1 Каднебӧг 13:5 - Коми Библия 2023

⁵ Египетса Шихор ю дорсянь Лево-Хаматӧдз Давид чукӧртіс став Израиль войтырӧс, медым вайны Енлысь кудсӧ Киръят-Яримысь.

1 Каднебӧг 13:5 Referans Kwoze

Ӧксыяслӧн 1 небӧг 6:21

Сэки мӧдӧдісны йӧзӧс Киръят-Яримӧ висьтавны, филистимсаяс пӧ вайисны Господьлысь кудсӧ, локтӧй пӧ да босьтӧй сійӧс аслыныд.

Ӧксыяслӧн 3 небӧг 8:65

Сійӧ лунъясӧ Соломон став Израиль войтыркӧд пасйис гаж. Лево-Хаматсянь Египет мудорса шорӧдз израильсаяс чукӧртчисны Соломонкӧд ӧтвыв тайӧ гаж вылас. Асланыс Господь Ен водзын найӧ гажӧдчисны сизим лун чӧж, сэсся нӧшта на гажӧдчисны сизим лун – ставнас дас нёль лун. [Крам дорын найӧ сёйисны-юисны да кевмысисны Господь Ен водзын.]

Ӧксыяслӧн 2 небӧг 6:1

Давид чукӧртіс Израиль войтырысь комын сюрс медбур тышкамортӧс.

1 Каднебӧг 15:3

Став Израиль войтырӧс Давид чукӧртіс Ерусалимӧ, медым Господьлысь кудсӧ вуджӧдны местаас, мый Давид дасьтіс кудлы.

1 Каднебӧг 13:6

Сэсся накӧд муніс Иуда муӧ Баала карӧ, мӧд ногӧн кӧ, Киръят-Яримӧ, мед вайны сэтысь Господь Енлысь кудсӧ. Кудсӧ вӧлі сиӧма херувимъяс вылын пукалысь Господьлы.

Ӧксыяслӧн 4 небӧг 25:21

Ривлаын, Хамат муын, вавилонса ӧксы виис найӧс. Тадзи Иуда войтырӧс вӧлі нуӧдӧма пленӧ аслас муысь.

Ӧксыяслӧн 3 небӧг 4:21

Соломон кипод улын вӧлі став муыс Ефрат юсянь Филистим муӧдз да Египетӧдз. Ӧксыяс вайлісны Соломонлы козинъяс да кесъялісны сылы став сылӧн олан лунъяс чӧж.

Еремей 2:18

Мый бурыс тэныд сыысь, мый тэ мунан Египетӧ, медым юны Нил юысь васӧ? Мый бурыс тэныд сыысь, мый тэ мунан Ассурӧ, медым юны Ефрат юысь васӧ?

Нав Исус 9:17

Сэки Израиль пиян петісны туйӧ да куим лун мысти воисны налӧн Гаваон, Кефира, Берот да Киръят-Ярим каръясӧдз.

Ӧксыяслӧн 1 небӧг 7:1

Киръят-Яримын олысьяс локтісны да босьтісны Господьлысь кудсӧ. Вайисны сійӧс ыб вылын сулалысь Авинадав керкаӧ. Авинадавлысь Элазар писӧ вежӧдісны да пуктісны видзны Господьлысь кудсӧ.

1 Каднебӧг 13:4

Чукӧртчӧм йӧзлы тайӧ воис сьӧлӧм вылас, и найӧ шуисны тадзи вӧчны.

Исай 23:3

Помтӧм-дортӧм ва вывті тіян карӧ вайлісны Шихорысь нянь, Нил ю дорысь быдтӧмторъяс. Тіян карныд вӧлі уна войтырлы вузасянінӧн.

Ӧксыяслӧн 1 небӧг 7:2

Енлысь кудсӧ Киръят-Яримӧ вайӧмсянь коли уна кад, кызь во. Став Израиль войтыр бергӧдчис Господьлань.