1 Каднебӧг 12:8 - Коми Библия 2023

⁸ Гад чужанкотырысь йӧз ӧтувтчисны Давидкӧд, кор сійӧ дзебсясис овтӧминын. Найӧ вӧліны вынаӧсь да повтӧмӧсь, дасьӧсь тышкасьны шыӧн да сайӧдӧн, вӧліны левъяс кодь скӧрӧсь, керӧсвывса газельяс кодь тэрыбӧсь.

1 Каднебӧг 12:8 Referans Kwoze

Ӧксыяслӧн 2 небӧг 2:18

Тайӧ тышас вӧліны Саруялӧн куимнан пиыс: Йоав, Авишай да Асаил. Асаил вӧлі газель кодь тэрыб кока.

Ӧксыяслӧн 2 небӧг 23:20

Кавцелысь Бенай, Иодайлӧн пиыс, вӧлі збой тышкасьысь да нималіс аслас ыджыд уджъясӧн. Сійӧ виис моавса Ариллысь кыкнан писӧ. Коркӧ лым усигӧн сійӧ лэччис косьмӧм вайӧртӧдӧ да виис сэні левӧс.

Ӧксыяслӧн 2 небӧг 17:10

Сэки тэнад йӧзысь медся повтӧмыс, кӧть сылӧн сьӧлӧмыс левлӧн кодь, усяс ловнас. Ӧд став Израиль войтыр тӧдӧ, мый тэнад батьыд да сылӧн йӧзыс вына тышкасьысьяс.

Еремей 46:9

Рӧдтӧй, вӧвъяс, тӧвзьӧй, тарантасъяс! Петӧй тышӧ, вына шыпуртаяс, петӧй сайӧдъясӧн, эфиопияса да ливияса тышкайӧз, петӧй зэвтӧм ньӧввужъясӧн, лудса тышкайӧз!

Сьылан 8:14

– Тэрмась, мусукӧй, котӧрт газель моз, котӧрт том кӧр моз чӧскыда ӧвтысь керӧсъяс вывті.

Шусьӧгъяс 28:1

Лёк вӧчысь пышйӧ, весиг кӧ сійӧс оз вӧтӧдны, но веськыда олысь лев кодь повтӧм.

Шусьӧгъяс 6:5

Морт киӧ шедӧм газель моз, кыйсьысь киӧ веськалӧм лэбач моз мезды асьтӧ.

2 Каднебӧг 25:5

Амасей чукӧртіс Иудаын олысь айуловӧс, сэсся Иуда да Венямин чужанкотырысь айуловсӧ юкліс рӧдныс серти да сетіс найӧс сюрс тышкамортӧн да сё тышкамортӧн веськӧдлысьяслӧн кипод улӧ. Кызь арӧса да ыджыдджык арлыда айуловӧс арталӧм бӧрти Амасей тӧдмаліс, мый сылӧн эм куимсё сюрс морт, кодъяс вермӧны тышӧ ветлыны. Налӧн быдӧнлӧн вӧлі шы да сайӧд.

1 Каднебӧг 12:16

Венямин да Иуда чужанкотырысь йӧз локтісны Давид дінӧ, сылӧн дзебсясянінӧ.

1 Каднебӧг 11:22

Кавцелысь Бенай, Иодайлӧн пиыс, вӧлі збой тышкасьысь да нималіс аслас ыджыд уджъясӧн. Сійӧ виис моавса Ариллысь кыкнан писӧ. Коркӧ лым усигӧн сійӧ лэччис косьмӧм вайӧртӧдӧ да виис сэні левӧс.

1 Каднебӧг 11:16

Давид вӧлі сайӧдчанінын, а филистимсаяслӧн тышкакотырыс – Виплиемын.

Ӧксыяслӧн 2 небӧг 1:23

Саулӧс да Ионафанӧс ёна радейтісны да ошкисны. Оліганыс найӧ эз янсӧдчывны, куліганыс эз торйӧдчыны. Кутшысь тэрыбджыкӧсь, левысь ёнджыкӧсь вӧліны найӧ.

Ӧксыяслӧн 1 небӧг 24:22

Господь водзын сет меным кыв, мый менам кулӧм бӧрын тэ он ви месянь чужысьясӧс да он бырӧд менсьым нимӧс бать рӧдысь».

Ӧксыяслӧн 1 небӧг 23:14

Давид дзебсясис овтӧминын, сэсся муніс Зиф овтӧминса керӧсӧ. Саул быд лун корсис Давидӧс, но Енмыс эз сет сійӧс Саул киӧ.

1 Каднебӧг 12:7

Йоэл да Зевадай – Гедорысь Ерохамлӧн пиян.

1 Каднебӧг 12:9

Медыджыдыс вӧлі Эзер, мӧдыс – Авдий, коймӧдыс – Элиав,