1 Иоан 2:14 - Коми Библия 2023

¹⁴ Гижи тіянлы, батьяс, ӧд ті тӧданныд водзысянь Олысьсӧ. Гижи тіянлы, том войтыр, ӧд ті ёнӧсь, Енлӧн кывйыс олӧ тіян пытшкын, и ті верминныд омӧльсӧ.

1 Иоан 2:14 Referans Kwoze

1 Иоан 2:13

Гижа тіянлы, батьяс, ӧд ті тӧданныд водзысянь Олысьсӧ. Гижа тіянлы, том войтыр, ӧд ті верминныд омӧльсӧ. Гижа тіянлы, челядь, ӧд ті тӧданныд Ен Батьӧс.

Колосӧ 3:16

Кристослӧн кывйыс мед озыра овмӧдчас тіян пытшкӧ. Мывкыда велӧдӧй-туйдӧдӧй ӧта-мӧднытӧ. Господьӧс аттьӧалӧмӧн сьӧлӧмсяньныд сьылӧй псаломъяс, ошкана сьыланкывъяс да бурсьылӧмъяс.

Иоан 15:7

Лоанныд кӧ Ме пытшкын, да Менам кывъясӧй кӧ лоӧны тіян пытшкын, сэки корӧй, мый кӧсъянныд, и лоас тіянлы.

Ефесӧ 6:10

Нӧшта вокъясӧй, ёнмӧдӧй асьнытӧ Господькӧд ӧтувъя олӧмас Сылӧн вермана выннас.

Иоан 8:31

Сэки Исус шуис Сылы эскысь иудейяслы: «Менам кывъяс серти кӧ оланныд, ті збыльысь Менам велӧдчысьяс.

Иоан 5:38

Сылысь кывъяссӧ сьӧлӧманыд онӧ видзӧй, ӧд ті онӧ эскӧй Сысянь Мӧдӧдӧмалы.

Восьтӧм 2:7

Кодлӧн эм пель, мед кылӧ, мый Лов висьталӧ вичкояслы. Вермысьлы Ме сета сёйны вотӧс Олӧмыслӧн пуысь, коді сулалӧ Енлӧн рай шӧрын».

3 Иоан 1:3

Меным лои зэв нимкодь, кор вокъяс локтісны да висьталісны, мый кутчысян збыляс да олан сы серти.

2 Иоан 1:2

Ті меным мусаӧсь збыльыс вӧсна, ӧд сійӧ олӧ миян пытшкын да лоӧ миянкӧд нэмъяс чӧж.

Еврейяслы 8:10

Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.

Колосӧ 1:11

Енмыс мед ёнмӧдас да вынсьӧдас тіянӧс дзирдлуна выннас, медым ті быдторйын вӧлінныд зумыдӧсь да терпитӧмӧн нуинныд быдпӧлӧс сьӧкыдсӧ.

2 Тимофейлы 2:1

Ёнмӧдчы, муса пиӧй, Исус Кристослӧн буралӧмнас.

Филипӧ 4:13

Ставсӧ верма менӧ ёнмӧдысь Исус Кристоскӧд!

Восьтӧм 2:3

Тэ уна нуин сьӧкыдсӧ, но сулалан зумыда. Менам ним вӧсна тэ ёна уджалін, но эн лигышмун.

1 Иоан 1:10

Шуам кӧ, мый ми эгӧ вӧчӧй мыжсӧ, сідзкӧ, петкӧдлам Енсӧ пӧръясьысьӧн, и Сылӧн кывйыс оз ов миян пытшкын.

Иоан 8:37

Ме тӧда, мый ті Ӧвраамсянь чужысьяс. Но ті кӧсъянныд вины Менӧ, ӧд тіян сьӧлӧмӧ оз тӧрны Менам кывъясӧй.

1 Иоан 1:1

Ми висьталам сы йылысь, мый вӧлі водзысяньыс, мый кывлім да ас синмӧн аддзылім, мый видзӧдалім да ас киӧн видлалім. Ми висьталам олӧмыслӧн кыв йылысь.