1 Иоан 3:6 - Коми Библия 2023

⁶ Сы пытшкын олысь оз вӧч мыжсӧ. А мыжсӧ вӧчысь эз аддзыв да оз тӧд Сійӧс.

1 Иоан 3:6 Referans Kwoze

3 Иоан 1:11

Муса вокӧй, видзӧд бурсӧ вӧчысь вылӧ, а эн лёксӧ вӧчысь вылӧ. Бурсӧ вӧчысь – Енсянь, а лёксӧ вӧчысь эз аддзыв Енсӧ.

1 Иоан 3:9

Енсянь чужысь оз вӧч мыжсӧ, сы пытшкӧ бур кӧйдыс вужъясьӧма. Татшӧмыс мыжсӧ вӧчны оз вермы, ӧд сійӧ Енсянь чужӧма.

1 Иоан 2:4

Коді шуӧ, ме пӧ тӧда Сійӧс, но торкӧ Сылысь тшӧктӧмъяссӧ, сійӧ пӧръясьӧ, да сы пытшкын збыльыс абу.

1 Иоан 4:8

Коді оз радейт, сійӧ оз тӧд Енсӧ, ӧд Енмыс эм муслун.

1 Иоан 3:2

Мусаясӧй, ӧні ми Енлӧн ныв-пи, а кодӧн лоам, эз на воссьы. Тӧдам сӧмын, кор воссяс, лоам Сы кодьӧсь, ӧд сэки аддзам Сійӧс сэтшӧмӧн, кутшӧм Сійӧ эм.

1 Иоан 5:18

Ми тӧдам, мый Енсянь чужысьяс мыжсӧ оз вӧчны. Енсянь чужысь видзӧ асьсӧ, да омӧльыс оз вермы инмӧдчыны сы дінӧ.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

1 Иоан 2:28

Челядь, лоӧй Сы пытшкынӧсь, медым Сылӧн локтігӧн ми вӧлім повтӧмӧсь, мед эз вӧв яндзим миянлы сувтны Сы водзӧ.

2 Коринфӧ 3:18

Ми ставным чужӧмнымӧс вевттьытӧг видзӧдам Господьлӧн дзирдлун вылӧ да рӧмпӧштанысь моз аддзам Сылысь дзирдлунсӧ. Сы вылӧ видзӧдӧмӧн ми лунысь-лун вежсям да кутам дзирдавны Сы моз жӧ. Татшӧмнас вӧчӧ миянӧс Господьлӧн Лолыс.

1 Иоан 2:3

Олам кӧ Сылӧн тшӧктӧмъяс серти, тайӧн петкӧдлам, мый ми тӧдам Сійӧс.