1 Каднебӧг 12:38 - Коми Библия 2023

³⁸ Став тайӧ тышкайӧзыс, кодъяс вӧліны дасьӧсь тышӧ петны, локтісны Хевронӧ ыджыд кӧсйӧмӧн пуктыны Давидӧс Израильлы ӧксыӧ. Израильсаяс ставныс на моз жӧ ӧти сьӧлӧмӧн кӧсйисны пуктыны Давидӧс ӧксыӧ.

1 Каднебӧг 12:38 Referans Kwoze

Ӧксыяслӧн 3 небӧг 8:61

Тіян сьӧлӧмныд мед лоӧ йитчӧма Господькӧд, миян Енкӧд, медым и водзӧ ті олінныд Сылӧн индӧд-тшӧктӧмъяс серти».

Езекиль 11:19

Ме сета налы ӧти сьӧлӧм да пукта на пытшкӧ выль лов. Нетшышта морӧс кудсьыныс из сьӧлӧмнысӧ да сы пыдди пукта яй сьӧлӧм,

Псалтыр 110:3

Сылӧн уджъясыс ошканаӧсь да мичаӧсь, Сылӧн веськыдлуныс олӧ нэмъяс чӧж,

Псалтыр 101:2

Господьӧй, кыв менсьым кевмӧмӧс! Менам гораа бӧрдӧмӧй мед воас Тэнад пельӧдз.

2 Каднебӧг 30:12

Иуда войтыр вылын вӧлі Енлӧн киыс. Сійӧ сетіс налы ӧти сьӧлӧм, медым найӧ вӧчисны сійӧ, мый ӧксы да юралысьяс Господьлӧн кыв серти тшӧктісны вӧчны.

1 Каднебӧг 12:33

Завулон чужанкотырысь вӧліны ветымын сюрс морт, кодъяс вӧліны дасьӧсь тышӧ петны быдпӧлӧс тышкасянторйӧн. Найӧ ӧти сьӧлӧмӧн сулалісны Давид дор.

Ӧксыяслӧн 4 небӧг 20:3

«Господьӧй, казьтышт, мый ме олі Тэ водзын веськыда, став сьӧлӧмсянь кесъялі Тэныд да вӧчи Тэ водзын шогманасӧ». Сэсся Езекей ёна бӧрддзис.

Ӧксыяслӧн 3 небӧг 11:4

асланыс енъяс дорӧ. Пӧрысьладорыс Соломонлӧн сьӧлӧмыс эз вӧв йитчӧма аслас Господь Енкӧд сідзи, кыдзи вӧлі Давид батьыслӧн.

1 Каднебӧг 12:37

Йӧрдан ю сайысь, Рувимсянь да Гадсянь чужысьяс пӧвстысь да Манассейлӧн джын чужанкотырысь вӧліны сё кызь сюрс тышкаморт, аскӧдныс налӧн вӧлі быдпӧлӧс тышкасянторйыс.

1 Каднебӧг 12:39

Куим лун чӧж найӧ вӧліны Давид ордын, сёйисны-юисны, мый налӧн рӧдвуж йӧзыс вӧлі дасьтӧмаӧсь.