1 Фессалоникаӧ 5:4 - Коми Библия 2023

⁴ Вокъяс, ті онӧ пемыдас олӧй. Сідзкӧ, сійӧ луныс оз во тіян дінӧ гусясьысь моз тӧдлытӧг,

1 Фессалоникаӧ 5:4 Referans Kwoze

1 Иоан 2:8

Збыльвылас, ме гижа выль тшӧктӧм. Сійӧ збыльмӧ Кристос пытшкын да тіян пытшкын, ӧд пемыдыс вешйӧ, а збыль югыдыс югдӧдӧ нин.

2 Петыр 3:10

Господьлӧн луныс воас виччысьтӧг, войся гусясьысь моз. Сэки енэжыс ыджыд шыӧн бырас, став ентыкӧлаыс ыпъялана биысь пазалас, а муыс да ставыс, мый сэні эм, сотчас.

Колосӧ 1:13

Сійӧ мездіс миянӧс пемыдыслӧн вын улысь да пыртіс муса Пиыслӧн Юраланінӧ.

Закар 1:6

Но Менам кывъясӧй инісны. Сійӧ, мый йылысь Ме ӧлӧдӧмӧн висьтавлі Меным кесъялысь пророкъяс пыр, суис батьяснытӧ. Сэки найӧ бергӧдчывлісны мыжсьыныс шуалӧмӧн: ”Господь Саваоф кыдзи шуис, сідзи и вӧчис. Сійӧ вӧчис миянкӧд асланым бӧрйӧм туйным да лёк вӧчӧмным серти”».

Осий 10:9

Израиль, тэ мыж вӧчин Гиваын, и сійӧ кадсянь ӧнӧдз мыж вӧчан. Сэні жӧ, Гиваын, тышыс суас мыж вӧчысьясӧс.

Еремей 42:16

сідзкӧ, шыпурт, мыйысь ті поланныд, да тшыглун, мыйысь тіянӧс полӧм босьтӧ, суасны тіянӧс Египет муын, и сэні ті куланныд.

Индӧд 28:45

Став тайӧ ёрӧмыс локтас тіян вылӧ да вӧтчас тіян бӧрся, кытчӧдз оз ло бырӧдӧма тіянӧс, ӧд ті энӧ кывзысьӧй Господьлысь, асланыд Енлысь, да энӧ олӧй Сылӧн индӧд-тшӧктӧмъяс серти.

Индӧд 28:15

«Став тайӧ ёрӧмыс локтас тіян вылӧ, онӧ кӧ кутӧй кывзысьны Господьлысь, асланыд Енлысь, да овны Сылӧн став индӧд-тшӧктӧмыс серти, мый талун висьтала тіянлы.

Индӧд 19:6

Татшӧм карӧдзыс кӧ туйыс лоӧ кузь, водзӧс перйысь вермас суӧдны пышйысьӧс да скӧрйывсьыс вины сійӧс. Но пышйысь мортӧс оз ков вины, ӧд сійӧ эз мустӧмтлы виӧмаӧс.

Восьтӧм 3:3

Эн вунӧд сійӧ, мый кывлін да сибӧдін. Видз сійӧс сьӧлӧмад да бергӧдчы мыжъяссьыд! Он кӧ садьмӧдчы, локта тэ дінӧ гусясьысь моз тӧдлытӧг. Тэ весиг он тӧдлы, кутшӧм кадӧ локта тэ дінӧ.

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

Матвей 10:15

Веськыда висьтала тіянлы: мыждан лунӧ Содом да Гомора каръяслы лоас кокньыдджык сійӧ карыслы дорысь.

Лука 21:34

Видзчысьӧй, медым сьӧлӧмныд эз кӧртась кодалӧм-гажӧдчӧмас да олӧм тӧждас, ӧд ставыс тайӧ чорзьӧдӧ тіянлысь сьӧлӧмнытӧ. Мед сійӧ луныс оз су тіянӧс виччысьтӧг.

1 Фессалоникаӧ 5:2

Ті ӧд асьныд бура тӧданныд, мый Господьлӧн луныс воас войся гусясьысь моз.

Восьтӧм 16:15

«Со, Ме локта гусясьысь моз. Шуда сійӧ, коді оз узь, но видзӧ ассьыс паськӧмсӧ, медым эз коль пасьтӧг да некод эз янӧд сійӧс».