1 Фессалоникаӧ 3:12 - Коми Библия 2023

¹² Господь мед уна пӧв содтас ӧта-мӧдныд дінӧ да став йӧзыс дінӧ муслуннытӧ. Тіян муслунныд мед лоӧ сэтшӧм жӧ вына, кутшӧм вына тіян дінӧ миян муслунным.

1 Фессалоникаӧ 3:12 Referans Kwoze

Филипӧ 1:9

Ме кевмыся, мед тіян муслунныд ёнджыка на содас да сетас тіянлы быдпӧлӧс тӧдӧмлунсӧ да мывкыдлунсӧ,

Матвей 22:39

Мӧд тшӧктӧмыс – радейт матыссатӧ асьтӧ моз. Тайӧ кык тшӧктӧмыс ӧткодь,

1 Фессалоникаӧ 5:15

Видзчысьӧй, мед некод лёксьыс эз мынтысь лёкӧн. Мӧдарӧ, зільӧй вӧчны бурсӧ ӧта-мӧдныдлы да став йӧзыслы.

Римӧ 13:8

Энӧ кольӧй некодлы уджйӧзаӧн, ӧта-мӧдтӧ радейтӧм кындзи. Ӧд мӧдӧс радейтӧмнад тэ тырвыйӧ пӧртан олӧмӧ Индӧдсӧ.

2 Фессалоникаӧ 1:3

Вокъяс, миянлы быд кадӧ колӧ аттьӧавны Енсӧ тіянысь, ӧд тіян эскӧмныд лунысь-лун ёнмӧ да тіян костын ӧта-мӧд дінад муслунныд ёнджыка на содӧ.

Галатӧ 5:22

Ловлӧн вотӧсыс – муслун, нимкодьлун, лӧньлун, терпитӧм, мелілун, бурлун, эскӧм,

Галатӧ 5:6

Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колана сӧмын муслуна эскӧм.

1 Фессалоникаӧ 2:8

Ми ёна радейтам тіянӧс, та вӧсна вӧлім дасьӧсь юксьыны тіянкӧд Енлӧн Бур Юӧрнас, весиг сетны ассьыным олӧмнымӧс. Ӧд ті сэтшӧм мусаӧсь миянлы!

2 Петыр 1:7

вежавидзӧманыд – воктӧ радейтӧм, воктӧ радейтӧманыд – муслун.

Матвей 7:12

Мый кӧсъянныд, медым йӧзыс вӧчисны тіянлы, сійӧс и ті вӧчӧй налы. Тадзи Индӧд да пророк гижӧдъяс велӧдӧны».

2 Петыр 3:18

Быдмӧй буралӧмас да миян Мездысь Исус Кристос Господьнымӧс тӧдмалӧмас. Сылы ошкӧмыс ӧні да нэмъяс чӧж. Аминь.

Яков 1:17

Быдпӧлӧс бурсетӧмыс да тыр-бур козиныс воӧ вылісянь, югыдыслӧн Батьсянь. Сійӧ некор оз вежсьыв, Сылӧн югыдыс некор оз кус.

1 Фессалоникаӧ 4:1

Вокъяс, тіянлы висьтавлім нин, медым олінныд Ен водзын шогмана ногӧн. Дерт, ті дзик тадзи и оланныд. Но Исус Кристос нимӧн ышӧдам да корам тіянӧс: олӧй нӧшта на бурджыка.

Лука 17:5

Апостолъяс шуисны Господьлы: «Содты миянлы эскӧмсӧ».

Псалтыр 115:4

Ме вая вина вись, аттьӧала Господьӧс мездмӧмысь.

2 Коринфӧ 9:10

Кӧдзысьлы кӧйдыссӧ Сетысьыс да няньӧн Пӧткӧдысьыс сетӧ кӧйдыссӧ тшӧтш тіянлы. Сійӧ быдтӧ тіянлысь пуктастӧ да уна пӧв содтӧ тіян веськыда олӧмлысь вотӧссӧ,