1 Фессалоникаӧ 5:8 - Коми Библия 2023

⁸ А ми – луныслӧн ныв-пи. Сідзкӧ, кутам овны садь вежӧрӧн. Пасьталам ас выланым муслуныслысь да эскӧмыслысь кӧрт кышӧдсӧ, а юртупкӧд пыдди босьтам мездмӧм вылӧ лачасӧ.

1 Фессалоникаӧ 5:8 Referans Kwoze

1 Петыр 1:13

Сідзкӧ, лоӧй дасьӧсь да олӧй садь вежӧрӧн. Кутӧй зумыд лача Енлӧн буралӧм вылӧ, коді вичмас тіянлы Исус Кристос локтігӧн.

Ефесӧ 6:11

Пасьталӧй Енсянь став вермасянторсӧ, медым верминныд сувтны омӧльыслӧн наяна лёк вӧчӧмъяслы паныд.

Исай 59:17

Кӧрт кышӧдӧн моз Сійӧ вевттьысис веськыдлуннас, пуктіс юр вылас мездмӧмыслысь юртупкӧдсӧ, пасьталіс Ас вылас водзӧс перъян паськӧмсӧ, вевттьысис скӧрлуннас кышанӧн моз.

Еврейяслы 6:19

Миян олӧмын тайӧ лачаыс зумыд якӧр кодь, сійӧ видзӧ миянӧс да отсалӧ миянлы пырны крамын ӧшалысь дӧра сайӧ, Вежасьыс-вежаинӧ.

1 Коринфӧ 13:13

Ӧні кольӧ куимтор: эскӧм, лача да муслун. Но муслуныс на пиысь медыджыд.

1 Фессалоникаӧ 5:5

ӧд ті – луныслӧн да югыдыслӧн ныв-пи. Ми абу пемыдыслӧн, абу войыслӧн ныв-пи.

1 Иоан 1:7

Сы моз кӧ югыдас ветлам, сэки миян эм ӧта-мӧдкӧд ӧтувтчӧм, сэки Исус Кристос Ен Пилӧн вирыс сӧстӧммӧдӧ миянӧс быдпӧлӧс мыжысь.

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

2 Коринфӧ 6:7

Ми висьталам збыльсӧ, ставсӧ вӧчам Ен вынӧн. Миян вермасянторным – веськыдлун. Сійӧн вермасям и водзсасям.

Бӧрданкыв 3:26

Бур, кор чӧла виччысян мездмӧмсӧ Господьсянь.

Ефесӧ 6:23

Вокъяс, сиа тіянлы лӧнь олӧм, муслун да эскӧм Ен Батьсянь да Господь Исус Кристоссянь.

Галатӧ 5:5

Но миянлы Енлӧн Лолыс сетіс лача, мый ми эскӧм пыр воам веськыдлунас.

Псалтыр 43:5

Енмӧй, Тэ менам Ӧксыӧй, сет мездмӧмсӧ Яковлы!

Псалтыр 42:5

Мыйла шогсян да майшасян, менам лолӧй? Лача кут Ен вылӧ! Ме кута на ошкыны Сійӧс, ассьым Енмӧс да Мездысьӧс. Ошкӧм.

2 Фессалоникаӧ 2:16

Ен Батьнымлы ми ёна мусаӧсь. Буралӧмыс вӧсна Сійӧ сетіс миянлы пыр кежлӧ бурӧдӧм да зумыд лача. Ачыс Исус Кристос Господьным да Ен Батьным