1 Каднебӧг 12:18 - Коми Библия 2023

¹⁸ Сэки Енлӧн Лолыс лэччис Амасай вылӧ, комын тышкамортӧн веськӧдлысь вылӧ, и сійӧ шуис: Ми – тэнад йӧз, Давид, ми тэкӧд, Ессейлӧн пи! Лӧнь олӧм тэныд, лӧнь олӧм тэнад отсасьысьяслы! Тэнад Енмыд отсалӧ тэныд. Давид сибӧдіс локтысьясӧс да пуктіс найӧс веськӧдлыны тышкайӧзӧн.

1 Каднебӧг 12:18 Referans Kwoze

Ёрдысьяс 6:34

Сэки Господьлӧн Лолыс лэччис Гедеон вылӧ. Гедеон букӧстіс буксанӧн да чукӧртіс Авиэзерлысь рӧдсӧ ас дінас.

Ёрдысьяс 3:10

Господьлӧн Лолыс вӧлі Отниэл вылын. Сійӧ вӧлі ёрдысь и Израиль войтырӧн веськӧдлысь. Отниэл петіс тышӧ, и Господь сетіс сылӧн киӧ Месопотамияысь Кушан-Ришатаим ӧксыӧс. Тадзи Кушан-Ришатаим шедіс Отниэллӧн кипод улӧ.

Ӧксыяслӧн 2 небӧг 17:25

Йоав пыдди тышкайӧзӧн веськӧдлыны Авессалом пуктіс Амессайӧс. Амессайлӧн батьыс вӧлі Изреельысь Йитрей, а мамыс вӧлі Авигея, Нахашлӧн ныв да Саруялӧн чой. Саруя вӧлі Йоавлӧн мам.

Руфа 1:16

Но Руфа вочавидзис: «Эн тшӧкты менӧ бергӧдчыны. Тэнӧ ме ог эновт. Кытчӧ тэ мунан, сэтчӧ и ме муна. Кытчӧ тэ кольччан, сэтчӧ и ме кольчча. Тэнад войтырыд лоӧ менам войтырӧн, и тэнад Енмыд лоӧ менам Енмӧн.

Галатӧ 6:16

Буралӧм да лӧньлун тайӧс тӧд выланыс кутысьяслы да Енлӧн Израильлы.

Матвей 12:30

Коді абу Мекӧд, сійӧ Меным паныд, коді оз чукӧрт Мекӧд, сійӧ разӧдӧ.

Исай 59:17

Кӧрт кышӧдӧн моз Сійӧ вевттьысис веськыдлуннас, пуктіс юр вылас мездмӧмыслысь юртупкӧдсӧ, пасьталіс Ас вылас водзӧс перъян паськӧмсӧ, вевттьысис скӧрлуннас кышанӧн моз.

1 Каднебӧг 2:17

Авигея чужтіс Амессайӧс. Амессайлӧн Етер батьыс вӧлі измаил войтырысь.

Ӧксыяслӧн 4 небӧг 10:5

Ӧксы керкаӧн веськӧдлысь, карса юралысь, юрнуӧдысьяс да ӧксылысь пиянсӧ видзысьяс ыстісны Ехулы воча юӧр: «Ми – тэнад кесйӧгъяс, и вӧчам ставсӧ, мый тэ тшӧктан. Ми некодӧс ӧксыӧ огӧ пуктӧй. Вӧч, кыдзи тэ кӧсъян».

Ӧксыяслӧн 4 небӧг 9:32

Ӧшиньлань юрсӧ лэптӧмӧн Еху юаліс: «Эм-ӧ тані кодкӧ ме дор?» Ӧшиньӧдыс мыччысисны кык-куим ыджыд чина морт.

Ӧксыяслӧн 3 небӧг 9:22

Израильсаясӧс Соломон эз пуктыв кесйӧгъясӧн. Ӧксылы найӧ кесъялісны веськӧдлысьясӧн да тышкайӧзӧн, веськӧдлісны тарантаса тышкайӧзӧн да верзьӧмаясӧн.

Закар 8:23

Господь Саваоф тадзи висьталӧ: сійӧ лунъясӧ быд иудейлӧн паськӧм бӧждорӧ кутчысясны мукӧд войтыръясысь дас морт, ас кыв вылас найӧ шуасны: «Ми тэкӧд мунам, ӧд ми кывлім, мый тэнад войтыркӧд Ен».

Ӧксыяслӧн 2 небӧг 19:13

Амессайлы висьталӧй, мый сійӧ меным ас морт. И Енмыс мед ёна мыждас менӧ, ог кӧ пукты сійӧс Йоав пыдди пыр кежлӧ веськӧдлыны тышкайӧзӧн!»

Ӧксыяслӧн 2 небӧг 15:21

Иттай воча шуис: «Ловъя Господь водзын да тэ водзын, ӧксыӧй-ыджыдӧй, кыв сета: кӧні тэ лоан – ловъя либӧ кулӧмыд, – сэні лоа и ме, тэнад кесйӧгыд».

Ӧксыяслӧн 2 небӧг 5:2

Водзын, кор Саул вӧлі миян ӧксыӧн, Израиль войтыркӧд тэ ветлывлін тышъясӧ. Господь шуліс тэныд: ”Тэ кутан видзны Менсьым Израиль войтырӧс да лоан налы юралысьӧн”».

Ӧксыяслӧн 1 небӧг 22:7

Саул шуис сійӧс кытшалысь кесйӧгъяслы: «Кывзӧй, Венямин пиян. Ті чайтанныд, мый Ессей пи сетас тіянлы ставныдлы видз-му да виноград йӧръяс, пуктас ставнытӧ сюрс да сё тышкамортӧн веськӧдлыны?

Ӧксыяслӧн 1 небӧг 8:12

Ӧтиясӧс сійӧ сувтӧдас веськӧдлыны сюрс тышкамортӧн, мӧдъясӧс – ветымынӧн. Сійӧ тшӧктас пиянныдлы гӧрны ассьыс муяссӧ да вундыны няньсӧ, вӧчны шыпуртъяс, мукӧд тышкасянтор да тарантасъяслы коланаторъяс.

Ёрдысьяс 13:25

Кор Самсон оліс Махане-Данын, Цора да Эштаол каръяс костын, Господьлӧн Лолыс кутіс ышӧдны сійӧс Израильӧс мездӧм вылӧ.

Ӧксыяслӧн 1 небӧг 16:4

Самуил вӧчис, кыдзи тшӧктіс сылы Господь. Кор сійӧ локтіс Виплиемӧ, карса юрнуӧдысьяс полігтыр вочаалісны сійӧс да юалісны: «Бур могӧн-ӧ локтін миян дінӧ?»

1 Каднебӧг 11:11

Давидлӧн тышкайӧзысь тӧдчанлунныс серти торъялісны комынӧн. Медтӧдчанаыс на пиысь вӧлі Хакмонилӧн Яшовам пиыс. Аслас шыӧн сійӧ ӧтчыдӧн виис вӧрӧглысь куимсё мортӧс.

1 Каднебӧг 12:17

Давид паныдаліс найӧс татшӧм кывъясӧн: «Ті кӧ локтінныд ме дінӧ лӧньлунӧн да кӧсъянныд отсавны меным, сідзкӧ, ме лоа тіянлы ёртӧн. А локтінныд кӧ вузавны менӧ вӧрӧглы, миян батьяслӧн Ен мед аддзас тайӧс да мыждас тіянӧс, ӧд ме некодӧс эг ви, эг дзескӧд».

Ӧксыяслӧн 1 небӧг 16:5

Самуил вочавидзис: «Бурӧн. Ме локті Господьлы вись вайны. Вежӧдӧй-сӧстӧммӧдӧй асьнытӧ да мунамӧй мекӧд тшӧтш вись вайны». Самуил вежӧдіс Ессейӧс, сылысь пиянсӧ да корис найӧс сёйны.

Ӧксыяслӧн 1 небӧг 24:12

Видзӧдлы, батьӧй, менам киын тэнад паськӧм дорышыд. Ме вундішті тэнсьыд паськӧмтӧ, но асьтӧ тэнӧ эг ви. Тӧд, ме ог кӧсйы тэныд лёксӧ и ог мун тэныд паныд. Ме абу мыжа тэ водзын, но тэ кӧсъян вины менӧ.

Ӧксыяслӧн 1 небӧг 24:13

Мед Ачыс Господь лоас ёрдысьӧн тэа-меа костын. Мед Сійӧ водзӧс перъяс тэнсьыд ме вӧсна. Но менам киӧй оз кыпты тэ вылӧ.

Ӧксыяслӧн 1 небӧг 24:16

Мед Господь лоас ёрдысьӧн миян костын. Господь тӧдӧ, мый ме абу мыжа. Сійӧ доръяс да мездас менӧ тэнад киысь».

Ӧксыяслӧн 4 небӧг 10:15

Еху водзӧ муніс да паныдасис Рекавлӧн Ионадав пикӧд. Чолӧмасигас Еху шуис сылы: «Менам сьӧлӧмӧй восьса тэныд, а тэнад?» Ионадав вочавидзис: «Менам сьӧлӧмӧй тшӧтш восьса тэныд». «Тадзи кӧ, вай меным китӧ», – шуис Еху. Ионадав мыччис кисӧ, а Еху отсаліс сылы кайны аслас тарантасӧ.