ме бӧрйи Ерусалим кар, медым сэні вӧлі Менам нимӧй.] Ме бӧрйи Давидӧс, медым сійӧ веськӧдліс Менам Израиль войтырӧн”.

Лыд 7:89

Кор Мӧисей пыравліс вежа чомйӧ сёрнитны Господькӧд, сійӧ кывліс гӧлӧс шы Йитӧд куд вевт вывсянь кык херувим костысь. Тадзи Господь сёрнитіс Мӧисейкӧд.

Лыд 6:27

Тадзи Менам нимсянь Аарон да сылӧн пияныс мед бурсиасны Израиль войтырӧс, и Ме [Господь] бурсиа найӧс».

Петӧм 23:21

Видзчысьӧй сыысь да кывзысьӧй сылысь. Энӧ дӧзмӧдӧй сійӧс, ӧд сійӧ тіянлы тайӧс оз прӧстит. Менам нимӧй олӧ сы пытшкын.

Петӧм 20:24

Вӧчӧй муысь Меным висьпуктанін да вайӧй сэні сотан да бурасян вись пыдди ыж-мӧс. Быд местаын, кӧні Ме восьта Ассьым нимӧс, Ме локта тіян дінӧ да бурсиа тіянӧс.

Нав Исус 9:17

Сэки Израиль пиян петісны туйӧ да куим лун мысти воисны налӧн Гаваон, Кефира, Берот да Киръят-Ярим каръясӧдз.

Ӧксыяслӧн 1 небӧг 6:21

Сэки мӧдӧдісны йӧзӧс Киръят-Яримӧ висьтавны, филистимсаяс пӧ вайисны Господьлысь кудсӧ, локтӧй пӧ да босьтӧй сійӧс аслыныд.